അവസാന ഘട്ട നിർമാണം നടന്നുവരുന്ന നേര്യമംഗലത്തെ പുതിയ പാലത്തിന്റെ നിർമാണ പുരോഗതി ഡീൻ കുര്യാക്കോസ് എംപിയുടെ നേതൃത്വത്തിൽ വിലയിരുത്തുന്നു.
നേര്യമംഗലം: അവസാന ഘട്ട നിർമാണം നടന്നുവരുന്ന നേര്യമംഗലത്തെ പുതിയ പാലം 15ന് ഗതാഗതത്തിനായി തുറക്കുമെന്ന് ഡീൻ കുര്യാക്കോസ് എംപി. പാലത്തിലെ ടാറിംഗ് ജോലികൾ ആരംഭിച്ചു. നാലു ദിവസത്തിനുള്ളിൽ അപ്രോച്ച് റോഡിന്റെ പണി ആരംഭിക്കും. അതോടൊപ്പം വാക്ക് വേ പണിയും പൂർത്തീകരിക്കും.
എല്ലാ പണികളും പൂർത്തീകരിച്ച് 15നുള്ളിൽ പാലം പൊതുജനങ്ങൾക്കായി തുറന്നുകൊടുക്കുമെന്ന് നിർമാണ പുരോഗതി പരിശോധിക്കാനെത്തിയ എംപി പറഞ്ഞു.
കവളങ്ങാട് പഞ്ചായത്ത് മുൻ പ്രസിഡന്റ് സൈജന്റ് ചാക്കോ, ത്രിതല പഞ്ചായത്ത് അംഗങ്ങളായ സൗമ്യ ശശി, പ്രിയങ്ക ടോമി, ഫ്രാങ്കോ ജയിംസ്, സുനി അയ്യപ്പൻ, പൊതുപ്രവർത്തകരായ ജയ്മോൻ ജോസ്, എം.എം. നൗഷാദ്, എം.വി. ദീപു, ഷാജി കൂവക്കാട്ടിൽ, ഇ.എ. ഹനീഫ, സി.പി. ഉമ്മർ,കെ.എം. ഷമീർ , ശ്രീജിത്ത് ശിവൻ, പി.എം. റഷീദ്, ഷിജി അനീഷ് തുടങ്ങിയവർ എംപിയോടൊപ്പമുണ്ടായിരുന്നു.
Tags : NattuVishesham DistrictNews