സൗത്ത് പുതുവൈപ്പിൽ അനധികൃതമായി നഗരത്തിൽ നിന്നും എത്തിച്ച് കുട്ടിയിട്ടിരിക്കുന്ന മാലിന്യം.
വൈപ്പിൻ : എളങ്കുന്നപ്പുഴ പഞ്ചായത്ത് 17ാം വാർഡിലെ സൗത്ത് പുതുവൈപ്പിൽ ടിപ്പർ ലോറികളിലും മറ്റും നഗരത്തിൽ നിന്നുഉള മാലിന്യം കൊണ്ടുവന്ന് തള്ളുന്നത് തടയുമെന്ന് സ്ഥലം സന്ദർശിച്ച സബ് കളക്ടർ ഗ്രന്ഥേസായ് കൃഷ്ണ അറിയിച്ചു.
ഏകദേശം എട്ട് ഏക്കറോളം വരുന്ന ചുതുപ്പിൽ നിറയെ ആശുപത്രി മാലിന്യവും പ്ലാസ്റ്റിക്കും നിറഞ്ഞുകിടക്കുന്ന കാഴ്ച സബ് കളക്ടറെ നടുക്കി.
മാലിന്യം നിക്ഷേപിക്കുന്നതിനെതിരെ പഞ്ചായത്തിനുള്ള അധികാരം ഉപയോഗിക്കണമെന്ന് സബ് കലക്ടർ നിർദേശിച്ചു. തന്റെ ഭാഗത്തുനിന്ന് എടുക്കാവുന്ന എല്ലാ നടപടിളുമുണ്ടാകുമെന്ന് അദ്ദേഹം ഉറപ്പുനൽകി. തഹസിൽദാർ എൻ.എ. നിഷാന്ത് മറ്റു റവന്യു ഉദ്യോഗസ്ഥരും സബ് കളക്ടർക്കൊപ്പം ഉണ്ടായിരുന്നു.
Tags : Local News Nattuvishesham Ernakulam