ലോകകപ്പ് ഫുട്ബോള് ട്രോഫി മാതൃക മുനിസിപ്പല് ചെയര്പേഴ്സണ് റസീന അബ്ദുള് ഖാദര് അനാച്ഛാദനം ചെയ്യുന്നു.
സുല്ത്താന് ബത്തേരി: ലോകകപ്പ് ഫുട്ബോള് ആരവത്തിന്റെ ഭാഗമായി ഭീമന് ട്രോഫി തീര്ത്തും വിവിധ പരിപാടികള് സംഘടിപ്പിച്ചും സര്വജന ഹയര് സെക്കന്ഡറി സ്കൂള്. നാലടി ഉയരവും 80 കിലോഗ്രാം ഭാരവുമുള്ള ഫിഫ ലോകകപ്പ് ട്രോഫിയുടെ മാതൃകയാണ് ചണച്ചാക്കും പ്ലാസ്റ്റര് ഓഫ് പാരീസും ഉപയോഗിച്ച് നിര്മിച്ചത്.
കലാ അധ്യാപകന് മുഹമ്മദ് ഹാഷിറാണ് ട്രോഫി തയാറാക്കിയത്. ഇതിന്റെ അനാച്ഛാദനം നഗരസഭാ ചെയര്പേഴ്സണ് റസീന അബ്ദുള്ഖാദര് നിര്വഹിച്ചു. അധ്യാപകനെ അവര് ആദരിച്ചു. നഗരസഭാ സ്റ്റാന്ഡിംഗ് കമ്മിറ്റി ചെയര്പേഴ്സണ്മാരായ ഷെറീന അബ്ദുള്ള, വി.കെ. ഷിഫാനത്ത്, പ്രിന്സിപ്പല് പി.എ. അബ്ദുള്നാസര്, എച്ച്എം ബിജി വര്ഗീസ്, വിഎച്ച്എസ്ഇ പ്രിന്സിപ്പല് അമ്പിളി നാരായണന്, ഹൈസ്കൂള് സീനിയര് അസിസ്റ്റന്റ് സൗദാബി, കായികാധ്യാപകരായ സി. ബിനു, ഏലിയാമ്മ, പി. നൗഷാദ്, ഫുട്ബോള് അസോസിയേഷന് ജില്ലാ സെക്രട്ടറി ബിനു തോമസ്, വിനീത് തോമസ്, ജോഷി, പിടിഎ, എസ്എംസി ഭാരവാഹികള് തുടങ്ങിയവര് പങ്കെടുത്തു.
ലോകകപ്പ് പ്രവചന മത്സരം, ഷൂട്ടൗട്ട് മത്സരം, ഘോഷയാത്ര, വിദ്യാര്ഥികളുടെ സ്കില് പെര്ഫോമന്സ്, ലോകകപ്പ് ട്രോഫി മാതൃക നിര്മാണ മത്സരം എന്നിവ നടന്നു. ഇഷ്ട ടീമുകളുടെ ജഴ്സി അണിഞ്ഞും പതാക ഏന്തിയുമാണ് വിദ്യാര്ഥികള് പരിപാടികളില് പങ്കെടുത്തത്.
Tags : Local News Nattuvishesham Wayanad