16

തൃ​ശൂ​ർ: തൊ​ടി​യി​ലെ തു​ന്പ​പ്പൂ​വും മു​ക്കു​റ്റി​യും തേ​ടി​യു​ള്ള കു​ട്ടി​ക്കാ​ല​ഓ​ർ​മ​ക​ളും, അ​തി​രാ​വി​ലെ ചാ​ണ​കം മെ​ഴു​കി​യ വീ​ട്ടു​മു​റ്റ​ങ്ങ​ളും ഓ​ർ​മ മാ​ത്ര​മാ​യി മാ​റി​യ​തോ​ടെ ഓ​ണ​വി​പ​ണി കീ​ഴ​ട​ക്കാ​ൻ റെ​ഡി​മെ​യ്ഡ് പൂ​ക്ക​ള​ങ്ങ​ൾ എ​ത്തി​ക്ക​ഴി​ഞ്ഞു. തി​ര​ക്കു​പി​ടി​ച്ച ജീ​വി​ത​ശൈ​ലി​യി​ൽ ക​ട​ക​ളി​ൽ ക​യ​റി​യി​റ​ങ്ങി പൂ​ക്ക​ൾ വാ​ങ്ങാ​നും ത​റ​യി​ൽ ഡി​സൈ​ൻ വ​ര​ച്ച് മ​ണി​ക്കൂ​റു​ക​ളോ​ളം പൂ​ക്ക​ള​മൊ​രു​ക്കാ​നും സ​മ​യ​മി​ല്ലാ​ത്ത​വ​ർ​ക്കാ​യി അ​ഹ​മ്മ​ദാ​ബാ​ദി​ൽ​നി​ന്നും മ​ധു​ര​യി​ൽ​നി​ന്നും ട്രെ​യി​ൻ ക​യ​റി​യെ​ത്തി​യ കൃ​ത്രി​മ പൂ​ക്ക​ള​ങ്ങ​ൾ​ക്ക് ഇ​ത്ത​വ​ണ തൃ​ശൂ​രി​ലെ വി​പ​ണി​യി​ൽ വ​ൻ ഡി​മാ​ൻ​ഡാ​ണ്. കൃ​ത്രി​മ അ​സം​സ്കൃ​ത​വ​സ്തു​ക്ക​ൾ എ​ത്തി​ച്ച് സ്വ​ന്ത​മാ​യി നി​ർ​മി​ച്ചെ​ടു​ക്കു​ന്ന മോ​ഡ​ലു​ക​ളും വി​പ​ണി​യി​ലു​ണ്ട്.

ചെ​റി​യ ലി​വിം​ഗ് റൂ​മു​ക​ൾ മു​ത​ൽ വ​ൻ​കി​ട ഓ​ഫീ​സു​ക​ളു​ടെ വി​ശാ​ല​മാ​യ ഹാ​ളു​ക​ൾ​ക്കു വ​രെ യോ​ജി​ക്കു​ന്ന വി​വി​ധ വ​ലി​പ്പ​ത്തി​ലും ഡി​സൈ​നി​ലും ഇ​വ ല​ഭ്യ​മാ​ക്കി​യി​ട്ടു​ണ്ട്. ര​ണ്ട​ടി​യു​ള്ള ചെ​റി​യ പൂ​ക്ക​ള​ങ്ങ​ൾ​ക്ക് 260 രൂ​പ മു​ത​ലാ​ണു പ്രാ​രം​ഭ​വി​ല. മൂ​ന്ന​ര​ടി വ​ലി​പ്പ​മു​ള്ള​വ 650 രൂ​പ മു​ത​ൽ 900 രൂ​പ വ​രെ​യു​ള്ള നി​ര​ക്കി​ൽ ല​ഭി​ക്കും. വി​ശാ​ല​മാ​യ ഇ​ട​ങ്ങ​ളി​ൽ ഒ​രു​ക്കാ​ൻ സാ​ധി​ക്കു​ന്ന അ​ഞ്ച​ര​ടി​യു​ടെ വ​ലി​യ പൂ​ക്ക​ള​ങ്ങ​ൾ​ക്ക് 4,500, 5,500, 6,500 എ​ന്നി​ങ്ങ​നെ​യാ​ണു വി​ല.

ഒ​റി​ജി​നാ​ലി​റ്റി​യും ഈ​ടും ന​ൽ​കു​ന്ന പ്ര​ത്യേ​ക തു​ണി​യി​ൽ നി​ർ​മി​ച്ച് ച​ട്ട​യി​ൽ ക്ര​മീ​ക​രി​ച്ച രീ​തി​യി​ലു​ള്ള ചെ​ണ്ടു​മ​ല്ലി മാ​ല മോ​ഡ​ൽ പൂ​ക്ക​ള​ങ്ങ​ൾ മ​ധു​ര​യി​ൽ​നി​ന്നാ​ണ് എ​ത്തു​ന്ന​ത്. 350, 450, 700, 1,000 രൂ​പ നി​ര​ക്കു​ക​ളി​ൽ ല​ഭ്യ​മാ​ണ്.

അ​ഹ​മ്മ​ദാ​ബാ​ദി​ൽ​നി​ന്നു​ള്ള ജ​ന​പ്രി​യ മാ​റ്റ് മോ​ഡ​ലു​ക​ൾ 350 മു​ത​ൽ 450 രൂ​പ വ​രെ​യു​ള്ള ബ​ജ​റ്റ് നി​ര​ക്കി​ലും വാ​ങ്ങാ​മെ​ന്നും പു​ത്ത​ൻ​പ​ള്ളി​ക്കു സ​മീ​പ​മു​ള്ള കേ​ര​ള ഫാ​ൻ​സി ഉ​ട​മ ഷെ​ബീ​ർ പ​റ​ഞ്ഞു. വീ​ടു​ക​ളി​ലും ഓ​ഫീ​സു​ക​ളി​ലും ഒ​രു​പോ​ലെ ഉ​പ​യോ​ഗി​ക്കാ​മെ​ന്ന​തി​നാ​ൽ ഇ​ത്ത​വ​ണ​യും റെ​ഡി​മെ​യ്ഡ് പൂ​ക്ക​ള​ങ്ങ​ൾ​ക്ക് ആ​വ​ശ്യ​ക്കാ​രേ​റെ​യാ​ണ്.

Tags : Nattuvishesham DistrictNews DeepikaNews