കോഴിക്കോട്: കളക്ടറേറ്റിൽ ബോംബ് ഭീഷണി. കളക്ടറുടെ ഔദ്യോഗിക ഇ-മെയിലിലാണ് ഭീഷണി വന്നത്. തുടർന്ന് കളക്ട്രേറ്റിൽ ബോംബ് സ്ക്വാഡും ഡോഗ് സ്ക്വാഡും പരിശോധന നടത്തി. ഒരു മണിക്കൂറോളം പരിശോധന നടത്തിയിട്ടും സംശയാസ്പദമായി ഒന്നും കണ്ടെത്താനായില്ല. കളക്ടറേറ്റില് വച്ച ഐ ഇ ഡി ബോംബ് ഒരു മണിക്ക് പൊട്ടും എന്നാണ് ഇ-മെയിലിൽ ഉണ്ടായിരുന്നത്.
വ്യാപകമായ പരിശോധനക്ക് ശേഷം വ്യാജഭീഷണിയാണെന്ന് പോലീസ് സ്ഥിരീകരിച്ചു. പരിശോധനയ്ക്ക് ശേഷം, ഓഫീസിന്റെ പ്രവർത്തനം സാധാരണ ഗതിയിൽ പുനരാരംഭിച്ചു.മാസങ്ങള്ക്ക് മുന്പും കളക്ടറേറ്റില് വ്യാജ ബോംബ് ഭീഷണി ഉണ്ടായിരുന്നു.
Tags : nattu vishesham Fake bomb threat