വയോധികയുടെ മാല കവർന്നവരുടെ സിസിടിവി ദൃശ്യം.
തളിപ്പറമ്പ്: കടയിൽ നിന്ന് സാധനം വാങ്ങി മടങ്ങുകയായിരുന്ന വീട്ടമ്മയുടെ മാല ബൈക്കിലെത്തിയ സംഘം കവർന്നു. ചിറവക്ക് മൊട്ടമ്മൽമാളിന് സമീപത്തെ എ. ഉമാദേവിയുടെ (68) മാലയാണ് കവർന്നത്.
ഇന്നലെ രാവിലെ ചിറവക്കിലെ സൂപ്പർമാർക്കറ്റിൽ നിന്ന് സാധനം വാങ്ങി മടങ്ങുന്നതിനിടെ ബൈക്കിൽ പിന്തുടർന്നെത്തിയ രണ്ടംഗ സംഘമാണ് മാല കവർന്നത്.
ബൈക്ക് നിർത്തി ഒരാൾ ബൈക്കിൽ ഇരിക്കുകയും മറ്റൊരാൾ ഉമാദേവിയുടെ അടുത്തെത്തി മാല പൊട്ടിച്ച ബൈക്കിൽ കയറി രക്ഷപ്പെടുകയുമായിരുന്നു.
മാലയുടെ ലോക്കറ്റ് മാത്രമായിരുന്നു സ്വർണം. ഇത് കാൽപ്പവനോളം വരുമെന്ന് ഉമാദേവി പോലീസിൽ നൽകിയ പരാതിയിൽ പറയുന്നു. സമീപത്തെ സിസിടിവി ദൃശ്യങ്ങൾ ശേഖരിച്ച് പോലീസ് അന്വേഷണം ആരംഭിച്ചു.
Tags : Nattuvishesham District news