25

കാ​ഞ്ഞി​ര​പ്പ​ള്ളി: പ​ഞ്ചാ​യ​ത്തു​ക​ളു​ടെ വി​വി​ധ പ്ര​വ​ർ​ത്ത​ന​ങ്ങ​ൾ ഏ​കോ​പി​ക്കു​ന്ന​തി​നാ​യു​ള്ള ഡി​ജി​റ്റ​ൽ പ്ലാ​റ്റ്ഫോ​മാ​യ കെ-​സ്മാ​ർ​ട്ട് പ​ദ്ധ​തി​യെ​ക്കു​റി​ച്ച് ജ​ന​പ്ര​തി​നി​ധി​ക​ൾ​ക്കാ​യി സം​ഘ​ടി​പ്പി​ച്ച പ​രി​ശീ​ല​ന പ​രി​പാ​ടി​ക്ക് കാ​ഞ്ഞി​ര​പ്പ​ള്ളി അ​മ​ൽ​ജ്യോ​തി എ​ൻ​ജി​നി​യ​റിം​ഗ് കോ​ള​ജി​ൽ തു​ട​ക്ക​മാ​യി.

കോ​ള​ജി​ലെ സി​വി​ൽ എ​ൻ​ജി​നി​യ​റിം​ഗ് വി​ഭാ​ഗ​ത്തി​ന്‍റെ ആ​ഭി​മു​ഖ്യ​ത്തി​ൽ പ​രി​പാ​ടി അ​ബി​ൻ വ​ർ​ക്കി എം​എ​ൽ​എ ഉ​ദ്ഘാ​ട​നം ചെ​യ്തു. കോ​ള​ജ് ഡ​യ​റ​ക്‌​ട​ർ അ​ഡ്മി​നി​സ്ട്രേ​ഷ​ൻ ഫാ. ​ഡോ. റോ​യി പ​ഴ​യ​പ​റ​മ്പി​ൽ, പ്രി​ൻ​സി​പ്പ​ൽ ഡോ. ​ലി​ല്ലി​ക്കു​ട്ടി ജേ​ക്ക​ബ്, സി​വി​ൽ എ​ൻ​ജി​നി​യ​റിം​ഗ് വി​ഭാ​ഗം മേ​ധാ​വി ഡോ. ​മാ​ർ​ഗ​ര​റ്റ് ഷെ​റി​ൻ ജോ​സ​ഫ്, പ്ര​ഫ. ഡോ. ​ബി​നു എം. ​ഐ​സ​ക്, അ​സി. പ്ര​ഫ. അ​ജ​യ് ത​മ്പി തു​ട​ങ്ങി​യ​വ​ർ പ്ര​സം​ഗിച്ചു.

ത​ദ്ദേ​ശ​ഭ​ര​ണ സം​വി​ധാ​ന​ങ്ങ​ളെ കൂ​ടു​ത​ൽ കാ​ര്യ​ക്ഷ​മ​മാ​ക്കാ​നും ഡി​ജി​റ്റ​ൽ ഗ​വേ​ണ​ൻ​സ് വ​ഴി ജ​ന​ങ്ങ​ൾ​ക്ക് മി​ക​ച്ച സേ​വ​ന​ങ്ങ​ൾ വേ​ഗ​ത്തി​ൽ ല​ഭ്യ​മാ​ക്കാ​നും ല​ക്ഷ്യ​മി​ട്ടാ​ണ് പ​രി​ശീ​ല​നം സം​ഘ​ടി​പ്പി​ച്ച​ത്. കാ​ഞ്ഞി​ര​പ്പ​ള്ളി, പാ​റ​ത്തോ​ട്, ചി​റ​ക്ക​ട​വ്, എ​രു​മേ​ലി എ​ന്നീ പ​ഞ്ചാ​യ​ത്തു​ക​ളി​ൽ നി​ന്നു​ള്ള നി​ര​വ​ധി ജ​ന​പ്ര​തി​നി​ധി​ക​ൾ പ​രി​ശീ​ല​ന പ​രി​പാ​ടി​യി​ൽ പ​ങ്കെ​ടു​ത്തു.

ഇ​ൻ​ഫ​ർ​മേ​ഷ​ൻ കേ​ര​ള മി​ഷ​നി​ലെ സ​ന്തോ​ഷാ​ണ് കെ-​സ്മാ​ർ​ട്ട് പ്ലാ​റ്റ്‌​ഫോ​മി​നെ​ക്കു​റി​ച്ചു​ള്ള സാ​ങ്കേ​തി​ക സെ​ഷ​നു​ക​ൾ​ക്ക് നേ​തൃ​ത്വം ന​ൽ​കി​യ​ത്. പ​ഞ്ചാ​യ​ത്ത് ഭ​ര​ണ​നി​ർ​വ​ഹ​ണ​ത്തി​ൽ കെ-​സ്മാ​ർ​ട്ടി​ന്‍റെ പ്രാ​ധാ​ന്യം, വി​വി​ധ ഡി​ജി​റ്റ​ൽ സേ​വ​ന​ങ്ങ​ൾ, ഗ​വേ​ണ​ൻ​സ് ടൂ​ളു​ക​ൾ എ​ന്നി​വ​യെ​ക്കു​റി​ച്ചു​ള്ള വി​ശ​ദ​മാ​യ ക്ലാ​സു​ക​ളും പ്രാ​യോ​ഗി​ക പ​രി​ശീ​ല​ന​വും പ്ര​തി​നി​ധി​ക​ൾ​ക്ക് ന​ൽ​കി.

Tags : K-Smart Nattuvishesham Districte news