22

കാ​യം​കു​ളം: കാ​യം​കു​ളം-​തി​രു​വ​ല്ല സം​സ്ഥാ​ന​പാ​ത​യി​ൽ കാ​ക്ക​നാ​ട് റെ​യി​ൽ​വേ മേ​ൽ​പ്പാ​ലം നി​ർ​മി​ക്കു​ന്ന​തി​നു​ള്ള ടെ​ൻ​ഡ​ർ ഉ​റ​പ്പി​ക്കു​ന്ന ന​ട​പ​ടി പൂ​ർ​ത്തി​യാ​യി. ക​രാ​റു​കാ​ര​നു​മാ​യി സ​മ്മ​ത​പ​ത്രം ഒ​പ്പി​ടു​ന്ന​തി​നും വ​ർ​ക്ക് ഓ​ർ​ഡ​ർ വയ്ക്കു​ന്ന​തി​നു​മു​ള്ള ന​ട​പ​ടി​ക​ൾ ഉ​ട​ൻ പൂ​ർ​ത്തി​യാ​കും. ഇ​തോ​ടൊ​പ്പം ത​ന്നെ മേ​ൽ​പ്പാ​ല​ത്തി​ന്‍റെ രൂ​പ​രേ​ഖ ത​യാറാ​ക്കി റെ​യി​ൽ​വേ​യു​ടെ അം​ഗീ​കാ​ര​ത്തി​നു സ​മ​ർ​പ്പി​ച്ചു​ക​ഴി​ഞ്ഞു.

ഇ​രു​വ​ശ​ത്തെ​യും അ​നു​ബ​ന്ധ​പാ​ത​യു​ടെ രൂ​പ​രേ​ഖ മ​ദ്രാ​സ് ഐ​ഐ​ടി​യാ​ണ് അം​ഗീ​ക​രി​ക്കേ​ണ്ട​ത്. ഇ​തും സ​മ​ർ​പ്പി​ച്ചി​രി​ക്കു​ക​യാ​ണ്.​ വൈ​ദ്യു​തി​ലൈ​ൻ, ജ​ല​വി​ത​ര​ണ​ പൈ​പ്പു​ക​ൾ, ടെ​ലി​ഫോ​ൺ ലൈ​ൻ എ​ന്നി​വ മാ​റ്റി സ്ഥാ​പി​ക്കേ​ണ്ട​ത് അ​ത​ത് സ്ഥാ​പ​ന​ങ്ങ​ളാ​ണ്. ഇ​തി​നു​ള്ള എ​സ്റ്റി​മേ​റ്റ് ല​ഭി​ച്ചാ​ലു​ട​ൻ റെ​യി​ൽ​വേ പ​ണ​മ​ട​യ്ക്കും. ഏ​റ്റെ​ടു​ത്ത വ​സ്തു​വി​ലെ മ​തി​ലു​ക​ൾ, മ​ര​ങ്ങ​ൾ എ​ന്നി​വ നീ​ക്കം ​ചെ​യ്യാ​നു​ള്ള ന​ട​പ​ടി​യും സ്വീ​ക​രി​ച്ചി​ട്ടു​ണ്ട്.

2018 -2019 സാ​മ്പ​ത്തി​ക​വ​ർ​ഷ​മാ​ണ് കാ​ക്ക​നാ​ട്ട് സം​സ്ഥാ​ന​പാ​ത​യി​ൽ മേ​ൽ​പ്പാ​ല​മ​നു​വ​ദി​ച്ച​ത്. ആ​ദ്യം റെ​യി​ൽ​വേ​യും സം​സ്ഥാ​ന സ​ർ​ക്കാ​രും 50 ശ​ത​മാ​നം വീ​തം മു​ത​ൽ​മു​ട​ക്കി​യു​ള്ള സം​യു​ക്ത സം​രം​ഭ​മാ​യി​രു​ന്നു തീ​രു​മാ​നി​ച്ചി​രു​ന്ന​ത്. 32.5 കോ​ടി​യാ​യി​രു​ന്നു ചെ​ല​വ് ക​ണ​ക്കാ​ക്കി​യി​രു​ന്ന​ത്.

എ​ന്നാ​ൽ, പി​ന്നീ​ട് ചെ​ല​വ് പൂ​ർ​ണ​മാ​യും റെ​യി​ൽ​വേ ഏ​റ്റെ​ടു​ക്കാ​മെ​ന്നു തീ​രു​മാ​നി​ക്കു​ക​യാ​യി​രു​ന്നു. തു​ട​ക്ക​ത്തി​ൽ​ത്ത​ന്നെ ചി​ല​രു​ടെ എ​തി​ർ​പ്പും കോ​ട​തി വ്യ​വ​ഹാ​ര​ങ്ങ​ളും​ മൂ​ലം സ്ഥ​ല​മേ​റ്റെ​ടു​ക്കാ​നു​ള്ള ന​ട​പ​ടി​ക​ൾ വൈ​കി. 400 മീ​റ്റ​ർ നീ​ള​വും 7.5 മീ​റ്റ​ർ വീ​തി​യും 1.5 മീ​റ്റ​ർ വീ​തി​യി​ൽ ന​ട​പ്പാ​ത​യും ഉ​ൾ​പ്പെ​ടു​ന്ന​താ​ണ് മേ​ൽ​പ്പാ​ലം. ഇ​രു​വ​ശ​ങ്ങ​ളി​ലെ​യും സ​ർ​വീ​സ് റോ​ഡ് നി​ർ​മാ​ണ​വും പ​ദ്ധ​തി​യി​ലു​ൾ​പ്പെ​ടു​ന്നു. തീ​ര​ദേ​ശ റെ​യി​ൽ​വേ ക​ട​ന്നു​പോ​കു​ന്ന കാ​ക്ക​നാ​ട് റെ​യി​ൽ​വേ ഗേ​റ്റി​നു മു​ക​ളി​ലൂ​ടെ മേ​ൽ​പ്പാ​ലം വേ​ണ​മെ​ന്ന ആ​വ​ശ്യ​ത്തി​ന് ഏ​റെ​ക്കാ​ല​ത്തെ പ​ഴ​ക്ക​മു​ണ്ട്.

ട്രെ​യി​ൻ പോ​കാ​ൻ​വേ​ണ്ടി ഗേ​റ്റ് അ​ട​യ്ക്കു​ന്ന വേ​ള​യി​ൽ ഇ​രു​വ​ശ​ത്തും ഒ​രു​കി​ലോ​മീ​റ്റ​ർ ദൂ​രം​വ​രെ വാ​ഹ​ന​ങ്ങ​ളു​ടെ നീ​ണ്ടനി​ര​യു​ണ്ടാ​കും. കാ​യം​കു​ളം ഭാ​ഗ​ത്തു​നി​ന്നു തി​രു​വ​ല്ല, ചെ​ങ്ങ​ന്നൂ​ർ ഭാ​ഗ​ങ്ങ​ളി​ലെ സ്വ​കാ​ര്യ ആ​ശു​പ​ത്രി​ക​ളി​ലേ​ക്കു​ള്ള രോ​ഗി​ക​ളു​മാ​യി ക​ട​ന്നു​പോ​കു​ന്ന ആം​ബു​ല​ൻ​സു​ക​ൾ​പോ​ലും ഗ​താ​ഗ​തക്കുരു​ക്കി​ൽ​പ്പെ​ടു​ന്ന അ​വ​സ്ഥ​യാ​ണ്. സ​മീ​പ​ത്തെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ വാ​ഹ​ന​ങ്ങ​ളും കാ​ത്തു​കി​ട​ക്കേ​ണ്ടി​വ​രാ​റു​ണ്ട്. സം​സ്ഥാ​ന​പാ​ത​യി​ൽ കാ​യം​കു​ളം-ചെ​ട്ടി​കു​ള​ങ്ങ​ര-മാ​വേ​ലി​ക്ക​ര പ്ര​ദേ​ശ​ങ്ങ​ളെ ബ​ന്ധി​പ്പി​ക്കു​ന്ന തി​ര​ക്കേ​റി​യ പാ​ത​യി​ലാ​ണ് കാ​ക്ക​നാ​ട് റെ​യി​ൽ​വേ ഗേ​റ്റ്.

Tags : nattu vishesham Kakkanad Railway Flyover