ദേശിയപാതയിൽ സിമന്റ് ചെയ്ത ഭാഗം ഇടിഞ്ഞ നിലയിൽ.
തളിപ്പറമ്പ്: ദേശീയപാതയില് വീണ്ടും മണ്ണിടിച്ചില് പരിസരവാസികൾ ആശങ്കയിൽ. പരിയാരം കപ്പണത്തട്ടിലാണ് നിര്മാണം നടന്നുകൊണ്ടിരിക്കുന്ന ആറുവരിപാതയില്മണ്ണിടിഞ്ഞത്. ഇന്നലെ പുലര്ച്ചെയായിരുന്നു സംഭവം. മണ്ണിന് മുകളില് സിമന്റ് സ്പ്രേ ചെയ്ത ഭാഗമാണ് ഇടിഞ്ഞത്.
കഴിഞ്ഞ മാസവും മണ്ണിടിഞ്ഞിരുന്നു. ഇത്തരത്തില് സിമന്റ് പിടിപ്പിച്ച പലഭാഗങ്ങളും മഴയില് ഒലിച്ചുപോകുകയോ ഇടിഞ്ഞു വീഴുകയോ ചെയ്യുന്നത് വാഹനഗതാഗതത്തിന് വലിയ ഭീഷണിയായി മാറിയിരിക്കയാണ്. റോഡിന് താഴെ സിഎച്ച് നഗറില് നൂറുകണക്കിനാളുകള് താമസിക്കുന്ന സ്ഥലത്തേക്ക് മണ്ണും ചെളിയും ഒലിച്ചിറങ്ങി വീടുകളിൽ ചെളിയും വെള്ളവും നിറഞ്ഞ് താമസിക്കാൻ പറ്റാത്ത അവസ്ഥയിലാണ്.
Tags : Nattuvishesham District news