1

ചാ​രും​മൂ​ട്: കാ​ല​വ​ർ​ഷ​ക്കെ​ടു​തി​യി​ൽ കൃ​ഷി​നാ​ശം സംഭവിച്ച ക​ർ​ഷ​ക​ർ​ക്ക് ന​ഷ്ട​പ​രി​ഹാ​രം ല​ഭി​ക്കു​ന്ന​തി​നു​ള്ള ന​ട​പ​ടിക്ര​മ​ങ്ങ​ൾ മ​റ്റൊ​രു ദു​രി​ത​മാ​കു​ന്നു.​ ന​ട​പ​ടി​ക്ര​മ​ങ്ങ​ൾ ല​ഘൂ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. വി​ള​നാ​ശ​ത്തി​ന് അ​ർ​ഹ​മാ​യ ന​ഷ്ട​പ​രി​ഹാ​രം ല​ഭി​ക്കു​ന്ന​തി​ന് നി​ല​വി​ലു​ള്ള സ​ങ്കീ​ർ​ണ ന​ട​പ​ടി​ക്ര​മ​ങ്ങ​ൾ ക​ർ​ഷ​ക​ർ ക്ക് ​വ​ലി​യ ബു​ദ്ധി​മു​ട്ട് സൃ​ഷ്‌​ടി​ക്കു​ക​യാ​ണെ​ന്ന് ക​ർ​ഷ​ക സം​ഘ​ട​ന​ക​ളും ചൂ​ണ്ടി​ക്കാട്ടി.

ന​ഷ്‌​ട​പ​രി​ഹാ​രം ല​ഭി​ക്കാ​ൻ വി​ല്ലേ​ജ് ഓ​ഫീ​സു​ക​ളി​ലും കൃ​ഷി​ഭ​വ​നു​ക​ളി​ലും സ​മ​ർ​പ്പി​ക്കേ​ണ്ട ഡി​ജി​റ്റ​ൽ തെ​ളി​വു​ക​ൾ, ഉ​ട​മ​സ്ഥാ​വ​കാ​ശ രേ​ഖ​ക​ൾ, പോ​ക്കു​വ​ര​വ് രേ​ഖ​ക​ൾ, ബാ​ങ്ക് പാ​സ്ബു​ക്ക്, ഗ​സ​റ്റ​ഡ് ഓ​ഫീ​സ​ർ​മാ​രു​ടെ സാ​ക്ഷ്യ​പ​ത്രം എ​ന്നി​വ ഉ​ൾ​പ്പെ​ടെ​യു​ള്ള രേ​ഖ​ക​ൾ സാ​ധാ​ര​ണ​ക്കാ​രാ​യ ക​ർ​ഷ​ക​ർ​ക്ക് വ​ലി​യ ഭാ​ര​മാ​യി മാ​റി​യി​രി​ക്കു​ക​യാ​ണ്. ഉ​ദ്യോ​ഗ​സ്ഥ​രു​ടെ പ​രി​ശോ​ധ​ന​യ്ക്കാ​യി ദി​വ​സ​ങ്ങ​ളോ​ളം ഓ​ഫീ​സു​ക​ൾ ക​യ​റി​യി​റ​ങ്ങേ​ണ്ട അ​വ​സ്ഥ​യും സ്ഥ​ല​പ​രി​ശോ​ധ​ന​യ്ക്കാ​യി ദി​വ​സ​ങ്ങ​ളോ​ളം കാ​ത്തി​രി​ക്കേ​ണ്ടി വ​രു​ന്ന​തും പ​രി​ശോ​ധ​ന​ക​ളു​ടെ പേ​രി​ൽ ന​ഷ്ട​പ​രി​ഹാ​രം മാ​സങ്ങ​ളോ​ളം വൈ​കു​ന്ന​തും ക​ർ​ഷ​ക​രെ മാ​ന​സി​ക​മാ​യി ത​ള​ർ​ത്തു​ന്ന​താ​യി ക​ർ​ഷ​ക സം​ഘ​ട​ന​ക​ൾ പ​റ​യു​ന്നു.​

സ​ഹ​ക​ര​ണ ബാ​ങ്കു​ക​ളി​ൽനി​ന്നും മ​റ്റ് ധ​ന​കാ​ര്യ സ്ഥാ​പ​ന​ങ്ങ​ളി​ൽനി​ന്നും വാ​യ്പ​യെ​ടു​ത്ത് കൃ​ഷി ചെ​യ്ത​വ​രാ​ണ് മ​ഴ​ക്കെ​ടു​തി​യി​ൽ ഏ​റ്റ​വും കൂ​ടു​ത​ൽ ദു​രി​ത​ത്തി​ലാ​യ​ത്. വി​ള​നാ​ശ​ത്തെത്തു​ട​ർ​ന്ന് വാ​യ്പാ തി​രി​ച്ച​ട​വ് മു​ട​ങ്ങു​ക​യും പ​ലി​ശ വ​ർ​ധി​ക്കു​ക​യും ജ​പ്‌​തി നോ​ട്ടീ​സു​ക​ൾ ല​ഭി​ക്കു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ ന​ഷ്ട‌​പ​രി​ഹാ​രം വേ​ഗ​ത്തി​ൽ​ല​ഭി​ക്കാ​ൻ ന​ട​പ​ടി​ക്ര​മ​ങ്ങ​ൾ ല​ഘൂ​ക​രി​ക്ക​മെ​ന്നാ​ണ് ക​ർ​ഷ​ക​രും ക​ർ​ഷ​ക സം​ഘ​ട​ന​ക​ളും ആ​വ​ശ്യ​പ്പെ​ടു​ന്ന​ത്.

അ​പേ​ക്ഷാ ന​ട​പ​ടി​ക​ൾ പൂ​ർ​ണ​മാ​യും​ഏ​ക ജാ​ല​ക സം​വി​ധാ​ന​ത്തി​ലൂ​ടെ ഓ​ൺ​ലൈ​നാ​ക്ക​ണ​മെ​ന്നും ഉ​ദ്യോ​ഗ​സ്ഥ​രു​ടെ പ​രി​ശോ​ധ​ന​യി​ലെ കാ​ല​താ​മ​സം ഒ​ഴി​വാ​ക്കി ആ​ധാ​ർ ബ​ന്ധി​പ്പി ച്ച ​ബാ​ങ്ക് അ​ക്കൗ​ണ്ടു​ക​ളി​ലേ​ക്ക് ന​ഷ്ട​പ​രി​ഹാ​രം വേ​ഗ​ത്തി​ൽ ല​ഭി​ക്കാ​ൻ ന​ട​പ​ടി വേ​ണ​മെ​ന്നു​മാ​ണ് ക​ർ​ഷ​ക​രു​ടെ ആ​വ​ശ്യം.

Tags : Nattuvishesham Local News farmers compensation