മാനന്തവാടി: വയനാട് ഗവ. മെഡിക്കല് കോളജ് വികസനവുമായി ബന്ധപ്പെട്ട് മെഡിക്കല് കോളജ് സംരക്ഷണസമിതി വാട്സ് ആപ് കൂട്ടായ്മ ജനകീയ കണ്വന്ഷന് നടത്തി.
അമ്പുകുത്തിയിലുള്ള വനംവകുപ്പിന്റെ സ്ഥലം ഏറ്റെടുക്കാനുള്ള പ്രവര്ത്തനങ്ങള് വേഗത്തിലാക്കാന് ഉഷാ വിജയന് എംഎല്എയുടെ സാന്നിധ്യത്തില് മുഖ്യമന്ത്രി വി.ഡി. സതീശനേയും ആരോഗ്യമന്ത്രി കെ. മുരളീധരനേയും കാണാന് തീരുമാനിച്ചു.
മെഡിക്കല് കോളജിന് അടിസ്ഥാന സൗകര്യമൊരുക്കുമെന്ന ബജറ്റ് പരാമര്ശം ഏറെ പ്രതീക്ഷയോടെയാണ് കൂട്ടായ്മ നോക്കിക്കാണുന്നത്. പേ വാര്ഡിനോടു ചേര്ന്നുള്ള പോലീസ് വകുപ്പിന്റെ 67 സെന്റ് സ്ഥലം ആരോഗ്യ വകുപ്പിനു ലഭിക്കാനുള്ള പ്രവര്ത്തനങ്ങളുമായി മുന്നോട്ട് പോകും. ജില്ലയുടെ പ്രത്യേക സാഹചര്യം പരിഗണിച്ച് എമര്ജന്സി മെഡിസിന് സംവിധാനം, സ്ട്രോക്ക് യൂണിറ്റ് എന്നിവ ഒരുക്കേണ്ട ആവശ്യകത ബന്ധപ്പെട്ടവരെ ബോധ്യപ്പെടുത്താനും തീരുമാനിച്ചു.
യോഗത്തില് റഷീദ് നീലാംബരി അധ്യക്ഷത വഹിച്ചു. സൂപ്രണ്ട് ഇന്ചാര്ജ് ഡോ. മൃദുലാല്, സീനിയര് ഫിസിഷ്യല് ഡോ. എ. ഗോകുല്ദേവ്, മുന് എഡിഎം എം.ജെ. അഗസ്റ്റിന്, ഷെബിന് ജോര്ജ്, മാവറ വര്ക്കി, റിട്ട. പ്രധാനാധ്യാപകന് ബാബു ഫിലിപ്പ്, ഫാ. വര്ഗീസ് മറ്റമന, അബ്ദുള് റഷീദ് പടയന്, ഷോബിന് സി. ജോണി, മാധ്യമപ്രവര്ത്തകന് എ. ഷമീര് തുടങ്ങിയവര് പ്രസംഗിച്ചു.
Tags : Local News Nattuvishesham Wayanad