12

അ​മ്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സാപ്പിഴ​വ്. തി​മി​ര ശ​സ്ത്ര​ക്രി​യ​യ്ക്കി​ടെ വീ​ട്ട​മ്മ​യു​ടെ ക​ണ്ണി​ൽ പ​തി​ച്ച ലെ​ൻ​സ് എ​ടു​ക്കാ​ൻ ക​ഴി​യാ​താ​യി. പ​രാ​തി​യു​മാ​യി ബ​ന്ധു​ക്ക​ൾ. ആ​റാ​ട്ടു​പു​ഴ ന​ല്ലാ​ണി​ക്ക​ൽ തെ​ക്കേ​യ​റ്റ​ത്ത് വീ​ട്ടി​ൽ ല​ത (67)യു​ടെ വ​ല​തുക​ണ്ണി​ലാ​ണ് ശ​സ്ത്ര​ക്രി​യ​യ്ക്കി​ടെ ലെ​ൻ​സ് ത​റ​ച്ചുക​യ​റി​യ​ത്. തി​മി​ര ശ​സ്‌​ത്ര​ക്രി​യ​യ്ക്കാ​യി ബു​ധ​നാ​ഴ്ച​യാ​ണ് ല​ത​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. \

വ്യാ​ഴാ​ഴ്ച രാ​വി​ലെ ക​ണ്ണി​ലെ പ്ര​ഷ​ർ ഉ​ൾ​പ്പ​ടെ​യു​ള്ള പ​രി​ശോ​ധ​ന​ക​ൾ​ക്കുശേ​ഷം ഒ​ൻ​പ​തി​ന് ഓ​പ്പ​റേ​ഷ​ൻ തിയ​റ്റ​റി​ൽ ക​യ​റ്റി. തി​മി​ര​ശ​സ്ത്ര​ക്രി​യ​യ്ക്കാ​യി എ​ത്തി​യ മ​റ്റ് 14 രോ​ഗി​ക​ൾ വേ​റെ​യു​മു​ണ്ടാ​യി​രു​ന്നു. ഇ​വ​രെ എ​ല്ലാ​വ​രെ​യും ശ​സ്ത്ര​ക്രി​യ ചെ​യ്ത് ഇ​റ​ക്കി​യി​ട്ടും അ​മ്മ​യു​ടെ ശ​സ്‌​ത്ര​ക്രി​യ ക​ഴി​ഞ്ഞി​ല്ല​ന്നാ​ണ് ഒ​പ്പ​മു​ണ്ടാ​യി​രു​ന്ന മ​ക​ൾ ദീ​പി​ക അ​ന്വേ​ഷി​ച്ച​പ്പോ​ൾ പ​റ​ഞ്ഞ​ത്. ഇ​തി​നി​ടെ ശ​സ്‌​ത്ര​ക്രി​യ ക​ഴി​ഞ്ഞ് മ​റ്റു രോ​ഗി​ക​ളെ​ല്ലാം മ​ട​ങ്ങി. പ​ല​ത​വ​ണ അ​ന്വേ​ഷി​ച്ച​പ്പോ​ഴും അ​മ്മ​യെ ശ​സ്ത്ര​ക്രി​യ​ക്ക് ക​യ​റ്റി​യി​ല്ലെ​ന്നാ​യി​രു​ന്നു മ​റു​പ​ടി​യെ​ന്ന് ദീ​പി​ക പ​റ​ഞ്ഞു.

തു​ട​ർ​ന്ന് ഉ​ച്ച​യ്ക്ക് 1.35 ഓ​ടെ ല​ത​യെ മു​റി​യി​ലെ​ത്തി​ച്ച് ശ​സ്ത്ര​ക്രി​യ ക​ഴി​ഞ്ഞ​താ​യി അ​റി​യി​ച്ചു. എ​ന്നാ​ൽ, മ​ണി​ക്കൂ​റു​ക​ളോ​ളം ത​ന്‍റെ ക​ണ്ണി​ൽ കു​ത്തി​യി​ള​ക്കി​യെ​ന്നും മ​റ്റു രോ​ഗി​ക​ളെ 15 മി​നി​ട്ട് കൊ​ണ്ട് പ​റ​ഞ്ഞ​യ​ച്ചു​വെ​ന്നും പ​റ​ഞ്ഞ​പ്പോ​ൾ തി​മി​രം അ​ധി​ക​മു​ണ്ടെന്നും അ​ത് മു​ഴു​വ​ൻ നീ​ക്കാ​ൻ താ​മ​സ​മു​ണ്ടെന്നു​മാ​ണ് പ​റ​ഞ്ഞ​തെ​ന്ന് ല​ത മകളോട് പ​റ​ഞ്ഞു. ക​ണ്ണി​ന് ശ​ക്ത​മാ​യ വേ​ദ​ന​യു​ണ്ട​ന്നും ഇ​വ​ർ പ​റ​ഞ്ഞു.

ല​ത​യെ മു​റി​യി​ലെ​ത്തി​ച്ച​തി​നു പി​ന്നാ​ലെ ഡോ. ​മ​ല്ലി​ക​യെ​ത്തി ശ​സ്ത്ര​ക്രി​യ​യ്ക്കി​ടെ ക​ണ്ണി​ൽ ലെ​ൻ​സ് ഉ​ട​ക്കി​യെ​ന്നും ഇ​ത് പു​റ​ത്തെ​ടു​ക്കാ​ൻ കോ​ട്ട​യം മെ​ഡി​ക്ക​ൽ കോ​ള​ജി​ലോ, തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലോ ല​ത​യെ കൊ​ണ്ടു​പോ​ക​ണ​മെ​ന്നും പ​റ​ഞ്ഞു. വി​വ​രം സൂ​പ്ര​ണ്ടി​ന് പ​ര​തി​യാ​യി ന​ൽ​കി​യ​പ്പോ​ൾ, അ​മ്മ​യു​ടെ കാ​ഴ്ച​യു​മാ​യി ബ​ന്ധ​പ്പെ​ട്ട വി​ഷ​യം അ​വ​രും നി​സാ​ര​മാ​യാ​ണ് ക​ണ്ട​തെ​ന്നും ആം​ബു​ല​ൻ​സ് പോ​ലും വി​ട്ടുത​രാ​ൻ തയാറാ​യി​ല്ല​ന്നും മ​ക​ൾ ദീ​പി​ക പ​റ​ഞ്ഞു.

Tags : District News Nattuvishesham Medical negligence Medical College housewife