കളമശേരി ദേശീയപാതയിൽ യുവമോർച്ച പ്രവർത്തകർ ജെബി മേത്തർ എം പിയെ തടഞ്ഞപ്പോൾ.
കളമശേരി:യുവമോർച്ച എറണാകുളം നോർത്ത് ജില്ലാ കമ്മിറ്റിയുടെ നേതൃത്വ ത്തിൽ ജെബി മേത്തർ എംപിയുടെ വാഹനം കളമശേരി പ്രീമിയർ ജംഗ്ഷനിൽ തടഞ്ഞു. ഇന്നലെ വൈകുന്നേരം ആറോടെയാണ് ദേശീയ പാതയിൽ എംപിയെ തടഞ്ഞത്.
കഴിഞ്ഞ ദിവസം കേന്ദ്ര ആഭ്യന്തര മന്ത്രി അമിത് ഷായെ റോഡിൽ തടഞ്ഞതിൽ പ്രതിഷേധിച്ച് യുവമോർച്ച സംസ്ഥാനത്തൊട്ടാകെ ഭരണപക്ഷ ജനപ്രതിനിധികളെ തടയുന്നതിന്റെ ഭാഗമായാണ് ജെബി മേത്തറെ കളമശേരിയിൽ തടഞ്ഞത്.
പൊലിസെത്തി യുവമോർച്ച പ്രവർത്തകരെ അറസ്റ്റ് ചെയ്ത് നീക്കി. ഏറെ നേരം ദേശീയ പാതയിൽ ഗതാഗത തടസം നേരിട്ടു.
യുവമോർച്ച സംസ്ഥാന സെക്രട്ടറി വിഷ്ണു സുരേഷ്, ജില്ലാ ജനറൽ സെക്രട്ടറി എസ്. ജി വിഷ്ണു, വിജിൽ വരിക്കാശേരി, സെക്രട്ടറി അനന്തപത്മനാഭൻ, ട്രഷർ ബിബിൻ രാജ്, കമ്മിറ്റി അംഗം പ്രമിത്, ബിജെപി കളമശേരി മണ്ഡലം സെക്രട്ടറി സിയോൻ കെ. സിദ്ധൻ. യുവമോർച്ച പറവൂർ മണ്ഡലം പ്രസിഡന്റ് വിഷ്ണു വിദ്യാധരൻ എന്നിവരെയാണ് പൊലിസ് അറസ്റ്റ് ചെയ്തത്.
Tags : NattuVishesham DistrictNews