16

നെ​യ്യാ​ർ​ഡാം: നെ​യ്യാ​ർ​ഡാം ഓ​ണം വാ​രാ​ഘോ​ഷം ഓ​ഗ​സ്റ്റ് 22 മു​ത​ൽ 30 വ​രെ ന​ട​ക്കും. ഇ​തി​ന്‍റെ ഭാ​ഗ​മാ​യി സം​ഘാ​ട​ക സ​മി​തി യോ​ഗം ന​ട​ന്നു. ജ​ല​സേ​ച​ന വ​കു​പ്പി​ന്‍റെ ആ​ഭി​മു​ഖ്യ​ത്തി​ൽ ക​ള്ളി​ക്കാ​ട് പ​ഞ്ചാ​യ​ത്തും ഡി​ടി​പി​സി യും ​സം​യു​ക്ത​മാ​യി നെ​യ്യാ​ർ ഡാ​മി​ൽ സം​ഘ​ടി​പ്പി​ക്കു​ന്ന വാ​രാ​ഘോ​ഷ​ത്തി​ന്‍റെ സം​ഘാ​ട​ക സ​മി​തി യോ​ഗം നെ​യ്യാ​ർ ഡാം ​റി​സോ​ർ​ട് ഹാ​ളി​ലാണു ചേർന്നത്. സി.​കെ.​ഹ​രീ​ന്ദ്ര​ൻ എം​എ​ൽ​എ​ അ​ധ്യ​ക്ഷ​ത​ വഹിച്ചു.

ക​ള്ളി​ക്കാ​ട് പ​ഞ്ചാ​യ​ത്ത് പ്ര​സി​ഡ​ന്‍റ് ബി. ​വി​നോ​ദ് കു​മാ​ർ, നെ​യ്യാ​ർ ഡാം ​അ​സി​സ്റ്റ​ന്‍റ് എ​ൻജിനീ​യ​ർ എം.​എ​സ്. സി​ദ്ദി​ഖ്, ഡി​ടി​പി​സി സെ​ക്ര​ട്ട​റി സ​തീ​ഷ് മി​രാ​ണ്ട, ജി​ല്ലാ പ​ഞ്ചാ​യ​ത്ത് മെ​മ്പ​ർ ഗോ​പു നെ​യ്യാ​ർ, നെ​യ്യാ​ർ ഇ​റി​ഗേ​ഷ​ൻ അ​സി​സ്റ്റന്‍റ് എ​ക്‌​സി​ക്യൂ​ട്ടീ​വ് എ​ൻജിനീ​യ​ർ സു​രേ​ഷ് എ​ന്നി​വ​ർ പ്രസംഗിച്ചു.
‌

വി​വി​ധ സ​ർ​ക്കാ​ർ വ​കു​പ്പ് മേ​ധാ​വി​ക​ൾ, രാ​ഷ്ട്രീ​യ ക​ക്ഷി നേ​താ​ക്ക​ൾ, ജ​നപ്ര​തി​നി​ധി​ക​ൾ, സാം​സ്‌​കാ​രി​ക സ​മി​തി പ്ര​തി​നി​ധി​ക​ൾ, വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി പ്ര​തി​നി​ധി​ക​ൾ എ​ന്നി​വ​ർ സം​ഘാ​ട​ക സ​മി​തി യോ​ഗ​ത്തി​ൽ പ​ങ്കെ​ടു​ക്കു​ക​യും ഓ​ണം ന​ട​ത്തി​പ്പു​മാ​യി ബ​ന്ധ​പ്പെ​ട്ട നി​ർ​ദേ​ശ​ങ്ങ​ൾ അ​വ​ത​രി​പ്പി​ക്കു​ക​യും ചെ​യ്തു.

കൂ​ടാ​തെ നെ​യ്യാ​ർ ഡാ​മി​ൽ പു​തു​താ​യി എ​ടി​എം കൗ​ണ്ട​ർ സ്ഥാ​പി​ക്കു​ന്ന​തി​നു​ള്ള പ്ര​വ​ർ​ത്തി​ക​ൾ ആ​രം​ഭി​ച്ചി​ട്ടു​ണ്ടെ​ന്നും അ​റി​യി​ച്ചു.​ഗ​താ​ഗ​ത കു​രു​ക്കു പ​രി​ഹ​രി​ക്കു​ന്ന​തി​നാ​യി പ്ര​ത്യേ​കം പാ​ർ​ക്കിം​ഗ് ഗ്രൗ​ണ്ട് സ​ജ്ജീ​ക​രി​ച്ചു വ​ൺ​വേ സം​വി​ധാ​നം ഏ​ർ​പ്പെ​ടു​ത്തി കൂ​ടു​ത​ൽ പോ​ലീ​സ് ഉ​ദ്യോ​ഗ​സ്ഥ​രെ വി​ന്യ​സി​ക്കാ​ൻ തീ​രു​മാ​നി​ച്ചു.

വാ​രാ​ഘോ​ഷ​ത്തി​ന്‍റെ ന​ട​ത്തി​പ്പു​മാ​യി ബ​ന്ധ​പ്പെ​ട്ടു ഹ​രീ​ന്ദ്ര​ൻ എം​എ​ൽ​എ ചെ​യ​ർ​മാ​നും സു​രേ​ഷ് ജ​ന​റ​ൽ ക​ൺ​വീ​ന​റു മായി വി​വി​ധ ക​മ്മി​റ്റി​ക​ൾ രൂ​പീ​ക​രി​ച്ചു. വൈ​ദ്യു​ത ദീ​പാ​ല​ങ്കാ​ര​ങ്ങ​ൾ,അ​മ്യൂ​സ്‌​മെന്‍റ് പാ​ർ​ക്ക്, വി.ആ​ർ. ഗെ​യിം​സ്, സ്റ്റേ​ജ് ഷോ, ​വി​വി​ധ ക​ലാ പ​രി​പാ​ടി​ക​ൾ എ​ന്നി​വ ഉ​ണ്ടാ​കും. ഓ​ഗ​സ്റ്റ് 24നു ​വൈ​കുന്നേരം ഉ​ദ്ഘാ​ട​നം ന​ട​ക്കും. 29 നു ​ഫ്ലോ​ട്ടു​ക​ളു​ടെ അ​ക​മ്പ​ടി​യോ​ടെ വി​വി​ധ ക​ലാ​രൂ​പ​ങ്ങ​ളു​ടെ വ​ർ​ണ കാ​ഴ്ച​ക​ളു​മാ​യി ക​ള്ളി​ക്കാ​ടു നി​ന്നും തു​ട​ങ്ങു​ന്ന ഘോ​ഷ​യാ​ത്ര നെ​യ്യാ​ർ ഡാ​മി​ൽ സ​മാ​പി​ക്കും.

Tags : Local News Nattuvishesham Thiruvananthapuram