8

തി​രു​വ​ല്ല: ടൗ​ണി​ലെ പ്ര​ധാ​ന സി​രാ കേ​ന്ദ്ര​ങ്ങ​ളി​ലൊ​ന്നാ​യ എ​സ്‌​സി​എ​സ് ജം​ഗ്ഷ​നു സ​മീ​പം ബ​സ് കാ​ത്തി​രി​പ്പ് കേ​ന്ദ്രം സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. സ്വ​കാ​ര്യ ബ​സ് സ്റ്റാ​ന്‍​ഡി​ല്‍​നി​ന്ന് മ​ല്ല​പ്പ​ള്ളി, മാ​വേ​ലി​ക്ക​ര ഭാ​ഗ​ങ്ങ​ളി​ലേ​ക്ക് പോ​കു​ന്ന ബ​സു​ക​ള്‍​ക്കാ​യി യാ​ത്ര​ക്കാ​ര്‍ കാ​ത്തു​നി​ല്‍​ക്കു​ന്ന പ്ര​ധാ​ന ഇ​ട​മാ​ണി​ത്. എ​ന്നാ​ല്‍ ഇ​വി​ടെ യാ​ത്ര​ക്കാ​ര്‍​ക്ക് കാ​ത്തു​നി​ല്‍​ക്കാ​ന്‍ സൗ​ക​ര്യ​മി​ല്ലാ​ത്ത​ത് വ​ലി​യ ദു​രി​ത​മാ​ണ്.

ബ​സ് എ​ത്തു​ന്ന​തു​വ​രെ റോ​ഡ​രി​കി​ല്‍ വെ​യി​ലും മ​ഴ​യും ഏ​റ്റു​വാ​ങ്ങി​യാ​ണ് യാ​ത്ര​ക്കാ​ര്‍ കാ​ത്തു​നി​ല്‍​ക്കു​ന്ന​ത്. സ്ത്രീ​ക​ള്‍, കു​ട്ടി​ക​ള്‍, വ​യോ​ധി​ക​ർ, രോ​ഗി​ക​ള്‍ എ​ന്നി​വ​രു​ള്‍​പ്പെ​ടെ​യു​ള്ള യാ​ത്ര​ക്കാ​രാ​ണ് ഏ​റെ ബു​ദ്ധി​മു​ട്ടു​ന്ന​ത്. തി​ര​ക്കേ​റി​യ ടൗ​ണ്‍ മേ​ഖ​ല​യാ​യ​തി​നാ​ല്‍ ചീ​റി​പ്പാ​യു​ന്ന വാ​ഹ​ന​ങ്ങ​ള്‍​ക്കി​ട​യി​ല്‍ ബ​സ് കാ​ത്തു​നി​ല്‍​ക്കേ​ണ്ട സാ​ഹ​ച​ര്യ​വും അ​പ​ക​ട​സാ​ധ്യ​ത ഉ​യ​ര്‍​ത്തു​ന്ന​താ​യി യാ​ത്ര​ക്കാ​ര്‍ ചൂ​ണ്ടി​ക്കാ​ട്ടു​ന്നു.

മാ​സ​ങ്ങ​ള്‍​ക്കു​മു​മ്പ് ഇ​വി​ടെ ഉ​ണ്ടാ​യി​രു​ന്ന ത​ണ​ല്‍​മ​രം മു​റി​ച്ചു​മാ​റ്റി​യ​തോ​ടെ​യാ​ണ് യാ​ത്ര​ക്കാ​രു​ടെ ദു​രി​തം കൂ​ടു​ത​ല്‍ രൂ​ക്ഷ​മാ​യ​ത്. നേ​ര​ത്തേ മ​ര​ത്തി​ന്‍റെ ത​ണ​ലി​ല്‍ കാ​ത്തു​നി​ല്‍​ക്കാ​ന്‍ ക​ഴി​ഞ്ഞി​രു​ന്നെ​ങ്കി​ലും ഇ​പ്പോ​ള്‍ അ​തി​നും സൗ​ക​ര്യ​മി​ല്ല. ശ​ക്ത​മാ​യ വെ​യി​ലി​ല്‍ ഏ​റെ നേ​രം നി​ല്‍​ക്കേ​ണ്ടി​വ​രു​ന്നു. മ​ഴ​ക്കാ​ല​ത്ത് ന​ന​ഞ്ഞു​കൊ​ണ്ട് ബ​സ് കാ​ത്തു​നി​ല്‍​ക്കേ​ണ്ട സ്ഥി​തി​യു​മാ​ണ്.

തി​രു​വ​ല്ല ന​ഗ​ര​ത്തി​ലെ പ്ര​ധാ​ന ബ​സ് യാ​ത്രാ മേ​ഖ​ല​യാ​യ എ​സ്‌​സി​എ​സ് ജം​ഗ്ഷ​നു സ​മീ​പം അ​ടി​യ​ന്ത​ര​മാ​യി സു​ര​ക്ഷി​ത​മാ​യ ബ​സ് കാ​ത്തി​രി​പ്പ് കേ​ന്ദ്രം സ്ഥാ​പി​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം. ന​ഗ​ര​സ​ഭ​യും ബ​ന്ധ​പ്പെ​ട്ട അ​ധി​കൃ​ത​രും വി​ഷ​യ​ത്തി​ല്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും യാ​ത്ര​ക്കാ​ര്‍ ആ​വ​ശ്യ​പ്പെ​ട്ടു.

Tags : NattuVishasham DistrictNews