മോനോര് ഹുസൈന്, രഞ്ചന് അലി, മുഹമ്മസ് യൂസഫ് , വി.എസ്. അമര്ജിത്
കൊച്ചി: ഓപ്പറേഷന് തൂഫാന് നാര്ക്കോ ഹണ്ടിന്റെ ഭാഗമായി നഗരത്തില് പോലീസ് നടത്തിയ പരിശോധനയില് ലഹരി വസ്തുക്കളുമായി നാലുപേര് പിടിയിലായി. ആസാം സ്വദേശികളായ മോനോര് ഹുസൈന്(35), രഞ്ചന് അലി (21), എളമക്കര കന്നത്തില് ചൂളക്കപ്പറമ്പ് മുഹമ്മസ് യൂസഫ് (43), എടവനക്കാട് വേങ്ങാട്ടുതറ വി.എസ്. അമര്ജിത് എന്നിവരാണ് പിടിയിലായത്.
മോനോര് ഹുസൈന്, രംജന് അലി എന്നിവരെ നോര്ത്ത് റെയില്വേ സ്റ്റേഷന് സമീപത്തെ ടൂറിസ്റ്റ് ഹോമില് നിന്നാണ് പിടികൂടിയത്. ഇവരുടെ പക്കല് നിന്ന് 270.510 ഗ്രാം ബ്രൗണ്ഷുഗര് പോലീസ് കണ്ടെടുത്തു.
പച്ചാളം ദാറുസലാം റോഡ് ഭാഗത്ത് നടത്തിയ പരിശോധനയില് 3.60 ഗ്രാം എംഡിഎംഎയുമായാണ് മുഹമ്മദ് യൂസഫ് പിടിയിലായത്. 4.740 ഗ്രാം എംഡിഎംഎയുമായി എളമക്കര പോണേവഴി ശ്രീനാരായണ റോഡ് ഭാഗത്ത് നടത്തിയ പരിശോധനയിലാണ് അമര്ജിത്ത് പിടിയിലായത്.
Tags : Local News Nattuvishesham Ernakulam