ആലുവ: ഓപ്പറേഷൻ തൂഫാന്റെ ഭാഗമായി ലഹരിയെ തുരത്താൻ ഡി വൈ എസ് പിമാരുടെ നേതൃത്വത്തിൽ വിവിധ പരിപാടികളുമായി റൂറൽ ജില്ലാ പോലീസ്. 26ന് ജില്ലയിലെ അഞ്ച് സബ്ഡിവിഷനുകളിലെ തെരഞ്ഞെടുത്ത കേന്ദ്രങ്ങളിലാണ് പരിപാടികൾ സംഘടിപ്പിക്കുന്നത്.
ആലുവ സബ് ഡിവിഷനിൽ മുനിസിപ്പാലിറ്റി ടൗൺ ഹാൾ, അങ്കമാലി, സിഎസ്ഐ ഹാൾ, മൂവാറ്റുപുഴ സബ് ഡിവിഷനിൽ മൂവാറ്റുപുഴ തർബിയാത്ത് ഹയർ സെക്കൻഡറി സ്കൂൾ , വാഴക്കുളം പ്രൈവറ്റ് ബസ്സ്റ്റാൻഡ്, ഊന്നുകൽ എൽഎഫ് എച്ച്എസ്, പൈങ്ങോട്ടൂർ സെന്റ് ജോസഫ് ഹയർ സെക്കൻഡറി സ്കൂൾ, പല്ലാരിമംഗലം ഗവ. എച്ച്എസ്എസ്, കോതമംഗലം ടൗൺ, ശോഭന സ്കൂൾ, കോതമംഗലം പ്രൈവറ്റ് ബസ് സ്റ്റാൻഡ് , കല്ലൂർക്കാട് ടൗൺ മുനമ്പം സബ്ഡിവിഷനിൽ പറവൂർ ടൗൺഹാൾ, എടവനക്കാട് പുളിക്കാനം ഓഡിറ്റോറിയം, പെരുമ്പാവൂർ സബ് ഡിവിഷനിൽ ഇഎംഎസ് ഓഡിറ്റോറിയം, വടാശേരി എസ്എൻഡിപി ഹാൾ , കീഴില്ലം സെന്റ് ജോസഫ് കോൺവെന്റ് സ്കൂൾ, മോറക്കാല സെന്റ് മേരീസ് ഹൈസ്കൂൾ പുത്തൻകുരിശ് സബ് ഡിവിഷനിൽ പിറവം കൊച്ചുപള്ളി ഹാൾ എന്നിവിടങ്ങളിലാണ് പരിപാടികൾ സംഘടിപ്പിച്ചിട്ടുള്ളത്.
മന്ത്രിമാരായ അനൂപ് ജേക്കബ്, അബ്ദുൽ ഗഫൂർ, റോജി എം. ജോൺ, ഹൈബി ഈഡൻ എംപി, എംഎൽഎമാരായ അൻവർ സാദത്ത്, മാത്യുകുഴൽനാടൻ, ഷിബു തെക്കുംപുറം, ടോണി ചമ്മിണി, മനോജ് മൂത്തേടൻ, വി.പി. സജീന്ദ്രൻ വിവിധ പഞ്ചായത്ത് പ്രസിഡന്റുമാർ, ഡോക്ടർമാർ, പോലീസ് ഉദ്യോഗസ്ഥർ, മറ്റ് വിദഗ്ദർ തുടങ്ങിയവർ വിവിധ സ്ഥലങ്ങളിൽ പരിപാടികൾ ഉദ്ഘാടനം ചെയ്യും. ഫ്ലാഷ് മോബ്, റാലി, മയക്കുമരുന്നിനെതിരെ പ്രതിജ്ഞ, ബോധവത്കരണ ക്ലാസ്, മാരത്തൺ, ഫുട്ബോൾ മത്സരങ്ങൾ, ഹ്രസ്വചിത്രപ്രദർശനം , വിളംബര ഘോഷയാത്ര വിവിധ ക്ലാസുകൾ എന്നിവയും സംഘടിപ്പിച്ചിട്ടുണ്ട്.
Tags :