കൊട്ടാരക്കര: പ്ളസ് ടു വിദ്യാര്ഥിയെ വീട്ടിനുള്ളില് മരിച്ച നിലയില് കണ്ടെത്തി. കരിക്കം ചരുവിളവീട്ടില് ബെന്നിയുടെ മകന് തോമസ് ബെന്നിയാണ് (17) മരിച്ചത്. ഇന്നലെ രാത്രി 8.30ന് വീടിന്റെ കിടപ്പ് മുറിയിലായിരുന്നു മൃതദേഹം കണ്ടെത്തിയത്.
അടൂര് വടക്കടത്തുകാവിലെ സ്കൂളിലെ വിദ്യാര്ഥിയാണ്. രാവിലെ സ്കൂളില് പോയിട്ട് മടങ്ങിവന്നതാണ്. അച്ഛനും അമ്മയും ചെറിയ ജോലികള്ക്ക് പോകുന്നവരാണ്. ഇവര് രാത്രി തിരികെ വന്നപ്പോഴാണ് തൂങ്ങി മരിച്ച നിലയില് തോമസ് ബെന്നിയെ കണ്ടെത്തിയത്. കൊട്ടാരക്കര പൊലീസ് കേസെടുത്തു. മൊബൈല് ഫോണ് അടക്കമുള്ളവ പൊലീസ് പരിശോധിക്കുന്നുണ്ട്.
Tags :