മാനന്തവാടി: പ്രിയദർശിനി സൗജന്യ യാത്രയുമായി ബന്ധപ്പെട്ട് ജില്ലയിൽ കെഎസ്ആർടിസിയുടെ ആദ്യദിന നഷ്ടം 8.65 ലക്ഷം രൂപ. സൗജന്യ യാത്രാ ആനുകൂല്യം പ്രയോജനപ്പെടുത്തി ആയിരക്കണക്കിന് സ്ത്രീകളാണ് ആദ്യദിനം കെഎസ്ആർടിസി ബസുകളിൽ യാത്ര ചെയ്തത്. ഇത് യാത്രക്കാരുടെ എണ്ണത്തിൽ വർധനയുണ്ടാക്കിയെങ്കിലും വരുമാനത്തെ പ്രതികൂലമായി ബാധിച്ചു.
ജില്ലയിലെ മൂന്ന് കെസ്ആർടിസി ഡിപ്പോകളിലായി 8,65,472 രൂപയാണ് വരുമാനയിനത്തിൽ കുറവ് രേഖപ്പെടുത്തിയത്. മാനന്തവാടി ഡിപ്പോയിൽ 3,24,648 രൂപയും കൽപ്പറ്റ ഡിപ്പോയിൽ 2,32,892 രൂപയും ബത്തേരി ഡിപ്പോയിൽ 3,07,932 രൂപയുടെയും നഷ്ടമാണ് ഉണ്ടായിട്ടുള്ളത്.
ആദ്യദിനമായതിനാൽ സ്ത്രീകളെല്ലാവരും പദ്ധതി എന്താണെന്നെറിയാൻ കയറിയെതെന്നാണ് കെഎസ്ആർടിസി അധികൃതർ പറയുന്നത്. വരും ദിവസങ്ങളിൽ സ്ത്രീകളുടെ എണ്ണം കുറയുമെന്നും തൽഫലവായി നഷ്ടം കുറയുമെന്നുമാണ് കെഎസ്ആർടിസി അധികൃതർ കണക്ക് കൂട്ടുന്നത്.
Tags : Local News Nattuvishesham Wayanad