റായ്പുർ: ബിജെപി നേതാവ് ഉൾപ്പെടെ മൂന്ന് പേരെ കാറിനുള്ളിൽ ചുട്ടുകൊന്ന സംഭവത്തിൽ നാല് പേർ പിടിയിൽ. ചത്തീസ്ഗഡിലെ കൊരിയ ജില്ലയിലാണ് സംഭവം. ബിജെപി നേതാവും ജൻപദ് പഞ്ചായത്ത് മുൻ പ്രസിഡന്റുമായ ഭരത് സിംഗ് ആണ് കൊല്ലപ്പെട്ടത്.
ഭരത് സിംഗിനൊപ്പം കാറിലുണ്ടായിരുന്ന രണ്ടുപേരും കൊല്ലപ്പെട്ടിരുന്നു. സംഭവത്തിൽ അക്ഷത് ത്രിപാഠി, വിശാൽ ത്രിപാഠി, സത്യപ്രകാശ് ത്രിപാഠി, മന്നു ത്രിപാഠി എന്നിവരാണ് പിടിയിലായത്. ചൊവ്വാഴ്ച രാത്രിയാണ് സംഭവം നടന്നത്.
ഭരത് സിംഗ് സഞ്ചരിച്ചിരുന്ന എസ്യുവി രണ്ട് ട്രക്കുകൾക്കിടയിൽ കുരുക്കുകയും കാറിൽ പെട്രോളൊഴിച്ച് തീയിടുകയുമായിരുന്നു. മണൽ ഖനനവുമായി ബന്ധപ്പെട്ട് കാലങ്ങളായുള്ള തർക്കമാണ് കൊലപാതകത്തിൽ കലാശിച്ചതെന്ന് പോലീസ് വ്യക്തമാക്കി.
സംഭവത്തിൽ ഇതുവരെ ഒൻപത് പേർക്കെതിരെയാണ് കേസെടുത്തിട്ടുള്ളത്. കൂടുതൽ പ്രതികൾക്കായി അന്വേഷണം നടക്കുകയാണ്.
Tags : BJP death arrest crime news