18

റാ​ഞ്ചി: ഇ​ന്ത്യാ സ​ഖ്യ​ത്തി​ലെ വോ​ട്ടു​ചോ​ർ​ച്ച​യെ​ത്തു​ട​ർ​ന്ന് ജാ​ർ​ഖ​ണ്ഡ് രാ​ജ്യ​സ​ഭാ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ന് അ​പ്ര​തീ​ക്ഷി​ത പ​രാ​ജ​യം. ര​ണ്ട് സീ​റ്റു​ക​ളി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പി​ൽ ഒ​രു സീ​റ്റി​ൽ ഭ​ര​ണ​ക​ക്ഷി​യാ​യ ജെ​എം​എ​മ്മും ര​ണ്ടാ​മ​ത്തെ സീ​റ്റി​ൽ എ​ൻ​ഡി​എ പി​ന്തു​ണ​യു​ള്ള സ്വ​ത​ന്ത്ര​നും വി​ജ​യി​ച്ചു.

ഇ​ന്ത്യാ സ​ഖ്യ​ത്തി​നു​ള്ളി​ൽ​നി​ന്ന് വോ​ട്ടു​ക​ൾ ല​ഭി​ച്ച​തോ​ടെ​യാ​ണ് എ​ൻ​ഡി​എ പി​ന്തു​ണ​യു​ള്ള പ​രി​മ​ൾ ന​ത്വാ​നി​ക്ക് ജ​യി​ക്കാ​നാ​യ​ത്. 81 അം​ഗ ജാ​ർ​ഖ​ണ്ഡ് നി​യ​മ​സ​ഭ​യി​ൽ 28 ഫ​സ്റ്റ് വോ​ട്ടു​ക​ളാ​ണ് ഒ​രു സ്ഥാ​നാ​ർ​ഥി​ക്ക് ജ​യി​ക്കാ​ൻ വേ​ണ്ടി​യി​രു​ന്ന​ത്. ഇ​ന്ത്യാ സ​ഖ്യ​ത്തി​ന്‍റെ ഭാ​ഗ​മാ​യി ഒ​രു സീ​റ്റി​ൽ ജെ​എം​എ​മ്മും ര​ണ്ടാ​മ​ത്തെ സീ​റ്റി​ൽ കോ​ൺ​ഗ്ര​സും മ​ത്സ​രി​ച്ചു.

ഇ​ന്ത്യാ സ​ഖ്യ​ത്തി​ന് 56 എം​എ​ൽ​എ​മാ​രു​ണ്ട്. ര​ണ്ട് സീ​റ്റു​ക​ളി​ലും ജ​യി​ക്കാ​ൻ ഈ ​അം​ഗ സ​ഖ്യ മ​തി​യാ​യി​രു​ന്നു. ഇ​തി​നി​ട​യി​ലാ​ണ് ഇ​ന്ത്യാ സ​ഖ്യ​ത്തി​ലെ വി​ള്ള​ൽ തി​രി​ച്ച​റി​ഞ്ഞ് ബി​ജെ​പി സ്വ​ത​ന്ത്ര​നെ നി​ർ​ത്തി​യ​ത്. എ​ൻ​ഡി​എ​യ്ക്ക് 24 എം​എ​ൽ​എ​മാ​ർ മാ​ത്ര​മാ​ണ് ഉ​ണ്ടാ​യി​രു​ന്ന​ത്.

എ​ന്നാ​ൽ എ​ൻ​ഡി​എ പി​ന്തു​ണ​ച്ച പ​രി​മ​ൾ ന​ത്വാ​നി​ക്ക് 28 വോ​ട്ടു​ക​ൾ ല​ഭി​ച്ചു. ജെ​എം​എ​മ്മി​ന്‍റെ ബെ​ദ്യ​നാ​ഥ് റാ​മി​ന് 30 വോ​ട്ടു​ക​ളും ല​ഭി​ച്ചു. എ​ന്നാ​ൽ കോ​ൺ​ഗ്ര​സ് സ്ഥാ​നാ​ർ​ഥി പ്ര​ണ​വ് ഝാ​യ്ക്ക് 20 വോ​ട്ടു​ക​ൾ മാ​ത്ര​മാ​ണ് ല​ഭി​ച്ച​ത്. മൂ​ന്ന് വോ​ട്ടു​ക​ൾ അ​സാ​ധു​വാ​യി.

Tags : rajya sabha election jharkhand congress defeat