വടക്കനാട് കരിപ്പൂരില് നഞ്ചക്കൃഷിക്ക് വയല് ഒരുക്കുന്നു.
സുല്ത്താന്ബത്തേരി: കാലവര്ഷം ആരംഭിച്ചിട്ടും ജില്ലയിലെ പല പ്രദേശങ്ങളിലും കാര്യമായ മഴ ലഭി ക്കാത്തത് നെല്ക്കര്ഷകരെ പ്രതിസന്ധിയിലാക്കുന്നു. സാധാരണ ജൂണില് വിത്തേറും നടീല് പ്രവര്ത്തനങ്ങളും സജീവമാകുന്ന പ്രദേശങ്ങളില് ഇത്തവണ മഴയുടെ കുറവ് കൃഷിയെ ബാധിച്ചു. കഴിഞ്ഞ ദിവസങ്ങളില് ലഭിച്ച നേരിയ മഴയെ ആശ്രയിച്ച് ചിലയിടങ്ങളില് വയല് ഒരുക്കല് പുരോഗമിക്കുന്നുണ്ടെങ്കിലും ഭൂരിഭാഗം പ്രദേശങ്ങളിലും കര്ഷകര് മതിയായ ജലലഭ്യതയ്ക്ക് കാത്തിരിക്കുകയാണ്.
ജലസേചന സൗകര്യമുള്ള പ്രദേശങ്ങളില് കര്ഷകര് പമ്പ് സെറ്റുകളും മറ്റ് സംവിധാനങ്ങളും ഉപയോഗപ്പെടുത്തി വിത്തിടല് ആരംഭിച്ചിട്ടുണ്ട്. മുന്വര്ഷങ്ങളില് ജൂണില് പല പ്രദേശങ്ങളിലും നടീല് പൂര്ത്തിയായിരുന്നതായി കര്ഷകര് പറയുന്നു. ഇത്തവണ കൃഷിയിറക്കല് മൂന്നാഴ്ച മുതല് ഒരു മാസം വരെ വൈകുമെന്നാണ് അവരുടെ ആശങ്ക. കാലവര്ഷം ഉടന് ശക്തിപ്പെടുമെന്ന പ്രതീക്ഷയിലാണ് കര്ഷക സമൂഹം.
Tags : Local News Nattuvishesham Wayanad