18

കോ​ട്ടൂ​ർ: കു​ങ്കി പ​രി​ശീ​ല​നം ക​ഴി​ഞ്ഞു തി​രി​ച്ചെ​ത്തി​യ ആ​ന​യ്ക്ക് സ്വീ​ക​ര​ണമൊരു​ക്കി കാ​പ്പു​കാ​ട് ആ​ന പു​ന​ര​ധി​വാ​സ കേ​ന്ദ്രം. പരിശീലനം പൂർ ത്തിയാക്കിയെത്തിയ ച​ന്ദ്ര​നാ​ഥിനാണ് സ്വീ​ക​ര​ണം നൽകി യത്. വ​യ​നാ​ട്ടി​ലെ മു​ത്ത​ങ്ങ​യി​ൽ നി​ന്നാ​ണ് ച​ന്ദ്ര​നാ​ഥ് കോ​ട്ടൂ​ർ ആ​ന പ​രി​പാ​ല​ന കേ​ന്ദ്ര​ത്തി​ലെ​ത്തി​യ​ത്.

വ​ർ​ഷ​ങ്ങ​ൾ​ക്കുമു​മ്പാണു കോ​ട്ടൂ​ർ ആ​ന പ​രി​പാ​ല​ന കേ​ന്ദ്ര​ത്തി​ൽ നി​ന്നു കു​ങ്കി പ​രി​ശീ​ല​ന​ത്തി​നാ​യി വ​യ​നാ​ട്ടി​ലെ മു​ത്ത​ങ്ങ​യി​ലേ​ക്ക് ചന്ദ്ര നാഥിനെ മാറ്റിയത്. ശേ​ഷം വീ​ണ്ടും കോ​ട്ടൂ​രി​ലേ​ക്ക് തി​രി​ച്ചെ​ത്തി​യ​തോ​ടെ ഉ​ദ്യോ​ഗ​സ്ഥ​രും ജീ​വ​ന​ക്കാ​രും ചേ​ർ​ന്നു ആ​ന​യ്ക്ക് സ്വീ​ക​ര​ണ​ം ഒരുക്കുക യായിരുന്നു.

വൈ​ൽ​ഡ് ലൈ​ഫ് വാ​ർ​ഡ​ൻ എ​സ്.വി. ​വി​നോ​ദി​ന്‍റെ നേ​തൃ​ത്വ​ത്തി​ൽ അ​ഗ​സ്ത്യ​വ​നം ബ​യോ​ള​ജി​ക്ക​ൽ പാ​ർ​ക്ക് റേ​ഞ്ചി​ലെ ഡെ​പ്യൂ​ട്ടി വാ​ർ​ഡ​ൻ ജി. ആർ. അ​നീ​ഷ്, ഡെ​പ്യൂ​ട്ടി റേ​ഞ്ച് ഓ​ഫീ​സ​ർ ഷി​ജു എ​സ്.വി. ​നാ​യ​ർ, തി​രു​വ​ന​ന്ത​പു​രം അ​സി​സ്റ്റ​ന്‍റ് ഫോ​റ​സ്റ്റ് വെ​റ്റ​റി​ന​റി ഓ​ഫീ​സ​ർ ഡോ. ​എസ്.കെ. അ​രു​ൺ കു​മാ​ർ, ​സെ​ക്‌ഷൻ ഫോ​റ​സ്റ്റ് ഓ​ഫീ​സ​ർ​മാ​രാ​യ രാ​ജേ​ഷ്, റ​ജി, ബീ​റ്റ് ഫോ​റ​സ്റ്റ് ഗാ​ർ​ഡു​മാ​ർ, ആ​ന​പ്പാ​പ്പാ​ൻ​മാ​ർ എ​ന്നി​വ​ർ ചേ​ർ​ന്നു പ​ഴ​ക്കു​ല​യും ശ​ർ​ക്ക​ര​യും ന​ൽ​കിയാണു ച​ന്ദ്ര​നാ​ഥി​നെ പാ​ർ​ക്കി​ലേ​ക്ക് സ്വീ​ക​രി​ച്ചത്. ​

ച​ന്ദ്ര​നാ​ഥി​ന്‍റെ തി​രി​ച്ചു​വ​ര​വ് കോ​ട്ടൂ​ർ ആ​ന പ​രി​പാ​ല​ന കേ​ന്ദ്ര​ത്തി​നു കൂ​ടു​ത​ൽ ഉ​ണ​ർവാ ​കു​മെ​ന്ന പ്ര​തീ​ക്ഷ​യി​ലാ​ണ് വ​നം​വ​കു​പ്പ് അ​ധി​കൃ​ത​ർ. വ​ന്യ​മൃ​ഗ​ശ​ല്യം പ്ര​തി​രോ​ധി​ക്കാ​നും മ​റ്റു ദൗ​ത്യ​ങ്ങ​ൾ​ക്കു​മാ​യി വ​നം​വ​കു​പ്പ് സ്വ​ന്ത​മാ​യൊ​രു കു​ങ്കി​പ്പ​ട​യെ സ​ജ്ജ​മാ​ക്കു​ക​യാ​ണ്. കേ​ര​ള​ത്തി​ൽ പ​ല​യി​ട​ത്തും ആ​ന​ക​ൾ​ക്ക് പ​രി​ശീ​ല​നം ന​ൽ​കു​ന്നു​ണ്ടെ​ങ്കി​ലും ആ​ദ്യ​മാ​യാ​ണ് കു​ങ്കി പ​രി​ശീ​ല​നം കേ​ന്ദ്രം തു​ട​ങ്ങി​യ​ത്.‌മു​ത്ത​ങ്ങ ആ​ന​പ്പ​ന്തി​യി​ലെ മു​തു​മ​ല തെ​പ്പ​ക്കാ​ട് ആ​ന സം​ര​ക്ഷ​ണ​കേ​ന്ദ്ര​ത്തി​ലാ​ണ് കു​ങ്കി പ​രി​ശീ​ല​നം കേ​ന്ദ്രം.

Tags : Nattuvishesham LocalNews