8

‎‎നെ​ടു​മ​ങ്ങാ​ട് : നെ​ടു​മ​ങ്ങാ​ട് ന​ഗ​ര​സ​ഭ​യി​ലെ പ്ര​ധാ​ന​പ്പെ​ട്ട റി​ംഗ് റോ​ഡു​ക​ള്‍ ത​ക​ര്‍​ന്നു. കു​ഴി​ക​ൾ നി​റ​ഞ്ഞ റോ​ഡു​ക​ളി​ലൂടെയു ള്ള യാ​ത്ര ദുഷ്കരം. മു​ക്കോ​ല​യ്ക്ക​ല്‍ കു​ട്ടി​ക​ളു​ടെ കൊ​ട്ടാ​രം മു​ത​ല്‍ ക​ല്ലി​ങ്ക​ല്‍ വ​രെ​യു​ള്ള റോ​ഡാണ് വിവിധ ഇടങ്ങളിൽ പൊ​ട്ടി​പ്പൊ​ളി​ഞ്ഞിരിക്കുന്നത്. അ​ഞ്ചു​വ​ര്‍​ഷ​ത്തി​നി​ടെ മൂ​ന്നു തവണ ഈ ​റോ​ഡ് ടാ​ര്‍ ചെ​യ്‌​തെ​ങ്കി​ലും പിന്നെയും തകർന്നു തരിപ്പണമാവുകയായിരുന്നു. ‎ ഓ​ട​ക​ള്‍ ഇ​ല്ലാ​ത്ത​താ​ണ് റോ​ഡ് ത​ക​രു​ന്ന​തിനു പ്രധാനകാര ണമായി നാട്ടുകാർ ചൂണ്ടി ക്കാണിക്കുന്നത്.

ക​ല്ലി​ങ്ക​ല്‍ റോ​ഡി​ല്‍ ചെ​ന്നു ചേ​രു​ന്ന ഭാ​ഗ​ത്തും വ​ലി​യ അ​പ​ക​ട​കു​ഴി​ക​ള്‍ ഉ​ണ്ട്. ചെ​റി​യ മ​ഴ​യി​ല്‍ പോ​ലും റോ​ഡു നി​റ​യെ വെ​ള്ളം കെ​ട്ടി​ക്കി​ട​ക്കു​ന്ന​തി​നാ​ല്‍ കു​ഴി​യെ അ​റി​യാ​തെ എ​ത്തു​ന്ന ഇ​രു​ച​ക്ര വാ​ഹ​ന യാ​ത്രി​ക​ർ അ​പ​ക​ട ത്തി​ൽ​പ്പെ​ടു​ന്ന​ത് പ​തി​വാ​ണ്. ‎പ​ഴ​കു​റ്റി​യി​ല്‍​നി​ന്നു​സ​ത്രം മു​ക്കു​വ​ഴി ടൗ​ണി​ല്‍ എ​ത്തേ​ണ്ട റോ​ഡി​ലെ ര​ണ്ടി​ട​ങ്ങ​ളി​ല്‍ വ​ലി​യ കു​ഴി​ക​ളു​ണ്ട്. വെ​യ​ര്‍​ഹൗ​സി​നു സ​മീ​പ​ത്ത് വ​ലി​യ കു​ഴി​ക​ള്‍ രൂ​പ​പ്പെ​ട്ട​തു അ​പ​ക​ട​ങ്ങ​ൾ​ക്കു കാ​ര​ണ​മാ​കു​ന്നു ണ്ട്. ​മ​ഴ​ക്കാ​ലം ക​ഴി​ഞ്ഞ​തോ​ടെ ടൗ​ണി​ലും അ​നു​ബ​ന്ധ​പ്ര​ദേ​ശ​ങ്ങ​ളി​ലും ഇ​ട​റോ​ഡു​ക​ളും പ്ര​ധാ​ന​പാ​ത​യും ഒ​രു​പോ​ ലെ ത​ക​ർ​ന്നി​രി​ക്കു​ക​യാ​ണ്.

Tags : NattuVishasham DistrictNews