കൂറ്റനാട് ഭാരത് യൂത്ത് ക്ലബ് നടത്തിയ പൈതൃകായനം പുഴനടത്തം പരിപാടിയിൽ പങ്കെടുത്തവർ.
കൂറ്റനാട്: പ്രകൃതിയെ കണ്ടും സംസ്കാരത്തെ തിരിച്ചറിഞ്ഞും ഒരു പുഴയാത്ര. കൂറ്റനാട് ഭാരത് യൂത്ത് ക്ലബ് നടത്തിയ പൈതൃകായനം പുഴനടത്തം വിദ്യാർഥികൾക്കു വേറിട്ട അനുഭവമായി.
ഡോ. രാജൻ ചുങ്കത്ത് മത്സ്യങ്ങൾക്ക് തീറ്റനൽകികൊണ്ട് നടത്തം ഉദ്ഘാടനം ചെയ്തു. രണ്ടു കിലോമീറ്ററോളം പുഴയിലൂടെ നടന്നായിരുന്നു യാത്ര.
യാത്രയിൽ തോണിക്കാരൻ ബാവ തൻറ പഴയ കാല തോണി തുഴയുടെ അനുഭവങ്ങളെ കുറിച്ച് അനുഭവം പങ്കുവച്ചു. സ്മിത ടീച്ചർ ഭാരതപുഴയിലെ പക്ഷികളെ കുറിച്ചും
പരിസ്ഥിതി പ്രവർത്തകനായ രാജഗോപാൽ പള്ളിപ്പുറം പുഴയുടെ കിടപ്പും മാലിന്യവും പാരിസ്ഥിതിക പ്രശ്നങ്ങളെക്കുറിച്ചും പ്രദീപ് മാസ്റ്റർ ഭാരതപ്പുഴയുടെ തീരത്തെ സാഹിത്യകാരൻമാരെക്കുറിച്ചും സംസാരിച്ചു.
അഡ്വ. രാജേഷ് വെങ്ങകാലിൽ, ടി.കെ. വിനയഗോപാൽ, കെ. വിഷ്ണു ഹരിദാസ്, അനിരുദ്ധ് എന്നിവർ പ്രസംഗിച്ചു.
Tags : River cruise nattuvishesham local news