കനത്ത മഴയില് തൃക്കളത്തൂര് ഗവ. എല്പി സ്കൂളിന്റെ മതിൽക്കെട്ട് തകര്ന്ന നിലയില്.
മൂവാറ്റുപുഴ: കനത്ത മഴയില് തൃക്കളത്തൂര് ഗവ. എല്പി സ്കൂളിന്റെ മതിൽക്കെട്ട് തകർന്നു. നാലാം ക്ലാസ് വരെയുള്ള കുട്ടികള് പഠിക്കുന്ന സ്കൂളിനോടും ക്ലാസ് മുറികളോടും വളരെ അടുത്തായാണ് മതില് പാതി ഇടിഞ്ഞി നിലയിൽ നിലനില്ക്കുന്നത്. ഇത് കെട്ടിടത്തെ സാരമായി ബാധിക്കുമെന്ന ഭീതിയിലാണ് അധ്യാപകരും കുട്ടികളും.
മതില്ക്കെട്ട് ഇടിഞ്ഞുകിടക്കുന്ന ഭാഗത്തുള്ള ഗ്രൗണ്ട് ഹൈസ്കൂള് വിദ്യാര്ഥികള് ഉപയോഗിക്കുന്നതാണ്. മഴ ശക്തമാകുന്ന സാഹചര്യത്തില് കൂടുതല് അപകടങ്ങള് സംഭവിക്കാനുള്ള സാധ്യതയേറെയാണ്. ഉടന് വേണ്ട നടപടി സ്വീകരിക്കണമെന്ന് ആവശ്യപ്പെട്ട് എഐവൈഎഫ് തൃക്കളത്തൂര് യൂണിറ്റ് കമ്മറ്റി പഞ്ചായത്ത് സെക്രട്ടറിക്ക് നിവേദനം നല്കി.
Tags : Local News Nattuvishesham Ernakulam