ചപ്പാരപ്പടവ്: മലയോര മേഖലകളിൽ രൂക്ഷമായ വന്യമൃഗ ആക്രമണത്തിന് ഉടൻ പരിഹാരം കാണണമെന്ന് കർഷക കോൺഗ്രസ്- എസ് സംസ്ഥാന ജനറൽ സെക്രട്ടറി രാജേഷ് മാത്യു പുതുപ്പറമ്പിൽ ആവശ്യപ്പെട്ടു. കാട്ടാന ആക്രമണത്തിൽ മൂന്നാഴ്ചയ്ക്കുള്ളിൽ അഞ്ച് പേരാണ് മരിച്ചത്. പ്രതിപക്ഷത്തിരിക്കുമ്പോൾ ജനങ്ങൾക്ക് നൽകിയ പല വാഗ്ദാനങ്ങളും അധികാരത്തിലേറിയപ്പോൾ മറന്നു പോകുന്ന സ്ഥിതിയാണ് ഉള്ളത്.
വന്യമൃഗ ആക്രമണത്തിന് ശാശ്വത പരിഹാരം കാണാൻ നടപടി എടുക്കാത്ത കേന്ദ്രസർക്കാരിനെതിരെ പാർലമെന്റിൽ ഒരക്ഷരം ഉരിയാടാത്ത എംപി മാർ കേരളത്തിന് അപമാനമാണ്. കാട്ടാന അക്രമത്തിൽ മരണപ്പെട്ടവരുടെ കുടുംബങ്ങൾക്ക് 25 ലക്ഷം രൂപ നഷ്ടപരിഹാരം നൽകണമെന്നും അവരുടെ അനന്തര അവകാശികൾക്ക് സർക്കാർ ജോലി നൽകണമെന്നും അദ്ദേഹം ആവശ്യപ്പെട്ടു.
Tags : Nattuvishesham Local News wild animal attacks Farmers Congress-S