4

ക​ടു​ത്തു​രു​ത്തി: കേ​ര​ള​ത്തി​ലെ വി​വി​ധ ജി​ല്ല​ക​ളി​ല്‍നി​ന്നു​ള്ള കൂ​ണ്‍ ക​ര്‍​ഷ​ക​രു​ടെ​യും കൂ​ണ്‍ സം​രം​ഭ​ക​രു​ടെ​യും 25 പേ​ര​ട​ങ്ങു​ന്ന ആ​ദ്യ​സം​ഘം സം​സ്ഥാ​ന കൃ​ഷി​വ​കു​പ്പി​ന്‍റെ​യും സ്റ്റേ​റ്റ് ഹോ​ര്‍​ട്ടി​ക​ള്‍​ച്ച​ര്‍ മി​ഷ​ന്‍റെ​യും നേ​തൃ​ത്വ​ത്തി​ല്‍ ഹി​മാ​ച​ല്‍പ്ര​ദേ​ശി​ലെ സോ​ള​നി​ലെ ഡ​യ​റ​ക്ട​റേ​റ്റ് ഓ​ഫ് മ​ഷ്റൂ​മി​ലേ​ക്ക് ഒ​രാ​ഴ്ച​ത്തെ പ​രി​ശീ​ല​ന​ത്തി​നാ​യി യാ​ത്രതി​രി​ച്ചു.

സം​സ്ഥാ​ന ഹോ​ര്‍​ട്ടി​ക​ള്‍​ച്ച​ര്‍ മി​ഷ​ന്‍ ന​ട​പ്പി​ലാ​ക്കു​ന്ന സ​മ​ഗ്ര കൂ​ണ്‍ ഗ്രാ​മം പ​ദ്ധ​തി​യു​ടെ ഭാ​ഗ​മാ​യു​ള്ള തു​ട​ര്‍​പ​രി​ശീ​ല​ന പ​രി​പാ​ടി​ക​ളു​ടെ ഭാ​ഗ​മാ​യാ​ണ് പ​ഠ​ന​യാ​ത്ര. കേ​ര​ള​ത്തി​ല്‍ കൂ​ണ്‍ കൃ​ഷി കൂ​ടു​ത​ല്‍ ശാ​സ്ത്രീ​യ​മാ​യി വ്യാ​പി​പ്പി​ക്കു​ന്ന​തി​നും വ​രു​മാ​നം വ​ര്‍​ധി​പ്പി​ക്കു​ന്ന​തി​നു​മാ​യാ​ണ് കൂ​ണ്‍ ക​ര്‍​ഷ​ക​ര്‍​ക്കാ​യി പ​ഠ​ന​യാ​ത്ര ന​ട​ത്തു​ന്ന​ത്.
കൃ​ഷി​മ​ന്ത്രി​യു​ടെ നേ​തൃ​ത്വ​ത്തി​ല്‍ കൂ​ണ്‍ ക​ര്‍​ഷ​ക​രു​ടെ​യും ഉ​ദ്യോ​ഗ​സ്ഥ​രു​ടെ​യും പ​ത്തം​ഗ​സം​ഘം സോ​ള​നി​ലെ ഐ​സി​എ​ആ​ര്‍ ഡ​യ​റ​ക്ട​റേ​റ്റ് ഓ​ഫ് മ​ഷ്റൂം റി​സ​ര്‍​ച്ച് (ഡി​എം​ആ​ര്‍) സ​ന്ദ​ര്‍​ശി​ച്ച​തി​ന്‍റെ തു​ട​ര്‍​ച്ച​യാ​യാ​ണ് ക​ര്‍​ഷ​ക​രെ സോ​ള​നി​ലേ​ക്ക് പ​രി​ശീ​ല​ന​ത്തി​നാ​യി അ​യയ്​ക്കു​ന്ന​ത്.

കൂ​ണ്‍ കൃ​ഷി​യി​ലെ സാ​ങ്കേ​തി​ക​ത്വം, ആ​ധു​നി​ക കൃ​ഷിരീ​തി​ക​ള്‍, കൂ​ണ്‍ ഉ​ത്പ​ന്ന​ങ്ങ​ളു​ടെ മൂ​ല്യ​വ​ര്‍​ധ​ന​വ്, വൈ​വി​ധ്യ​മാ​ര്‍​ന്ന കൂ​ണ്‍ വി​ഭ​വ​ങ്ങ​ള്‍, വാ​ണി​ജ്യ പ്രാ​ധാ​ന്യ​മു​ള്ള കൂ​ണ്‍ ഇ​ന​ങ്ങ​ളും ഉ​ത്പ​ന്ന​ങ്ങ​ളും തു​ട​ങ്ങി വി​വി​ധ​ങ്ങ​ളാ​യ പ​രി​ശീ​ല​ന​ങ്ങ​ളാ​ണ് ല​ക്ഷ്യം.

സോ​ള​നി​ലു​ള്ള ഐ​സി​എ​ആ​ര്‍ മ​ഷ്റൂം ഡ​യ​റ​ക്ട​റേ​റ്റി​ല്‍ ആ​റു വ​രെ​യാ​ണ് പ​രി​ശീ​ല​നം. ഹോ​ര്‍​ട്ടി​ക​ള്‍​ച്ച​ര്‍ മി​ഷ​ന്‍ ജോ​യി​ന്‍റ് ഡ​യ​റ​ക്ട​ര്‍ പി.​ ഷ​ക്കീ​ല, അ​സി​സ്റ്റ​ന്‍റ് ഡ​യ​റ​ക്ട​ര്‍​മാ​രാ​യ ടി.​ആ​ര്‍. സ്വ​പ്ന, നൂ​ബി​യ ബ​ഷീ​ര്‍ എ​ന്നി​വ​ര്‍ പ​ഠ​നസം​ഘ​ത്തെ ന​യി​ക്കും.

Tags : nattu vishesham mushroom farmers visit to mushroom