3

മാ​ന്നാ​ർ: ചെ​ന്നി​ത്ത​ല​യി​ൽ പ്ര​വാ​സി​യു​ടെ വീ​ട്ടി​ൽ നി​ന്നും 20 പ​വ​ൻ സ്വ​ർ​ണം മോ​ഷ​ണം പോ​യ കേ​സി​ൽ പ്ര​തി​ക​ൾ അ​റ​സ്റ്റി​ൽ. ശൂ​ര​നാ​ട് ച​ക്കു​വ​ള​ളി പ​ര​പ്പാ​ടി പു​ത്ത​ൻ വീ​ട്ടി​ൽ സ​ന്തോ​ഷ് കു​മാ​ർ (44)നെ ​ആ​ണ് ക​ഴി​ഞ്ഞ ദി​വ​സം പോ​ലീ​സ് പി​ടി​കൂ​ടി​യ​ത്. 2026 ജ​നു​വ​രി 30 നാ​ണ് ചെ​ന്നി​ത്ത​ല വ​ലി​യ​വീ​ട്ടി​ൽ ഷാ​രോ​ൺ വി​ല്ല​യി​ൽ മോ​ഷ​ണം ന​ട​ന്ന​ത്. തു​ട​ർ​ന്ന് മാ​ന്നാ​ർ പോ​ലീ​സ് കേ​സെ​ടു​ത്ത് അ​ന്വേ​ഷ​ണം ന​ട​ന്നു വ​രി​ക​യാ​യി​രു​ന്നു.
ഇ​തി​നി​ടെ, നൂ​റ​നാ​ട് പോ​ലീ​സ് മ​റ്റൊ​രു കേ​സി​ൽ ചി​ല്ല് ശ്രീ​കു​മാ​ർ എ​ന്ന വി​ളി​പ്പേ​രു​ള്ള ച​വ​റ ശ​ങ്ക​ര​മം​ഗ​ലം പ​ള്ള​ത്ത് പ​ടീ​റ്റേ​തി​ൽ ശ്രീ​കു​മാ​ർ (36) നെ ​പി​ടി​കൂ​ടി ചോ​ദ്യം ചെ​യ്യു​ന്ന​തി​നി​ടെ​യാ​ണ് ശ്രീ​കു​മാ​ർ ചെ​ന്നി​ത്ത​ല​യി​ലെ മോ​ഷ​ണ​കാ​ര്യം സ​മ്മ​തി​ച്ച​ത്. ഇ​തി​ന്‍റെ​യ​ടി​സ്ഥാ​ന​ത്തി​ൽ ഒ​ന്നാം പ്ര​തി​യാ​യ ചി​ല്ല് ശ്രീ​കു​മാ​റി​നെ മാ​ന്നാ​ർ പോ​ലീ​സ് ജ​യി​ലി​ലെ​ത്തി അ​റ​സ്‌​റ്റ് രേ​ഖ​പ്പെ​ടു​ത്തി​യി​രു​ന്നു. തു​ട​ർ​ന്ന് ക​സ്‌​റ്റ​ഡി​യി​ൽ വാ​ങ്ങി ചോ​ദ്യം ചെ​യ്ത​തി​ൽ നി​ന്ന് കി​ട്ടി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് കേ​സി​ൽ ഒ​ളി​വി​ൽ ക​ഴി​ഞ്ഞി​രു​ന്ന ര​ണ്ടാം പ്ര​തി​യാ​യ സ​ന്തോ​ഷി​നെ പോ​ലീ​സ് പി​ടി​കൂ​ടി​യ​ത്.

ചെ​ങ്ങ​ന്നൂ​ർ ഡി​വൈ​എ​സ്പി അ​ല​ക്സ് ബേ​ബി​യു​ടെ നി​ർ​ദേ​ശ​പ്ര​കാ​രം മാ​ന്നാ​ർ പോ​ലി​സ് ഇ​ൻ​സ്പ​ക്ട​ർ എ​സ്.​വി. ബി​ജു, എ​സ്ഐ ഇ.​എ​സ്. ഷൈ​ജ, എ​എ​സ്ഐ ര​ജി​ത, സീ​നി​യ​ർ സി​പി​ഒ​മാ​രാ​യ അ​രു​ൺ ഭാ​സ്‌​ക​ർ, ഉ​ണ്ണി​കൃ​ഷ്‌​ണ​പി​ള്ള, മു​ഹ​മ്മ​ദ് ഷെ​ഫീ​ക്ക് എ​ന്നി​വ​ര​ട​ങ്ങു​ന്ന പ്ര​ത്യേ​ക അ​ന്വേ​ഷ​ണ സം​ഘം ഏ​റ്റു​മാ​നൂ​രി​ൽ നി​ന്നാ​ണ് പ്ര​തി​യെ പി​ടി​കു​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.

Tags : Nattuvishesham DistrictNews DeepikaNews arrested.