ഏറ്റുമാനൂർ: മഹാരാഷ്ട്ര സ്വദേശികളായ വിനോദസഞ്ചാരികൾ യാത്ര ചെയ്തുകൊണ്ടിരുന്ന ടെമ്പോ ട്രാവലറിന് തീപിടിച്ചു.മൂന്നാറിൽനിന്ന് ആലപ്പുഴയിലേക്കു പോകുമ്പോൾ ഏറ്റുമാനൂർ-നീണ്ടൂർ റോഡിൽ മന്ത്രി വി.എൻ. വാസവന്റെ ഓഫീസിന് സമീപം വച്ചാണ് വാഹനത്തിൽനിന്നു പുക ഉയരുന്നത് യാത്രക്കാർ കണ്ടത്. ഡ്രൈവർ ഉടൻ വാഹനം നിർത്തി.
ഓടിക്കൂടിയ നാട്ടുകാരും ഓട്ടോറിക്ഷാ ഡ്രൈവർമാരും വിവരമറിഞ്ഞെത്തിയ ഏറ്റുമാനൂർ പോലീസും ഹൈവേ പോലീസും ചേർന്ന് തീയണച്ചു. പോലീസ് അറിയിച്ചതിനെത്തുടർന്ന് ഫയർഫോഴ്സ് യൂണിറ്റും സ്ഥലത്തെത്തി.
ഓഫീസിൽ ഉണ്ടായിരുന്ന മന്ത്രി വി.എൻ. വാസവൻ സ്ഥലത്തെത്തി യാത്രക്കാരെ കാണുകയും അവർക്ക് ഓഫീസിൽ വിശ്രമിക്കുന്നതിന് സൗകര്യമൊരുക്കുകുകയും ചെയ്തു.രണ്ടു കുടുംബങ്ങളിലെ അംഗങ്ങളായ 10 പേരാണ് വാഹനത്തിൽ ഉണ്ടായിരുന്നത്. നാലു ദിവസമായി സംഘം കേരളത്തിലെ വിവിധ ടൂറിസ്റ്റ് കേന്ദ്രങ്ങൾ സന്ദർശിച്ചുവരികയായിരുന്നു.
Tags : tourist bus nattuvishesham local