തോടനാല്: ജില്ലാ പഞ്ചായത്തിന്റെ 2025-26 പദ്ധതിയില് ഉള്പ്പെടുത്തി ജില്ലാ പഞ്ചായത്ത് മെംബര് ജോസ്മോന് മുണ്ടയ്ക്കല് അനുവദിച്ച 20 ലക്ഷം രൂപ ഉപയോഗിച്ച് തോടനാല് കപ്പലിക്കുന്ന് ഭാഗത്ത് നിര്മിച്ച കുഴല്കിണര് കുടിവെള്ള പദ്ധതി പ്രവര്ത്തനമാരംഭിച്ചു.
കുഴല്കിണര് കുടിവെള്ള പദ്ധതിയുടെ ഉദ്ഘാടനം ജോസ്മോന് മുണ്ടയ്ക്കല് നിര്വഹിച്ചു. പഞ്ചായത്ത് പ്രസിഡന്റ് ജോസി പൊയ്കയില് അധ്യക്ഷത വഹിച്ചു. പഞ്ചായത്ത് സ്ഥിരം സമിതി അധ്യക്ഷന്മാരായ ജോയി മാടയാങ്കല്, ഷാജി ഗണപതിപ്ലാക്കല്, ഷീന രാജേഷ്, പഞ്ചായത്തംഗങ്ങളായ സാജി വളവനാല്, ഡാലിയ ജോണി, അഖില് രാജു, സജി തകിടിപ്പുറം, ജോഷി പുളിക്കല്, റെജി മറ്റത്തില്, പീറ്റര് ചേരവേലില്, റോയി പുളിക്കല്, സുനില് ചേരവേലില്, രാജേഷ് പുളിക്കക്കുന്നേല് എന്നിവര് പ്രസംഗിച്ചു.