പ്രധാനമന്ത്രി ആൻഡി ബേർനാം
ലണ്ടൻ: യൂറോപ്പുമായുള്ള ബന്ധം മെച്ചപ്പെടുത്താനാനുള്ള ശ്രമത്തിലാണു ബ്രിട്ടനെന്ന് പ്രധാനമന്ത്രി ആൻഡി ബേർനാം. ഇതിനായി ബ്രിട്ടൻ വീണ്ടും യൂറോപ്യൻ യൂണിയനിൽ ചേരുന്നതടക്കം പരിഗണിക്കുമെന്നും ബിബിസിക്കു നല്കിയ അഭിമുഖത്തിൽ അദ്ദേഹം വ്യക്തമാക്കി.
കഴിഞ്ഞ ദിവസം ഭരണകക്ഷിയായ ലേബർ പാർട്ടിയുടെ വാർഷിക ഉച്ചകോടിയിലും യൂറോപ്പുമായി അടുക്കേണ്ടതിന്റെ പ്രാധാന്യം ബേർനാം എടുത്തുപറഞ്ഞിരുന്നു.
യൂറോപ്യൻ യൂണിയനിൽനിന്നുള്ള ബ്രിട്ടന്റെ വെർപെടൽ (ബ്രെക്സിറ്റ്) ഗുണത്തേക്കാളേറെ ദോഷം ചെയ്തതായി ബേർനാം ചൂണ്ടിക്കാട്ടി. സാന്പത്തികമേഖലയിൽ അടക്കം വലിയ തിരിച്ചടി നേരിടേണ്ടിവന്നു.
പൂർണമായി യൂറോപ്യൻ യൂണിയനിലേക്കു മടങ്ങുന്നതടക്കമുള്ള സാധ്യതകൾ സർക്കാർ പരിഗണിക്കും. അടുത്ത പൊതുതെരഞ്ഞെടുപ്പിലെ പ്രചാരണത്തിൽ ഇക്കാര്യവും ഉൾപ്പെടുത്തും. ബ്രിട്ടൻ വീണ്ടും യൂറോപ്യൻ യൂണിയന്റെ ഭാഗമാകണം എന്നാണു വ്യക്തിപരമായ അഭിപ്രായമെന്നും ബേർനാം കൂട്ടിച്ചേർത്തു.
Tags : Britain Rejoin EuropeanUnion PrimeMinisterBurnham Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash