11

ബീ​ജിം​ഗ്: വി​ക്ഷേ​പി​ച്ച് 90 സെ​ക്ക​ൻ​ഡി​നു​ള്ളി​ൽ ചൈ​ന​യു​ടെ റോ​ക്ക​റ്റ് പൊ​ട്ടി​ത്തെ​റി​ച്ചു. ലോം​ഗ് മാ​ർ​ച്ച് 7എ ​റോ​ക്ക​റ്റാ​ണ് വി​ക്ഷേ​പി​ച്ച് 85 സെ​ക്ക​ൻ​ഡ് തി​ക​യും മു​മ്പേ ആ​കാ​ശ​ത്ത് പൊ​ട്ടി​ത്തെ​റി​ച്ച​ത്. ഓ​ഗ​സ്റ്റ് 10ന് ​ഹൈ​നാ​ൻ പ്ര​വി​ശ്യ​യി​ലെ വെ​ൻ​ചാം​ഗ് ബ​ഹി​രാ​കാ​ശ വി​ക്ഷേ​പ​ണ കേ​ന്ദ്ര​ത്തി​ൽ നി​ന്നാ​ണ് റോ​ക്ക​റ്റ് വി​ക്ഷേ​പി​ച്ച​ത്. വി​ക്ഷേ​പ​ണം ക​ഴി​ഞ്ഞ് ഏ​ക​ദേ​ശം 85 സെ​ക്ക​ൻ​ഡി​നു​ള്ളി​ൽ റോ​ക്ക​റ്റ് തീ​പി​ടി​ച്ച് പൊ​ട്ടി​ത്തെ​റി​ക്കു​ക​യാ​യി​രു​ന്നു.

പൊ​ട്ടി​ത്തെ​റി​യു​ടെ ഫ​ല​മാ​യി ആ​കാ​ശ​ത്ത് വ​ലി​യ തീ​ഗോ​ള​വും പു​ക​യും അ​വ​ശി​ഷ്ട​ങ്ങ​ളും രൂ​പ​പ്പെ​ട്ടു. ഭൂ​മി​യു​ടെ അ​ന്ത​രീ​ക്ഷ​ത്തി​ലൂ​ടെ സ​ഞ്ച​രി​ക്കു​ന്ന​തി​നി​ടെ​യാ​ണ് റോ​ക്ക​റ്റ് ത​ക​ർ​ന്ന​ത്. അ​പ​ക​ട​ത്തി​ന്‍റെ ദൃ​ശ്യ​ങ്ങ​ൾ സാ​മൂ​ഹി​ക മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്നു​ണ്ട്.

ചൈ​നീ​സ് സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള ചൈ​ന എ​യ​റോ​സ്പേ​സ് സ​യ​ൻ​സ് ആ​ൻ​ഡ് ടെ​ക്നോ​ള​ജി കോ​ർ​പ്പ​റേ​ഷ​നാ​ണ് റോ​ക്ക​റ്റ് വി​ക്ഷേ​പി​ച്ച​ത്. ക​മ്പ​നി ഔ​ദ്യോ​ഗി​ക വി​ശ​ദീ​ക​ര​ണം പു​റ​ത്തു​വി​ട്ടി​ട്ടി​ല്ല. എ​ന്നാ​ൽ റോ​ക്ക​റ്റും അ​തി​ലു​ണ്ടാ​യി​രു​ന്ന ഉ​പ​ഗ്ര​ഹ​വും പൂ​ർ​ണ​മാ​യി ന​ഷ്ട​പ്പെ​ട്ടി​രി​ക്കാ​മെ​ന്നാ​ണ് ദൃ​ശ്യ​ങ്ങ​ളി​ൽ നി​ന്ന് വ്യ​ക്ത​മാ​കു​ന്ന​ത്. അ​തി​നാ​ൽ ദൗ​ത്യം പൂ​ർ​ണ പ​രാ​ജ​യ​മാ​യി ക​ണ​ക്കാ​ക്ക​പ്പെ​ടാ​ൻ സാ​ധ്യ​ത​യു​ണ്ട്.

2020ൽ ​അ​ര​ങ്ങേ​റ്റം കു​റി​ച്ച ലോം​ഗ് മാ​ർ​ച്ച് 7എ​യു​ടെ 18-ാമ​ത്തെ ദൗ​ത്യ​മാ​യി​രു​ന്നു ഇ​ത്. ആ​ദ്യ വി​ക്ഷേ​പ​ണ​വും റോ​ക്ക​റ്റ് പൊ​ട്ടി​ത്തെ​റി​ച്ച​തി​നെ​ത്തു​ട​ർ​ന്ന് പ​രാ​ജ​യ​പ്പെ​ട്ടി​രു​ന്നു. എ​ൻ​ജി​നി​ലു​ണ്ടാ​യ ത​ക​രാ​റാ​യി​രു​ന്നു അ​ന്ന​ത്തെ അ​പ​ക​ട​ത്തി​ന് കാ​ര​ണ​മെ​ന്ന് ചൈ​ന പി​ന്നീ​ട് വ്യ​ക്ത​മാ​ക്കി​യി​രു​ന്നു. എ​ന്നാ​ൽ ഇ​ത്ത​വ​ണ റോ​ക്ക​റ്റ് അ​തി​ൻ​രെ ആ​ദ്യ ഘ​ട്ടം പൂ​ർ​ത്തി​യാ​ക്കു​ന്ന​തി​ന് മു​മ്പു​ത​ന്നെ ത​ക​ർ​ന്നു. സാ​ധാ​ര​ണ​യാ​യി വി​ക്ഷേ​പ​ണം ക​ഴി​ഞ്ഞ് ഏ​ക​ദേ​ശം മൂ​ന്ന് മി​നി​റ്റി​നു​ള്ളി​ലാ​ണ് ആ​ദ്യ ഘ​ട്ട വേ​ർ​പെ​ട​ൽ ന​ട​ക്കു​ന്ന​ത്. എ​ന്നാ​ൽ ഈ ​ദൗ​ത്യ​ത്തി​ൽ 85 സെ​ക്ക​ൻ​ഡി​നു​ള്ളി​ൽ ത​ന്നെ അ​പ​ക​ടം സം​ഭ​വി​ച്ചു.

Tags : China rocket exploded launch satellite Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash GlobalNews