19

കൊച്ചി: യൂത്ത് കോണ്‍ഗ്രസ് നിയോജകമണ്ഡലം ജനറല്‍ സെക്രട്ടറി മുനമ്പം പാണ്ഡികശാല പി.ജി. പൃഥ്വിരാജിന്‍റെ തല ഇരുമ്പ് പൈപ്പിന് അടിച്ചു പൊട്ടിച്ച കേസില്‍ മുഖ്യപ്രതി അറസ്റ്റില്‍. പള്ളിപ്പുറം കാതികുളത്ത് ശരണ്‍ജിത്താണ് അറസ്റ്റിലായത്. മൂന്ന് അംഗ സംഘത്തിലെ മറ്റ് രണ്ടുപേര്‍ ഒളിവിലാണ്.

വിഷുത്തലേന്ന് രാത്രി പള്ളിപ്പുറം ഭുവനേശ്വരി ബീച്ചില്‍ ആളൊഴിഞ്ഞിടത്ത് പടക്കം പൊട്ടിച്ച യുവാക്കളെ അസഭ്യം പറയുകയും ഭീഷണിപ്പെടുത്തുകയും ചെയ്ത സംഘത്തെ ചോദ്യം ചെയ്തതിലുള്ള വിരോധമാണ് ആക്രമണത്തിലേക്ക് നയിച്ചത്. പൃഥ്വിരാജ് കുഴുപ്പിള്ളി സ്വകാര്യ ആശുപത്രിയില്‍ ചികിത്സയിലാണ്.

Tags : Attack Youth Congress arrest