19

പാലോട്: തിരുവനന്തപുരം- ചെങ്കോട്ട സംസ്ഥാനപാതയിൽ കാർ തലകീഴായി മറിഞ്ഞു. ഇളവട്ടം ജംഗ്ഷൻ വില്ലേജ് ഓഫീസിന് സമീപം രാവിലെ ഒമ്പതോടെയാണ് അപകടം നടന്നത്.

വിമാനത്താവളത്തിൽ പോയി തിരികെ മടങ്ങിയ സംഘം സഞ്ചരിച്ചിരുന്ന കാർ വഴിയരികിലേക്ക് ഇടിച്ചുകയറി തലകീഴായി മറിയുകയായിരുന്നു. വാഹനത്തിൽ ഉണ്ടായിരുന്നവർക്ക് പരിക്കേറ്റു. ഡ്രൈവർ ഉറങ്ങിപ്പോയതാണ് അപകടകാരണമെന്നാണ് നിഗമനം.

നന്ദിയോട് ആലംപാറ സ്വദേശികളാണ് കാറിൽ ഉണ്ടായിരുന്നത്. പരിക്കേറ്റവരെ ആംബുലൻസിൽ ആശുപത്രിയിലേക്ക് മാറ്റി.

Tags : Car Accident national highway