6

തി​രു​വ​ന​ന്ത​പു​രം: ചിറയിൻകീഴിൽ എംഎൽഎ ര​മ്യ ഹ​രി​ദാ​സും കോ​ൺ​ഗ്ര​സ് നേ​താ​ക്ക​ളും ത​മ്മി​ലു​ണ്ടാ​യ കൈ​യാ​ങ്ക​ളിയിൽ നടപടിയുമായി കെപിസിസി. രമ്യാ ഹരിദാസിന്‍റെ കൂടെയുണ്ടായിരുന്ന പാളയം പ്രദീപിനെയും പ്രശ്നമുണ്ടായ വീടിന്‍റെ ഉടമയും പ്രദേശിക നേതാവുമായ എസ്. സജാദിനെയും സസ്പെൻഡ് ചെയ്തു.

ഇരുവരെയും പാർട്ടിയുടെ പ്രാഥമിക അംഗത്വത്തിൽനിന്ന് കെപിസിസി അധ്യക്ഷൻ സണ്ണി ജോസഫ് സസ്‌പെൻഡ് ചെയ്തതായി സംഘടനാ ചുമതലയുള്ള ജനറൽ സെക്രട്ടറി നെയ്യാറ്റിൻകര സനൽ അറിയിച്ചു.

വിഷയം അ​ന്വേ​ഷി​ക്കാ​ൻ നി​യോ​ഗി​ച്ച കെപിസിസി സ​മി​തിയുടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാണ് ഇരുവിഭാഗത്തിനുമെതിരേ അ​ച്ച​ട​ക്ക ന​ട​പ​ടി സ്വീകരിച്ചത്. പൊതുജനമധ്യത്തിൽ കോൺഗ്രസ് പാർട്ടിക്ക് അവമതിപ്പുണ്ടാക്കുന്ന വിധത്തിൽ ഗുരുതരമായ അച്ചടക്കലംഘനം നടത്തിയെന്നാണ് അന്വേഷണത്തിൽ കണ്ടെത്തിയത്. മു​ൻ കെ​പി​സി​സി പ്ര​സി​ഡ​ന്‍റ് എം.​എം. ഹ​സ​നാ​ണ് സ​മി​തി​യു​ടെ അ​ധ്യ​ക്ഷ​ൻ.

ഔ​ദ്യോ​ഗി​ക കാ​ര്യ​ങ്ങ​ളി​ൽ പാ​ള​യം പ്ര​ദീ​പ് ഇ​ട​പെ​ടു​ന്ന​തി​ന് ചൊ​ല്ലി​യു​ണ്ടാ​യ വാ​ക്കു​ത​ർ​ക്ക​മാ​ണ് ഇ​രു​വി​ഭാ​ഗ​വും ത​മ്മി​ലു​ള്ള സം​ഘ​ർ​ഷ​ത്തി​ൽ ക​ലാ​ശി​ച്ച​ത്.

Tags : Clash RamyaHaridas InquiryCommittee KPCC