17

പാ​ല​ക്കാ​ട്: മു​ന്ന​റി​യി​പ്പി​ല്ലാ​തെ​യു​ണ്ടാ​യ വൈ​ദ്യു​തി​മു​ട​ക്ക​ത്തെ തു​ട​ർ​ന്ന് ഓ​ക്സി​ജ​ൻ കോ​ണ്‍​സെ​ൻ​ട്രേ​റ്റ​ർ പ്ര​വ​ർ​ത്ത​ന​ര​ഹി​ത​മാ​യ​തോ​ടെ കി​ട​പ്പു​രോ​ഗി മ​രി​ച്ചെ​ന്ന പ​രാ​തി​യു​മാ​യി കു​ടും​ബം. പാ​ല​ക്കാ​ട് സി​വി​ൽ സ്റ്റേ​ഷ​നു സ​മീ​പം കേ​നാ​ത്ത് പ​റ​ന്പ് ക​ലി​യ​ങ്ക​ണ്ട​ത്ത് വീ​ട്ടി​ൽ എം. ​കൃ​ഷ്ണ​ൻ (71) ആ​ണ് മ​രി​ച്ച​ത്.

ശ്വാ​സ​കോ​ശ സം​ബ​ന്ധ​മാ​യ അ​സു​ഖ​ത്തെ​ത്തു​ട​ർ​ന്ന് ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന കൃ​ഷ്ണ​നെ ക​ഴി​ഞ്ഞ​യാ​ഴ്ച​യാ​ണ് ഓ​ക്സി​ജ​ൻ കോ​ണ്‍​സെ​ൻ​ട്രേ​റ്റ​റി​ന്‍റെ സ​ഹാ​യ​ത്തോ​ടെ വീ​ട്ടി​ലേ​ക്കു മാ​റ്റി​യ​ത്. വ്യാ​ഴാ​ഴ്ച അ​ർ​ധ​രാ​ത്രി പ്ര​ദേ​ശ​ത്ത് വൈ​ദ്യു​തി​വി​ത​ര​ണം അ​പ്ര​തീ​ക്ഷി​ത​മാ​യി നി​ല​ച്ച​തോ​ടെ​യാ​ണ് ദു​ര​ന്ത​മു​ണ്ടാ​യ​തെ​ന്ന് കു​ടും​ബാം​ഗ​ങ്ങ​ൾ പ​റ​യു​ന്നു.

ഓ​ക്സി​ജ​ൻ കോ​ണ്‍​സെ​ൻ​ട്രേ​റ്റ​ർ പ്ര​വ​ർ​ത്ത​നം നി​ല​യ്ക്കു​ക​യും കൃ​ഷ്ണ​ന്‍റെ ശ​രീ​ര​ത്തി​ലെ ഓ​ക്സി​ജ​ൻ നി​ല അ​പ​ക​ട​ക​ര​മാ​യി താ​ഴു​ക​യു​മാ​യി​രു​ന്നു. പ​രി​ഭ്രാ​ന്ത​രാ​യ കു​ടും​ബാം​ഗ​ങ്ങ​ൾ ഉ​ട​ൻ കെ​എ​സ്ഇ​ബി ഓ​ഫീ​സി​ൽ ബ​ന്ധ​പ്പെ​ട്ടെ​ങ്കി​ലും സ​ഹാ​യ​ക​ര​മാ​യ പ്ര​തി​ക​ര​ണ​മ​ല്ല ല​ഭി​ച്ച​തെ​ന്ന് അ​വ​ർ ആ​രോ​പി​ച്ചു.

രാ​ത്രി 12.45 ഓ​ടെ വൈ​ദ്യു​തി പു​നഃ​സ്ഥാ​പി​ച്ച് യ​ന്ത്രം വീ​ണ്ടും പ്ര​വ​ർ​ത്തി​പ്പി​ച്ചെ​ങ്കി​ലും അ​തി​ന​കം കൃ​ഷ്ണ​ന്‍റെ ആ​രോ​ഗ്യ​നി​ല അ​തീ​വ ഗു​രു​ത​ര​മാ​യി​രു​ന്നു. വീ​ട്ടി​ലെ​ത്തി പ​രി​ച​രി​ച്ചി​രു​ന്ന പാ​ലി​യേ​റ്റീ​വ് ന​ഴ്സി​നെ വി​വ​രം അ​റി​യി​ച്ചെ​ങ്കി​ലും അ​വ​ർ എ​ത്തു​ന്പോ​ഴേ​ക്കും കൃ​ഷ്ണ​ൻ മ​രി​ച്ചു​വെ​ന്ന് കു​ടും​ബാം​ഗ​ങ്ങ​ൾ പ​റ​ഞ്ഞു. അ​തേ​സ​മ​യം ഇ​തു സം​ബ​ന്ധി​ച്ച് കെ​എ​സ്ഇ​ബി അ​ധി​കൃ​ത​ർ പ്ര​തി​ക​രി​ച്ചി​ട്ടി​ല്ല.

Tags : Complaint Power KSEB Deepika DeepikaNewspaper BreakingNews NewsUpdate Headlines CurrentAffairs