19

കോ​ട്ട​യം: ദീ​പി​ക​യ്ക്ക് ആ​രോ​ടും വേ​ര്‍​തി​രി​വു​ക​ളി​ല്ലെ​ന്നും തു​ല്യ​ത​യാ​ണ് ദീ​പി​ക​യു​ടെ മു​ഖ​മു​ദ്ര​യെ​ന്നും രാഷ്‌ട്രദീ​പി​ക ലി​മി​റ്റ​ഡ് മാ​നേ​ജിം​ഗ് ഡ​യ​റ​ക്ട​ര്‍ ഫാ. ​മൈ​ക്കി​ള്‍ വെ​ട്ടി​ ക്കാ​ട്ട്.

ദീ​പി​ക സ​ത്യം മാ​ത്ര​മേ പ​റ​യൂ. ശ​ബ്ദ​മി​ല്ലാ​ത്ത​വ​രു​ടെ ശ​ബ്ദ​മാ​ണ് ദീ​പി​ക. തു​ല്യ​ത​യ്ക്കാ​യാ​ണ് ദീ​പി​ക പോ​രാ​ടു​ന്ന​തെ​ന്നും അ​ദ്ദേ​ഹം പ​റ​ഞ്ഞു. ദീ​പി​ക​യു​ടെ 140-ാം വാ​ര്‍​ഷി​ക​ത്തോ​ട​നു​ബ​ന്ധി​ച്ച് കോ​ട്ട​യ​ത്തു ന​ട​ന്ന വി​ളം​ബ​ര റാ​ലി​യു​ടെ സ​മാ​പ​ന​ത്തി​ല്‍ പ്ര​സം​ഗി​ക്കു​ക​യാ​യി​രു​ന്നു ഫാ. ​മൈ​ക്കി​ള്‍ വെ​ട്ടി​ക്കാ​ട്ട്.​

ഇ​ന്ന​ല​ത്തെ ദീ​പി​ക​യു​ടെ പ്ര​ധാ​ന​വാ​ർ​ത്തയി​ലെ ലെ​യോ മാ​ർ​പാ​പ്പ​യു​ടെ നി​ല​പാ​ടു ചൂ​ണ്ടി​ക്കാ​ട്ടി, ദീ​പി​ക ആ​രെ​യും ഭ​യ​പ്പെ​ടു​ന്നി​ല്ലെ​ന്നും ദീ​പി​ക​യ്ക്ക് ഭ​യം സ​ര്‍​വ​ശ​ക്ത​നാ​യ ദൈ​വ​ത്തെ മാ​ത്ര​മാ​ണെ​ന്നും അ​ദ്ദേ​ഹം പ​റ​ഞ്ഞു.
ദീ​പി​ക​യു​ടെ മു​ഖ​പ്ര​സം​ഗ​ങ്ങ​ള്‍ പ​രി​ശോ​ധി​ച്ചാ​ല്‍ അ​ത് മ​ന​സി​ലാ​കും. ദീ​പി​ക​യു​ടെ അ​ഭി​പ്രാ​യ സ്വാ​ത​ന്ത്ര്യം ആ​രു​ടെ മു​ന്നി​ലും അ​ടി​യ​റ​വ് വ​യ്ക്കി​ല്ല. നി​ല​പാ​ടു​ക​ളി​ല്‍ ദീ​പി​ക​യ്ക്ക് തെ​ല്ലും മാ​റ്റ​മി​ല്ല.

സ​ത്യ​ദൂ​തി​ക​യ്ക്ക് 140 ദീ​പ്ത​വ​ര്‍​ഷ​ങ്ങ​ള്‍ എ​ന്ന​താ​ണ് ശ​തോ​ത്ത​ര റൂ​ബി ജൂ​ബി​ലി വ​ര്‍​ഷ​ത്തെ ദീ​പി​ക​യു​ടെ ആ​പ്ത​വാ​ക്യം.​ദീ​പി​ക​യു​ടേ​ത് സ​ത്യ​മു​ള്ള കാ​ഴ്ച​പ്പാ​ടാ​ണ്. അ​ഭി​പ്രാ​യ​ങ്ങ​ള്‍ ആ​രു​ടെ മു​ന്നി​ലും തു​റ​വി​യോ​ടെ പ​റ​യും. അ​വ​ഗ​ണി​ക്ക​പ്പെ​ടു​ന്ന​വ​രു​ടെ ശ​ബ്ദ​മാ​യി ദീ​പി​ക പ്ര​ശോ​ഭി​ക്കും.

140-ാം വ​യ​സി​ലേ​ക്ക് ദീ​പി​ക പ്ര​വേ​ശി​ക്കു​മ്പോ​ള്‍​ പ്ര​ഥ​മ പ്ര​ത്രാ​ധി​പ​രാ​യി​രു​ന്ന നി​ധീ​രി​ക്ക​ൽ മാ​ണി​ക്ക​ത്ത​നാ​ർ പ്ര​ഖ‍്യാ​പി​ച്ച നി​ല​പാ​ടു​ക​ളും തു​ട​ങ്ങി​വ​ച്ച പാ​ര​മ്പ​ര‍്യ​ങ്ങ​ളും‍ അ​ണു​വി​ട വ്യ​ത്യാ​സ​മി​ല്ലാ​തെ ഏ​റ്റു​പ​റ​യാ​നും പ്ര​തി​ഷ്ഠി​ക്കാ​നും ദീ​പി​ക കു​ടും​ബ​ത്തി​ലെ ഓ​രോ​രു​ത്ത​രും സു​സ​ജ്ജ​രാ​ണ്.

മ​ല​യാ​ള​ക്ക​ര​യ്ക്ക് സി​എം​ഐ സ​ന‍്യാ​സ സ​മൂ​ഹ​ത്തി​ലൂ​ടെ ക​ത്തോ​ലി​ക്കാ സ​ഭ ന​ല്‍​കി​യ നൂ​റ്റാ​ണ്ടു​ക​ൾ നി​ല​നി​ൽ​ക്കു​ന്ന വി​ഷു​ക്കൈ നീ​ട്ട​മാ​ണ് ദീ​പി​ക​യെ​ന്നും ഫാ. ​മൈ​ക്കി​ള്‍ വെ​ട്ടി​ക്കാ​ട്ട് പ​റ​ഞ്ഞു.

Tags : Deepika no animosity anyone Fr. Michael Vettikkattu