കൊച്ചി: സിഎംആര്‍എല്‍- എക്‌സാലോജിക് കേസില്‍ ഹൈക്കോടതിയില്‍ അപ്പീല്‍ നല്‍കി പ്രതിപക്ഷ നേതാവ് പിണറായി വിജയൻ. മാസപ്പടി കേസില്‍ വിജിലന്‍സ് എഫ്‌ഐആര്‍ രജിസ്റ്റര്‍ ചെയ്യണമെന്ന സിംഗിള്‍ ബെഞ്ച് വിധി റദ്ദാക്കണമെന്നാണ് ഹര്‍ജിയിലെ ആവശ്യം.

പിണറായി വിജയന്‍ അടക്കമുള്ളവര്‍ക്ക് അപ്പീല്‍ നല്‍കാന്‍ ഡിവിഷന്‍ ബെഞ്ച് അനുമതി നല്‍കി. ഹൈക്കോടതി ഡിവിഷന്‍ ബെഞ്ച് ഉച്ചയ്ക്ക് 1.45 ന് പരിഗണിക്കും. ഇഡി റിപ്പോര്‍ട്ടില്‍ നേരിട്ട് എഫ്ഐആര്‍ രജിസ്റ്റര്‍ ചെയ്യുന്നത് തെറ്റാണ് എന്ന വാദം ചൂണ്ടിക്കാട്ടിയാണ് പിണറായിയുടെ അപ്പീല്‍.

പിണറായി വിജയന് വേണ്ടി മുന്‍ അഡ്വക്കേറ്റ് ജനറല്‍ ഗോപാലകൃഷ്ണ കുറുപ്പ് ഹാജരാകും. മകൾ വീണയ്ക്ക് വേണ്ടി മുന്‍ ഡിജിപി ടി.എ. ഷാജിയും, ഭര്‍ത്താവും മുന്‍മന്ത്രിയുമായ പി.എ മുഹമ്മദ് റിയാസിനു വേണ്ടി എസ്. ശ്രീകുമാറും ഹാജരാകും.

അതേസമയം, ഹവാല കള്ളപ്പണ ഇടപാട് കേസില്‍ മുഹമ്മദ് റിയാസിന്‍റെ സുഹൃത്തുക്കള്‍ക്ക് വേണ്ടി അഡ്വ. ബി. രാമന്‍പിള്ളയും ഹാജരാകും.

രണ്ട് എഫ്ഐആറുകളാണ് വിജിലന്‍സ് രജിസ്റ്റര്‍ ചെയ്തത്. അഴിമതി നിരോധന നിയമപ്രകാരമാണ് ആദ്യ കേസ്. രണ്ടാമത്തേത് കുഴല്‍പ്പണ കേസാണ്. രണ്ട് കേസിലും പിണറായി വിജയന്റെ മകള്‍ ടി. വീണ പ്രതിയാണ്. മാസപ്പടി കേസില്‍ പിണറായി വിജയനും കള്ളപ്പണം വെളുപ്പിക്കല്‍ കേസില്‍ മുഹമ്മദ് റിയാസുമാണ് ഒന്നാം പ്രതി.

Tags : PinarayiVijayan Legal Vigilance Case Appeal