പ്രതീകാത്മക ചിത്രം - എഐ
തിരുവനന്തപുരം: നവംബർ 18, 19, 20, 21 തീയതികളിൽ പാലക്കാട് ജില്ലയിലെ മണ്ണാർക്കാട് നടക്കുന്ന സംസ്ഥാന സ്കൂൾ ശാസ്ത്രോത്സവത്തിനായി ലോഗോ ക്ഷണിച്ചു.
ശാസ്ത്രം, ഗണിതശാസ്ത്രം, സാമൂഹ്യശാസ്ത്രം, പ്രവൃത്തിപരിചയം, ഇൻഫർമേഷൻ ടെക്നോളജി, തൊഴിലധിഷ്ഠിത എക്സ്പോ എന്നിവയുടെ പ്രതീകങ്ങൾ ഉൾപ്പെടുത്തിയാകണം ലോഗോ തയാറാക്കേണ്ടത്.
കേരള സ്കൂൾ ശാസ്ത്രോത്സവം 2026 നവംബർ 18, 19, 20, 21, മണ്ണാർക്കാട്-പാലക്കാട് എന്നുള്ള രേഖപ്പെടുത്തലുകൾ ഉണ്ടാകണം. പാലക്കാട് ജില്ലയുടേതായ പ്രതീകങ്ങൾ ഉൾപ്പെടുത്താം.
എഡിറ്റ് ചെയ്യാവുന്ന തരത്തിലുള്ള ഫോർമാറ്റിൽ പെൻഡ്രൈവും ഒപ്പം എ4 സൈസ് പേപ്പറിൽ കളർ പ്രിന്റും നൽകണം. ലോഗോകൾ തയാറാക്കി അയക്കുന്ന കവറിനു പുറത്ത് ‘കേരള സ്കൂൾ ശാസ്ത്രോത്സവം - ലോഗോ’ എന്ന് പ്രത്യേകം രേഖപ്പെടുത്തണം.
ലോഗോകൾ ഒക്ടോബർ മൂന്നിനു വൈകുന്നേരം അഞ്ചിനു മുമ്പായി ലഭിക്കണം. വിലാസം: സി.എ. സന്തോഷ്, പൊതുവിദ്യാഭ്യാസ അഡീഷണൽ ഡയറക്ടർ (അക്കാദമിക്), പൊതുവിദ്യാഭ്യാസ ഡയറക്ടറുടെ കാര്യാലയം, ജഗതി, തിരുവനന്തപുരം - 695 014.
Tags : School ScienceFair Logo Entries Invited Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash