19

പൗ​രോ​ഹി​ത്യ ശു​ശ്രൂ​ഷ​യു​ടെ ആ​ദ്യ​കാ​ല​ങ്ങ​ളി​ൽ എ​ന്‍റെ ആ​രോ​ഗ്യം വ​ള​രെ ക്ഷ​യി​ച്ച സ​മ​യ​മാ​യി​രു​ന്നു. അ​ന്ന് ഒ​രു ഹെഡ്മിസ്ട്രസ് ആയി വിരമിച്ച ഒരു കന്യാസ്ത്രീയെ എനിക്കു പരിചയമുണ്ടായിരുന്നു. എ​ല്ലാ ഞാ​യ​റാ​ഴ്ച​യും മൂ​ന്നു കു​ർ​ബാ​ന​യും കാ​റ്റി​ക്കി​സ​വു​മൊ​ക്കെ ക​ഴി​ഞ്ഞു സിസ്റ്ററെ സ​ന്ദ​ർ​ശി​ക്കാ​ൻ ചെ​ല്ലു​ന്പോ​ൾ ഒ​രു പാ​ത്രം സൂ​പ്പ് എ​നി​ക്കു ത​രു​മാ​യി​രു​ന്നു. അന്ന് എഴുപത് വയസ് എങ്കിലും കാണും അവർക്ക്. ഒ​രു ദി​വ​സം ഞാ​ൻ കാ​ണാ​ൻ ചെ​ല്ലു​ന്പോ​ൾ അ​വ​ർ മ​ഠ​ത്തി​ന്‍റെ മു​റി​യു​ടെ വാ​തി​ൽ​ക്ക​ൽ ഒ​രു ക​സേ​ര വ​ലി​ച്ചി​ട്ടി​രു​ന്ന് വ​രാ​ന്ത​യു​ടെ ഇ​റ​ന്പി​ൽ വ​ള​ർ​ന്നു തൂ​ങ്ങി​യി​രു​ന്ന ഒ​രു ഇ​ല പ​റി​ച്ചു തി​ന്നു​ക​യാ​യി​രു​ന്നു.

അമ്മേ എന്താണ് ഈ കഴിക്കുന്നത്, ഇത് എന്തിന്‍റെ ഇലയാണെന്നു ഞാൻ ചോദിച്ചു. ഇ​തു ച​ക്ക​ര​ക്കൊ​ല്ലി ഇ​ല​യാണെന്നും തന്നെപ്പോലെ ഷുഗർ ഉള്ളവർ കഴിക്കുന്നതു നല്ലതാണെന്നുമായിരുന്നു സിസ്റ്ററുടെ മറുപടി. പിന്നീടാണ് രസകരമായ ഒരു സംഭവമുണ്ടായത്. ഒരു ദിവസം അവിടെ ഒരു ഫംഗ്ഷനു പോയി. അ​പ്പോ​ൾ അ​വ​ർ ല​ഡു​വും ഹൽവ​യും കഴിക്കുന്നതു ഞാൻ കണ്ടു. അതു കണ്ട് അന്പരപ്പ് തോന്നിയെങ്കിലും ചോദിക്കാൻ പോയില്ല.

ഒരുപക്ഷേ, ഷു​ഗ​ർ ഉള്ളവർക്കു മധുരത്തോട് നല്ല താത്പര്യമുണ്ടാകുമെന്നു പറയാറുണ്ടല്ലോ. തി​രി​ച്ചുവ​രു​ന്പോ​ൾ എന്‍റെ ചിന്ത ഇതായിരുന്നു, ഷുഗർ കുറയ്ക്കാൻ ഒ​രു ദി​വ​സം ച​ക്ക​ര​കൊ​ല്ലി ഇ​ല തി​ന്നുന്നു, അ​ടു​ത്ത ദി​വ​സം ല​ഡു ക​ഴി​ക്കുന്നു! ഇതൊട്ടും പൊരുത്തപ്പെടുന്നില്ലല്ലോയെന്നു തോന്നി. കുറെക്കാലം കഴിഞ്ഞ് സിസ്റ്ററുടെ മരണവാർത്തയറിഞ്ഞ് വീണ്ടും അവിടേക്കു പോയിരുന്നു. പക്ഷേ, ഇന്നും മനസിൽ ആ സംഭവം മായാതെ കിടക്കുന്നുണ്ട്.

അഡ്ജസ്റ്റ് ചെയ്താൽ

പലപ്പോഴും ഞാൻ ചിന്തിച്ചിട്ടുണ്ട്, ചില മനുഷ്യരും ഈ ടൈപ്പ് ആണ്. അ​വ​ർ പാ​പം ചെ​യ്യും, കു​റ​ച്ചു പു​ണ്യ​വും ചെ​യ്യും. പാ​പ​ത്തെ പു​ണ്യംകൊ​ണ്ട് അ​ഡ്ജ​സ്റ്റ് ചെ​യ്യാമെന്നാണ് ചിന്തയെന്നു തോന്നുന്നു. ഏ​ശ​യ്യ പ്ര​വാ​ച​ക​ന്‍റെ പു​സ്ത​ക​ത്തി​ൽ ന​മ്മ​ൾ ഇ​പ്ര​കാ​രം വാ​യി​ക്കു​ന്നു: ഞ​ങ്ങ​ൾ​ക്കു ര​ക്ഷ കി​ട്ടു​മോ? ഞ​ങ്ങ​ൾ അ​ശു​ദ്ധ​നെ​പ്പോ​ലെ​യും ഞ​ങ്ങ​ളു​ടെ സ​ത്പ്ര​വൃ​ത്തി​ക​ൾ മ​ലി​ന​വ​സ്ത്രം പോ​ലെ​യു​മാ​ണ്.

ഇ​ല ​പോ​ലെ ഞ​ങ്ങ​ൾ കൊ​ഴി​യു​ന്നു. കാ​റ്റെ​ന്ന​പോ​ലെ, ഞ​ങ്ങ​ളു​ടെ അ​കൃ​ത്യ​ങ്ങ​ൾ ഞ​ങ്ങ​ളെ പ​റ​പ്പി​ച്ചു ക​ള​യു​ന്നു'(ഏ​ശ 64:6). ക​ർ​ത്താ​വ് എ​പ്പോ​ഴും പ​റ​യു​ന്ന​താ​ണ്, സ്വ​ർഗ​ത്തി​ൽ നി​ങ്ങ​ൾ​ക്കു നി​ക്ഷേ​പം ക​രു​തി​വയ്ക്കാ​ൻ (മ​ത്താ​ 6:19). നോ​ന്പു​കാ​ലം നി​ക്ഷേ​പം ക​രു​തി​വയ്ക്കേണ്ട കാ​ല​മാ​ണ്. ഓ​രോ നോ​ന്പ് ദിനത്തിലും ന​മ്മ​ൾ ദൈ​വ​ത്തി​നു ക​ട​ക്കാ​രാ​കാ​തെ, ദൈ​വം ന​മു​ക്കു ത​രാ​നു​ള്ള രീ​തി​യി​ൽ ആ ​ക​ണ​ക്ക് അ​വ​സാ​നി​പ്പി​ക്കാ​ൻ പ്ര​ത്യേ​കം ശ്ര​ദ്ധി​ക്കാം.

Tags : laddu Hridayavazhi Kalvari