മാവേലിക്കര: മാവേലിക്കര പാര്‍ലമെന്‍റ് മണ്ഡലത്തിലെ എന്‍ഡിഎ സ്ഥാനാര്‍ഥി ബൈജു കലാശാലയുടെ കുന്നത്തൂര്‍ മണ്ഡല സ്വീകരണ പരിപാടികള്‍ കിടങ്ങയത്തുനിന്നു ആരംഭിച്ചു. ബിജെപി സംസ്ഥാന കമ്മിറ്റി അംഗം ജി. ഗോപിനാഥ് യോഗം ഉദ്ഘാടനം ചെയ്തു. സംസ്ഥാന സെക്രട്ടറി രാജി പ്രസാദ്, ബിജെപി കൊല്ലം ജില്ലാ ജനറല്‍ സെക്രട്ടറി അഡ്വ. വയയ്ക്കല്‍ സോമന്‍, സംസ്ഥാന കമ്മിറ്റി അംഗം അജിമോന്‍, ഗോപന്‍ ചെന്നിത്തല, വിളക്കുടി ചന്ദ്രന്‍, മണ്ഡലം പ്രസിഡന്‍റുമാരായ ബൈജു ചെറുപൊയ്ക, ആര്‍. ശ്രീനാഥ്, മണ്ഡലം ജനറല്‍ സെക്രട്ടറിമാരായിട്ടുള്ള സന്തോഷ് ചിറ്റേടം, മോഹനന്‍ പിള്ള, മണ്ഡലം വൈസ് പ്രസിഡന്‍റ് മധു കുമാര്‍, ബിജെപി ശൂരനാട് തെക്ക് പഞ്ചായത്ത് പ്രസിഡന്‍റ് ഷിജുകുമാര്‍. യുവമോര്‍ച്ച മണ്ഡലം പ്രസിഡന്‍റ് മനുമോഹന്‍, മണ്ഡലം സെക്രട്ടറിമാരായ വിനോദ് വിശ്വേശ്വരി, ബി.ആര്‍. ശശി, യുവമോര്‍ച്ച വൈസ് പ്രസിഡന്‍റ് വിഷ്ണു സോമന്‍, ഒബിസി മോര്‍ച്ച മണ്ഡലം പ്രസിഡന്‍റ് അജിത് തുടങ്ങിയവര്‍ പങ്കെടുത്തു. ശൂരനാട് തെക്ക്, ശൂരനാട് വടക്ക്, ആനയടി, പോരുവഴി, മണ്ഡ്രോതുരുത്ത്, കിഴക്കേക്കല്ലട എന്നീ മേഖലകളില്‍ വിവിധ സ്ഥലങ്ങളില്‍ സ്ഥാനാര്‍ഥിക്ക് വമ്പിച്ച സ്വീകരണം നല്‍കി. തുടര്‍ന്ന് കുന്നത്തൂര്‍, കക്കാക്കുന്ന് സെന്‍റ് ജോണ്‍സൺ കാഷു ഫാക്ടറിയിലെ കശുവണ്ടി തൊഴിലാളികളെ കണ്ട് വോട്ട്അഭ്യര്‍ഥിച്ചു.