അ​മ​രാ​വ​തി: ആ​ന്ധ്രാ​പ്ര​ദേ​ശി​ലും ഒ​ഡി​ഷ​യി​ലും 'അ​ർ​ണ​ബ്' അ​തി​തീ​വ്ര ചു​ഴ​ലി​ക്കാ​റ്റ് തീ​ര​ത്തേ​ക്ക് അ​ടു​ക്കു​ന്നു. നാ​ളെ ഉ​ച്ച​യ്ക്ക് 12 മ​ണി​ക്ക് മു​മ്പ് കാ​റ്റ് ക​ര​തൊ​ടു​മെ​ന്നാ​ണ് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്ര​ത്തി​ന്‍റെ മു​ന്ന​റി​യി​പ്പ്. നി​ല​വി​ൽ ആ​ന്ധ്രാ​തീ​ര​ത്തു​നി​ന്ന് 300 കി​ലോ​മീ​റ്റ​ർ മാ​ത്രം അ​ക​ലെ​യാ​ണ് ചു​ഴ​ലി​ക്കാ​റ്റി​ന്‍റെ സ്ഥാ​നം. മ​ണി​ക്കൂ​റി​ൽ 25 കി​ലോ​മീ​റ്റ​ർ വേ​ഗ​ത​യി​ലാ​ണ് ഇ​ത് തീ​ര​ത്തേ​ക്ക് നീ​ങ്ങി​ക്കൊ​ണ്ടി​രി​ക്കു​ന്ന​ത്.

യാ​ന​ത്തി​നും കാ​ക്കി​ന​ട​യ്ക്കും ഇ​ട​യി​ലു​ള്ള മേ​ഖ​ല​യി​ലാ​കും അ​ർ​ണ​ബ് ക​ര​യി​ൽ പ്ര​വേ​ശി​ക്കു​ക. ക​ര​തൊ​ടു​മ്പോ​ൾ കാ​റ്റി​ന് മ​ണി​ക്കൂ​റി​ൽ 115 മു​ത​ൽ 125 കി​ലോ​മീ​റ്റ​ർ വ​രെ​യും ക​ര​ക​യ​റി ക​ഴി​ഞ്ഞാ​ൽ 140 കി​ലോ​മീ​റ്റ​ർ വ​രെ​യും വേ​ഗ​ത കൈ​വ​രി​ച്ചേ​ക്കാ​മെ​ന്നാ​ണ് പ്ര​വ​ച​നം. കാ​റ്റി​ന്‍റെ ശ​ക്തി പ്രാ​പി​ച്ച​തോ​ടെ ആ​ന്ധ്രാ തീ​ര​ത്ത് ക​ട​ൽ പ്ര​ക്ഷു​ബ്ധ​മാ​യി​ട്ടു​ണ്ട്. വി​ശാ​ഖ​പ​ട്ട​ണ​ത്ത് അ​തി​ശ​ക്ത​മാ​യ കാ​റ്റാ​ണ് വീ​ശി​യ​ടി​ക്കു​ന്ന​ത്. അ​യ​ൽ സം​സ്ഥാ​ന​മാ​യ ഒ​ഡി​ഷ​യി​ലും പ​ല​യി​ട​ത്തും മ​ഴ ക​ന​ത്തു ക​ഴി​ഞ്ഞു.

രാ​ജ്യം ക​ണ്ട ഏ​റ്റ​വും വ​ലി​യ പ്ര​തി​രോ​ധ ന​ട​പ​ടി​ക​ളാ​ണ് ആ​ന്ധ്രാ​പ്ര​ദേ​ശ് സ​ർ​ക്കാ​ർ സ്വീ​ക​രി​ച്ചി​രി​ക്കു​ന്ന​ത്. കാ​ക്കി​ന​ട തീ​ര​ത്തു​നി​ന്ന് മാ​ത്രം 89,000 ആ​ളു​ക​ളെ ഒ​ഴി​പ്പി​ച്ച് സു​ര​ക്ഷി​ത​മാ​യി ദു​രി​താ​ശ്വാ​സ ക്യാ​മ്പു​ക​ളി​ലേ​ക്ക് മാ​റ്റി. അ​പ​ക​ട​സാ​ധ്യ​ത മു​ൻ​നി​ർ​ത്തി ഹോ​പ് ഐ​ല​ൻ​ഡ് പൂ​ർ​ണ​മാ​യും ഒ​ഴി​പ്പി​ച്ചു. ആ​ന്ധ്ര​യി​ലാ​കെ 1,400-ല​ധി​കം ദു​രി​താ​ശ്വാ​സ ക്യാ​മ്പു​ക​ൾ ത​യാ​റാ​ക്കി​യി​ട്ടു​ണ്ട്. 4,000-ത്തി​ലേ​റെ ഗ​ർ​ഭി​ണി​ക​ളെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റി. ക​ട​ലി​ൽ പോ​യ മു​ഴു​വ​ൻ മീ​ൻ​പി​ടി​ത്ത ബോ​ട്ടു​ക​ളും സു​ര​ക്ഷി​ത​മാ​യി തീ​ര​ത്ത് അ​ടു​പ്പി​ച്ചു.

അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്ത് ആ​ന്ധ്ര​യി​ലും ഒ​ഡി​ഷ​യി​ലും സ്കൂ​ളു​ക​ൾ​ക്ക് ഇ​തി​ന​കം അ​വ​ധി പ്ര​ഖ്യാ​പി​ച്ചി​ട്ടു​ണ്ട്. മു​ൻ​ക​രു​ത​ലാ​യി റെ​യി​ൽ​വേ 53 ട്രെ​യി​നു​ക​ൾ റ​ദ്ദാ​ക്കി. കൂ​ടാ​തെ, വി​ശാ​ഖ​പ​ട്ട​ണം, വി​ജ​യ​വാ​ഡ എ​ന്നി​വി​ട​ങ്ങ​ളി​ൽ നി​ന്നു​ള്ള വി​മാ​ന സ​ർ​വീ​സു​ക​ളെ​യും ചു​ഴ​ലി​ക്കാ​റ്റ് ബാ​ധി​ച്ചേ​ക്കാ​മെ​ന്ന് എ​യ​ർ ഇ​ന്ത്യ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. 1970-ന് ​ശേ​ഷം ആ​ന്ധ്ര നേ​രി​ട്ട 61 ചു​ഴ​ലി​ക്കാ​റ്റു​ക​ളി​ൽ 11 എ​ണ്ണം അ​തി​തീ​വ്ര വി​ഭാ​ഗ​ത്തി​ൽ​പ്പെ​ട്ട​വ​യാ​യി​രു​ന്നു.

Tags : Cyclone Arnab Coast