19

ചെ​ന്നൈ: ത​മി​ഴ്നാ​ട് നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ര​ണ്ടു മ​ണ്ഡ​ല​ങ്ങ​ളി​ൽ മ​ത്സ​രി​ക്കു​ന്ന​തി​നാ​യി ത​മി​ഴ​ക വെ​ട്രി​ ക​ഴ​കം (​ടി​വി​കെ) നേ​താ​വും ന​ട​നു​മാ​യ വി​ജ​യ് സ​മ​ർ​പ്പി​ച്ച സ​ത്യ​വാ​ങ്മൂ​ല​ങ്ങ​ളി​ൽ പൊ​രുത്ത​ക്കേ​ടു​ക​ളു​ണ്ടെ​ന്ന് മ​ദ്രാ​സ് ഹൈ​ക്കോ​ട​തി.

ഒ​രു സ​ത്യ​വാ​ങ്മൂ​ല​ത്തി​ലെ സ്വ​ത്തു​വി​വ​ര​ങ്ങ​ൾ വെ​ളി​പ്പെ​ടു​ത്തി​യ​തി​ൽ നൂ​റു​കോ​ടി രൂ​പ കു​റ​വാ​ണെ​ന്ന് ക​ണ്ടെ​ത്തി​യ​തി​നെ​ത്തു​ട​ർ​ന്ന് വി​ജ​യ്ക്കും ആ​ദാ​യ​നി​കു​തി വ​കു​പ്പി​നും തെ​ര​ഞ്ഞെ​ടു​പ്പ് ക​മ്മീ ഷ​നും നോ​ട്ടീ​സ് അ​യ​യ്ക്കാ​ൻ കോ​ട​തി നി​ർ​ദേ​ശി​ച്ചു.​

ഗു​രു​ത​ര ക്ര​മ​ക്കേ​ടാ​ണെ​ന്നും ഒ​രു മ​ണ്ഡ​ല​ത്തി​ല്‍ സ​മ​ര്‍​പ്പി​ച്ച സ​ത്യ​വാ​ങ്മൂ​ല​ത്തി​ൽ 100 കോ​ട​തി​യു​ടെ സ്വ​ത്തുവി​വ​ര​ങ്ങ​ള്‍ ഉ​ള്‍​പ്പെ​ടു​ത്തി​യി​ട്ടി​ല്ലെ​ന്നും കേ​സ് പ​രി​ഗ​ണി​ച്ച ചീ​ഫ് ജ​സ്റ്റീ​സ് എ​സ്.​എ. ധ​ർ​മാ​ധി​കാ​രി​യും ജ​സ്റ്റീ​സ് ജി.​അ​രു​ൺ മു​രു​ക​നും അ​ട​ങ്ങു​ന്ന ബെ​ഞ്ച് നി​രീ​ക്ഷി​ച്ചു.

കേ​വ​ലം സാ​ങ്കേ​തി​ക പ്ര​ശ്ന​മാ​യി ഇ​തി​നെ ക​ണ​ക്കാ​ക്കാ​നാ​കി​ല്ല. സ്വ​ത്തു വി​വ​ര​ങ്ങ​ള്‍ മ​റ​ച്ചു​വച്ച​തി​നു തെ​ളി​വു​ണ്ടെ​ന്നും കോ​ട​തി വാ​ക്കാ​ൽ നി​രീ​ക്ഷി​ച്ചു.​ ചെ​ന്നൈ സ്വ​ദേ​ശി​യാ​യ വി.​വി​ഘ്നേ​ശ് ന​ൽ​കി​യ ഹ​ർ​ജി​യി​ലാ​ണ് കോ​ട​തി ന​ട​പ​ടി. പെ​ര​മ്പൂ​ര്‍, തി​രു​ച്ചി​റ​പ്പ​ള്ളി ഈ​സ്റ്റ് എ​ന്നി​വി​ട​ങ്ങ​ളി​ലാ​ണ് ഇ​ത്ത​വ​ണ വി​ജ​യ് ജ​ന​വി​ധി തേ​ടു​ന്ന​ത്.

തി​രു​ച്ചി​റ​പ്പ​ള്ളി ഈ​സ്റ്റി​ല്‍ ന​ല്‍​കി​യ സ​ത്യ​വാ​ങ്മൂ​ല​ത്തി​ല്‍ 220 കോ​ടി​യു​ടെ സ്വ​ത്തുവി​വ​ര​ങ്ങ​ളാ​ണ് ഉ​ള്‍​പ്പെ​ടു​ത്തി​യി​രു​ന്ന​ത്. എ​ന്നാ​ല്‍ പെ​ര​മ്പൂ​രി​ലേ​തി​ലാ​ക​ട്ടേ 115 കോ​ടി​യു​ടെ വി​വ​ര​ങ്ങ​ൾ മാ​ത്ര​മാ​ണ് ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

മണ്ഡലം                    സത്യവാങ്മൂലത്തിലെ സ്വത്ത് ‌വിവരം                                    

►തിരുച്ചിറപ്പള്ളി ഈസ്റ്റ് 220 കോടി രൂപ

► പെരമ്പൂർ 115 കോടി രൂപ

ഏകദേശം 105 കോടി രൂപയുടെ കുറവാണ് പെരമ്പൂരിലെ സത്യവാങ്മൂലത്തിൽ കണ്ടെത്തിയിരിക്കുന്നത്.

Tags : Notice issued actor Vijay discrepancy assets details