28

മും​ബൈ: മ​ഹാ​രാ​ഷ്ട്ര​യി​ലെ അ​ഹ​ല്യ​ന​ഗ​റി​ല്‍ ഗ​ര്‍​ഭി​ണി​യെ പെ​ട്രോ​ളൊ​ഴി​ച്ച് ക​ത്തി​ച്ച് കൊ​ല​പ്പെടുത്തിയ ര​ണ്ട് സ്ത്രീ​ക​ള്‍ ഉ​ള്‍​പ്പെ​ടെ നാ​ല് പേ​രെ പൊ​ലി​സ് അ​റ​സ്റ്റ് ചെ​യ്തു. അ​ഹ​ല്യ​ന​ഗ​ര്‍ സ്വ​ദേ​ശി പി​ങ്കി ഹ​നു​മ​ന്ത് ക​ട്ക​യാ​ണ് (31) കൊ​ല്ല​പ്പെ​ട്ട​ത്. ധൂ​ലെ-​സോ​ലാ​പൂ​ര്‍ ദേ​ശീ​യ​പാ​ത​യോ​ര​ത്ത് പ​കു​തി ക​രി​ഞ്ഞ നി​ല​യി​ല്‍ മൃ​ത​ദേ​ഹം ക​ണ്ടെ​ത്തി​യ​തോ​ടെ​യാ​ണ് കൊ​ല​പാ​ത​ക​വി​വ​രം പു​റ​ത്തു​വ​ന്ന​ത്.

ജാം​ഖേ​ഡി​ലെ ആ​ര്‍​ട്ട് സെ​ന്‍റ​റി​ല്‍ വ​ച്ചു​ണ്ടാ​യ ത​ര്‍​ക്ക​മാ​ണ് കൊ​ല​പാ​ത​ക​ത്തി​ല്‍ ക​ലാ​ശി​ച്ച​തെ​ന്ന് പൊ​ലി​സ് വ്യ​ക്ത​മാ​ക്കി. ആ​ര്‍​ട്ട് സെ​ന്‍റ​റി​ല്‍ വ​ച്ച് പ്ര​തി​ക​ള്‍ പി​ങ്കി​യെ മ​ര്‍​ദി​ച്ചു. മ​ര്‍​ദ​ന​മേ​റ്റ് യു​വ​തി ബോ​ധ​ര​ഹി​ത​യാ​യി വീ​ഴു​ക​യു​മാ​യി​രു​ന്നു. യു​വ​തി മ​രി​ച്ചെ​ന്ന് തെ​റ്റി​ദ്ധ​രി​ച്ച പ്ര​തി​ക​ൾ കു​റ്റ​കൃ​ത്യം മ​റ​ച്ചു​വ​യ്ക്കാ​നും തെ​ളി​വു​ക​ള്‍ ന​ശി​പ്പി​ക്കാ​നു​മാ​യി ബോ​ധ​ര​ഹി​ത​യാ​യ യു​വ​തി​യെ കാ​റി​ല്‍ ക​യ​റ്റി ധൂ​ലെ-​സോ​ലാ​പൂ​ര്‍ ദേ​ശീ​യ​പാ​ത​യോ​ര​ത്തെ വി​ജ​ന​മാ​യ മ​ല​യോ​ര മേ​ഖ​ല​യി​ലേ​ക്ക് കൊ​ണ്ടു​പോ​വു​ക​യാ​യി​രു​ന്നു. സം​ഭ​വം ന​ട​ന്ന സ്ഥ​ല​ത്തു​നി​ന്ന് ഏ​ക​ദേ​ശം 275 കി​ലോ​മീ​റ്റ​ർ അ​ക​ലെ​യു​ള്ള പ്ര​ദേ​ശ​ത്തെ​ത്തി​ച്ച ശേ​ഷം യു​വ​തി​യു​ടെ ശ​രീ​ര​ത്തി​ൽ പെ​ട്രോ​ള്‍ ഒ​ഴി​ച്ച് തീ ​കൊ​ളു​ത്തു​ക​യാ​യി​രു​ന്നു. എ​ന്നാ​ല്‍ ഈ ​സ​മ​യ​ത്തും യു​വ​തി​ക്ക് ജീ​വ​നു​ണ്ടാ​യി​രു​ന്നു​വെ​ന്നാ​ണ് പ്രാ​ഥ​മി​ക അ​ന്വേ​ഷ​ണ റി​പ്പോ​ര്‍​ട്ടു​ക​ള്‍ വ്യ​ക്ത​മാ​ക്കു​ന്ന​ത്.

പ​കു​തി ക​രി​ഞ്ഞ നി​ല​യി​ല്‍ മൃ​ത​ദേ​ഹം ക​ണ്ടെ​ത്തി​യ​തി​നെ തു​ട​ര്‍​ന്ന് പൊ​ലി​സ് സി​സി​ടി​വി ദൃ​ശ്യ​ങ്ങ​ള്‍, മൊ​ബൈ​ല്‍ ട​വ​ര്‍ ലൊ​ക്കേ​ഷ​ന്‍, സം​ശ​യാ​സ്പ​ദ​മാ​യ വാ​ഹ​നം എ​ന്നി​വ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ തി​രി​ച്ച​റി​ഞ്ഞ​തും പി​ടി​കൂ​ടി​യ​തും. സം​ഭ​വ​ത്തി​ൽ കൂ​ടു​ത​ൽ അ​ന്വേ​ഷ​ണം ന​ട​ന്നു​കൊ​ണ്ടി​രി​ക്കു​ക​യാ​ണ്.

Tags : Deepika Crime Fire Petrol Arrest Police