4

ഡെ​റാ​ഡൂ​ണ്‍: ഉ​ത്ത​രാ​ഖ​ണ്ഡി​ലെ ഉ​ത്ത​ര​കാ​ശി​യി​ലു​ള്ള ദ​യാ​ര ബു​ഗ്യാ​ൽ മ​ല​നി​ര​ക​ളി​ൽ ട്രെ​ക്കിം​ഗി​ന് പോ​യ വി​ദ്യാ​ർ​ഥി​നി​യെ കാ​ണാ​താ​യി. എം​ബി​എ വി​ദ്യാ​ർ​ഥി​നി ബ​ബി​ത പാ​ണ്ഡെ (24) യെ ​കാ​ണാ​താ​യി​ട്ട് ആ​റ് ദി​വ​സ​മാ​യി. കു​ടും​ബം ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ, കൂ​ടെ​യു​ണ്ടാ​യി​രു​ന്ന സു​ഹൃ​ത്തു​ക്ക​ളാ​യ ഹ​ർ​മ​ൻ​പാ​ൽ സിം​ഗ്, ഹ​ർ​മ​ൻ​പ്രീ​ത് സിം​ഗ് എ​ന്നി​വ​രെ ചോ​ദ്യം ​ചെ​യ്യു​ന്ന​തി​ന് പോ​ലീ​സ് ക​സ്റ്റ​ഡി​യി​ലെ​ടു​ത്തു.

നൈ​നി​റ്റാ​ൾ സ്വ​ദേ​ശി​നി​യാ​യ ബ​ബി​ത മേ​യ് 25-നാ​യി​രു​ന്നു ഹ​ർ​മ​ൻ​പാ​ലി​നും ഹ​ർ​മ​ൻ​പ്രീ​തി​നു​മൊ​പ്പം ഡെ​റാ​ഡൂ​ണി​ലെ​ത്തി​യ​ത്. പി​ന്നീ​ട് ഹ​ർ​സി​ൽ, ഗം​ഗോ​ത്രി തു​ട​ങ്ങി​യ സ​മീ​പ​ത്തെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ സ​ന്ദ​ർ​ശി​ച്ച​താ​യി പോ​ലീ​സ് പ​റ​ഞ്ഞു.

മെ​യ് 28-ന് ​റൈ​ത്ത​ൽ ഗ്രാ​മ​ത്തി​ലെ​ത്തി​യ മൂ​വ​ർ സം​ഘം അ​വി​ടെ​യാ​ണ് താ​മ​സി​ച്ച​ത്. റൈ​ത്ത​ലി​ലെ സി​സി​ടി​വി കാ​മ​റ​ക​ളി​ലാ​ണ് ഇ​വ​രെ അ​വ​സാ​ന​മാ​യി ഒ​ന്നി​ച്ച് ക​ണ്ട​ത്. തൊ​ട്ട​ടു​ത്ത ദി​വ​സം ഇ​വ​ർ റൈ​ത്ത​ലി​ൽ നി​ന്ന് ഉ​ത്ത​രാ​ഖ​ണ്ഡി​ലെ പ്ര​ശ​സ്ത​മാ​യ ട്രെ​ക്കിം​ഗ് കേ​ന്ദ്ര​ങ്ങ​ളി​ലൊ​ന്നാ​യ ദ​യാ​ര ബു​ഗ്യാ​ൽ ല​ക്ഷ്യ​മാ​ക്കി യാ​ത്ര തി​രി​ക്കു​ക​യും രാ​ത്രി ഗോ​യി ബേ​സ് ക്യാ​മ്പി​ൽ ത​ങ്ങു​ക​യും ചെ​യ്തു. അ​ർ​ദ്ധ​രാ​ത്രി​യോ​ടെ ബ​ബി​ത​യെ ക്യാ​മ്പി​ൽ നി​ന്ന് കാ​ണാ​താ​വു​ക​യാ​യി​രു​ന്നു.

ബ​ബി​ത​യെ ക​ണ്ടെ​ത്തു​ന്ന​തി​നാ​യി ക​ര​സേ​ന, ഇ​ൻ​ഡോ-​തി​ബ​റ്റ​ൻ ബോ​ർ​ഡ​ർ പോ​ലീ​സ്, സം​സ്ഥാ​ന ദു​ര​ന്ത നി​വാ​ര​ണ സേ​ന, ദേ​ശീ​യ ദു​ര​ന്ത നി​വാ​ര​ണ സേ​ന, പോ​ലീ​സ്, വ​നം വ​കു​പ്പ്, ദു​ര​ന്ത നി​വാ​ര​ണ വി​ഭാ​ഗം എ​ന്നി​വ​യി​യി​ൽ നി​ന്നു​ള്ള 150 അം​ഗ സം​ഘ​മാ​ണ് നി​ല​വി​ൽ തി​ര​ച്ചി​ൽ ന​ട​ത്തു​ന്ന​ത്.

ബ​ബി​ത​യെ​യും സു​ഹൃ​ത്തു​ക്ക​ളെ​യും വ്യാ​ജ പെ​ർ​മി​റ്റ് ഉ​പ​യോ​ഗി​ച്ചാ​ണ് ട്രെ​ക്കിം​ഗി​ന് അ​യ​ച്ച​തെ​ന്ന് ക​ണ്ടെ​ത്തി​യ​തി​നെ തു​ട​ർ​ന്ന് പ്രോ ​മൗ​ണ്ട​ൻ എ​ന്ന ട്രെ​ക്കിം​ഗ് ഏ​ജ​ൻ​സി​യു​ടെ ര​ജി​സ്ട്രേ​ഷ​ൻ അ​ധി​കൃ​ത​ർ സ​സ്പെ​ൻ​ഡ് ചെ​യ്തു. ട്രെ​ക്കിം​ഗ് ഗൈ​ഡു​ക​ളെ പോ​ലീ​സ് ചോ​ദ്യം ചെ​യ്തു. ടൂ​റി​സം പോ​ർ​ട്ട​ലാ​യ എ​ക്‌​സ്‌​പ്ലോ​ർ ഉ​ത്ത​ര​കാ​ശി വ​ഴി ബ​ബി​ത​യു​ടെ​യോ സു​ഹൃ​ത്തു​ക്ക​ളു​ടെ​യോ പേ​രി​ൽ സാ​ധു​വാ​യ ഡി​ജി​റ്റ​ൽ പെ​ർ​മി​റ്റു​ക​ൾ ഒ​ന്നും ത​ന്നെ അ​നു​വ​ദി​ച്ചി​ട്ടി​ല്ലെ​ന്ന് ഉ​ത്ത​ര​കാ​ശി ജി​ല്ലാ ടൂ​റി​സം ഓ​ഫീ​സ​ർ കെ. ​കെ. ജോ​ഷി സ്ഥി​രീ​ക​രി​ച്ചു.

പ്ര​തി​ദി​നം 150 ട്രെ​ക്ക​ർ​മാ​ർ എ​ന്ന പ​രി​ധി ലം​ഘി​ച്ച്, കാ​ലാ​വ​ധി ക​ഴി​ഞ്ഞ ഒ​രു ഫി​സി​ക്ക​ൽ പെ​ർ​മി​റ്റി​ൽ ബ​ബി​ത​യു​ടെ​യും സു​ഹൃ​ത്തു​ക്ക​ളു​ടെ​യും പേ​രു​ക​ൾ ചേ​ർ​ത്താ​ണ് ഏ​ജ​ൻ​സി ത​ട്ടി​പ്പ് ന​ട​ത്തി​യ​ത്. ചെ​ക്ക്‌​പോ​സ്റ്റി​ൽ ഈ ​പെ​ർ​മി​റ്റി​ലെ ക്യൂ​ആ​ർ കോ​ഡ് സ്കാ​ൻ ചെ​യ്ത​പ്പോ​ൾ മു​ൻ​പ് യാ​ത്ര ചെ​യ്ത​വ​രു​ടെ വി​വ​ര​ങ്ങ​ളാ​ണ് ല​ഭി​ച്ച​ത്. ഈ ​വ്യാ​ജ​രേ​ഖ ച​മ​യ്ക്ക​ൽ കാ​ര​ണം അ​വ​രെ കൊ​ണ്ടു​പോ​യ ഏ​ജ​ൻ​സി​യെ തി​രി​ച്ച​റി​യാ​ൻ ഏ​റെ സ​മ​യം വേ​ണ്ടി വ​ന്നു. വ്യ​ക്തി​പ​ര​മാ​യ ത​ർ​ക്ക​ങ്ങ​ളോ മ​റ്റ് സം​ശ​യാ​സ്പ​ദ​മാ​യ സാ​ഹ​ച​ര്യ​ങ്ങ​ളോ ബ​ബി​ത​യെ കാ​ണാ​താ​യ​തി​ന് പി​ന്നി​ലു​ണ്ടോ എ​ന്ന കാ​ര്യ​വും പോ​ലീ​സ് അ​ന്വേ​ഷി​ക്കു​ന്നു​ണ്ട്.

Tags : Student missing trekking custody