18

എ​ഡ്മ​ണ്ട​ൺ (കാ​ന​ഡ): എ​ഡ്മ​ണ്ട​ൺ സെ​ന്‍റ് ജേ​ക്ക​ബ് സി​റി​യ​ക് ഓ​ർ​ത്ത​ഡോ​ക്സ് ദേ​വാ​ല​യ​ത്തി​ന്‍റെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ക്കു​ന്ന ‘ഈ ​മ​നോ​ഹ​ര തീ​രം 2026’ സാം​സ്കാ​രി​ക ദൃ​ശ്യ​വി​രു​ന്നി​ന്‍റെ ഒ​രു​ക്ക​ങ്ങ​ൾ പൂ​ർ​ത്തി​യാ​യി. പ്ല​സ​ന്‍റ് വ്യൂ ​ക​മ്യൂ​ണി​റ്റി ലീ​ഗ് ഓ​ഡി​റ്റോ​റി​യ​ത്തി​ൽ ഈ ​മാ​സം 19, 20 (വെ​ള്ളി, ശ​നി) തീ​യ​തി​ക​ളി​ലാ​ണ് മേ​ള അ​ര​ങ്ങേ​റു​ന്ന​ത്.

പ്ര​വാ​സി മ​ല​യാ​ളി സ​മൂ​ഹ​ത്തി​ന്‍റെ വ​ൻ പ​ങ്കാ​ളി​ത്തം കൊ​ണ്ട് ശ്ര​ദ്ധേ​യ​മാ​യി​രു​ന്ന ക​ഴി​ഞ്ഞ വ​ർ​ഷ​ത്തെ പ​രി​പാ​ടി​യു​ടെ വി​ജ​യ​ത്തു​ട​ർ​ച്ച​യാ​യാ​ണ് ഇ​ത്ത​വ​ണ ര​ണ്ടു ദി​വ​സ​ങ്ങ​ളി​ലാ​യി വി​പു​ല​മാ​യ ആ​ഘോ​ഷം സം​ഘ​ടി​പ്പി​ക്കു​ന്ന​ത്. മേ​ള​യി​ലേ​ക്കു​ള്ള പ്ര​വേ​ശ​നം പൊ​തു​ജ​ന​ങ്ങ​ൾ​ക്ക് പൂ​ർ​ണ​മാ​യും സൗ​ജ​ന്യ​മാ​യി​രി​ക്കും.

കേ​ര​ള​ത്തി​ന്‍റെ ത​ന​ത് രു​ചി​ക്കൂ​ട്ടു​ക​ൾ ത​ത്സ​മ​യം പാ​ച​കം ചെ​യ്തു ന​ൽ​കു​ന്ന വി​പു​ല​മാ​യ നാ​ട​ൻ ത​ട്ടു​ക​ട ത​ന്നെ​യാ​ണ് ഈ ​വ​ർ​ഷ​ത്തെ​യും പ്ര​ധാ​ന ആ​ക​ർ​ഷ​ണം. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഒ​രു​പോ​ലെ ആ​സ്വ​ദി​ക്കാ​വു​ന്ന വൈ​വി​ധ്യ​മാ​ർ​ന്ന പ്രാ​ദേ​ശി​ക വി​ഭ​വ​ങ്ങ​ൾ ഉ​ൾ​പ്പെ​ടു​ത്തി​യു​ള്ള ഭ​ക്ഷ​ണ​ശാ​ല മേ​ള​യി​ലു​ട​നീ​ളം സ​ജീ​വ​മാ​യി​രി​ക്കും.

ഗൃ​ഹാ​തു​ര​ത്വ​മു​ണ​ർ​ത്തു​ന്ന രു​ചി​ക​ൾ പ്ര​വാ​സി​ക​ൾ​ക്കാ​യി ത​ത്സ​മ​യം ഒ​രു​ക്കു​ന്ന വി​പു​ല​മാ​യ ക്ര​മീ​ക​ര​ണ​ങ്ങ​ളാ​ണ് വേ​ദി​യി​ൽ പൂ​ർ​ത്തി​യാ​യി​ട്ടു​ള്ള​ത്. മേ​ള​യു​ടെ ആ​ദ്യ​ദി​ന​മാ​യ 19ന് ​ഉ​ച്ച​യ്ക്ക് ര​ണ്ട് മു​ത​ൽ രാ​ത്രി ഒ​മ്പ​ത് വ​രെ പ്ര​ത്യേ​ക ച​ല​ച്ചി​ത്ര പ്ര​ദ​ർ​ശ​ന​വും ത​ട്ടു​ക​ട​യു​ടെ ലോ​ഞ്ചും ന​ട​ക്കും.

ഉ​ച്ച​യ്ക്ക് ര​ണ്ട് മു​ത​ൽ വൈ​കു​ന്നേ​രം അ​ഞ്ച് വ​രെ എ​ക്കാ​ല​ത്തെ​യും ഇ​ന്ത്യ​യി​ലെ ഏ​റ്റ​വും ജ​ന സ്വീ​കാ​ര്യ​മാ​യ ഹി​ന്ദി ച​ല​ച്ചി​ത്ര​വും തു​ട​ർ​ന്ന് വൈ​കു​ന്നേ​രം 5.30 മു​ത​ൽ രാ​ത്രി 8.30 വ​രെ പ്ര​മു​ഖ മ​ല​യാ​ള ച​ല​ച്ചി​ത്ര​വു​മാ​ണ് പ്ര​ദ​ർ​ശി​പ്പി​ക്കു​ന്ന​ത്.

ര​ണ്ടാം ദി​ന​മാ​യ 20ന് ​രാ​വി​ലെ 10 മു​ത​ൽ രാ​ത്രി 10 വ​രെ വൈ​വി​ധ്യ​മാ​ർ​ന്ന സാം​സ്കാ​രി​ക പ​രി​പാ​ടി​ക​ളും കു​ടും​ബ​ങ്ങ​ൾ​ക്കാ​യു​ള്ള വി​നോ​ദ​ങ്ങ​ളും അ​ര​ങ്ങേ​റും.

എ​ഴു​പ​ത്, എ​ൺ​പ​ത്, തൊ​ണ്ണൂ​റു​ക​ളി​ലെ മ​ല​യാ​ളം, ത​മി​ഴ്, ഹി​ന്ദി നി​ത്യ​ഹ​രി​ത ഗാ​ന​ങ്ങ​ൾ കോ​ർ​ത്തി​ണ​ക്കി എ​ഡ്മ​ണ്ട​ണി​ലെ പ്ര​മു​ഖ ഗാ​യ​ക​ർ അ​ണി​നി​ര​ക്കു​ന്ന ലൈ​വ് ഗാ​ന​മേ​ള ശ​നി​യാ​ഴ്ച​ത്തെ പ്ര​ധാ​ന ആ​ക​ർ​ഷ​ണ​മാ​യി​രി​ക്കും.

ആ​ഘോ​ഷ​ങ്ങ​ളു​ടെ ഭാ​ഗ​മാ​യി ആ​ക​ർ​ഷ​ക​മാ​യ സ​മ്മാ​ന​ങ്ങ​ൾ നേ​ടാ​നു​ള്ള ല​ക്കി ഡ്രോ ​മ​ത്സ​ര​വും സം​ഘാ​ട​ക​ർ ഒ​രു​ക്കി​യി​ട്ടു​ണ്ട്. 10 ഡോ​ള​ർ മൂ​ല്യ​മു​ള്ള ഒ​രൊ​റ്റ കൂ​പ്പ​ൺ വ​ഴി മ​ണി​ക്കൂ​റു​ക​ൾ തോ​റും ന​ട​ക്കു​ന്ന ന​റു​ക്കെ​ടു​പ്പു​ക​ളി​ലും ര​ണ്ട് മെ​ഗാ സ​മ്മാ​ന​ങ്ങ​ൾ നി​ർ​ണ​യി​ക്കു​ന്ന ഗ്രാ​ൻ​ഡ് ല​ക്കി ഡ്രോ​യി​ലും പ​ങ്കാ​ളി​ക​ളാ​കാ​ൻ പൊ​തു​ജ​ന​ങ്ങ​ൾ​ക്ക് അ​വ​സ​ര​മു​ണ്ടാ​കും.

വി​വ​ര​ങ്ങ​ൾ​ക്കും ല​ക്കി ഡ്രോ ​കൂ​പ്പ​ണു​ക​ൾ​ക്കു​മാ​യി (780) 884-7337 എ​ന്ന ന​മ്പ​റി​ൽ ബ​ന്ധ​പ്പെ​ടാ​വു​ന്ന​താ​ണ്. സി​നി​മ​യും സം​ഗീ​ത​വും ത​ത്സ​മ​യ രു​ചി​ക്കൂ​ട്ടു​ക​ളും ഒ​ത്തു​ചേ​രു​ന്ന മേ​ള​യി​ലേ​ക്ക് മു​ഴു​വ​ൻ മ​ല​യാ​ളി കു​ടും​ബ​ങ്ങ​ളെ​യും സ്വാ​ഗ​തം ചെ​യ്യു​ന്ന​താ​യും മ​ഴ സാ​ധ്യ​ത ക​ണ​ക്കി​ലെ​ടു​ത്ത് ആ​ളു​ക​ൾ​ക്ക് ത​ട​സ​ങ്ങ​ൾ ഉ​ണ്ടാ​കാ​തി​രി​ക്കാ​ൻ പ്ര​ത്യേ​കം ക്ര​മീ​ക​ര​ണ​ങ്ങ​ൾ ചെ​യ്ത​താ​യും സം​ഘാ​ട​ക സ​മി​തി അ​റി​യി​ച്ചു.

Tags : manoharatheeram canada nri news