19

ഡ​ബ്ലി​ൻ: സ്വ​ന്തം നാ​ട്ടി​ൽ നി​ന്നും അ​ക​ന്ന് എ​ത്ര ദൂ​ര​ദേ​ശ​ത്താ​യാ​ലും വി​ശ്വാ​സ പാ​ര​മ്പ​ര്യം കാ​ത്തു​സൂ​ക്ഷി​ക്കു​ന്ന​തി​ൽ സീ​റോ​മ​ല​ബാ​ർ സ​ഭ അം​ഗ​ങ്ങ​ളു​ടെ പ​ങ്ക് ശ്ലാ​ഘ​നീ​യ​മാ​ണെ​ന്ന് ക​ർ​ദി​നാ​ൾ മാ​ർ ജോ​ർ​ജ് ജേ​ക്ക​ബ് കൂ​വ​ക്കാ​ട്.

അ​യ​ർ​ല​ൻ​ഡി​ലെ നോ​ക്ക് അ​ന്താ​രാ​ഷ്ട്ര ദി​വ്യ​കാ​രു​ണ്യ മ​രി​യ​ൻ തീ​ർ​ഥാ​ട​ന കേ​ന്ദ്ര​ത്തി​ൽ ന​ട​ന്ന അ​യ​ർ​ല​ൻ​ഡ് സീ​റോ​മ​ല​ബാ​ർ സ​ഭ​യു​ടെ ദേ​ശീ​യ നോ​ക്ക് തീ​ർ​ഥാ​ട​ന​ത്തോ​ട​നു​ബ​ന്ധി​ച്ചു​ള്ള ആ​ഘോ​ഷ​മാ​യ വി​ശു​ദ്ധ കു​ർ​ബാ​ന​യി​ൽ മു​ഖ്യ​കാ​ർ​മി​ക​ത്വം വ​ഹി​ച്ച് വ​ച​ന​സ​ന്ദേ​ശം ന​ൽ​കു​ക​യാ​യി​രു​ന്നു ക​ർ​ദി​നാ​ൾ.

"നോ​ക്ക് തീ​ർ​ഥാ​ട​നം അ​മ്മ​യു​ടെ മ​ടി​യി​ലേ​ക്കു​ള്ള മ​ക്ക​ളു​ടെ മ​ട​ക്ക​മാ​ണെ​ന്നും ക​ർ​ദി​നാ​ൾ മാ​ർ ജോ​ർ​ജ് ജേ​ക്ക​ബ് കൂ​വ​ക്കാ​ട് പ​റ​ഞ്ഞു. പ​രി​ശു​ദ്ധ ക​ന്യ​കാ​മ​റി​യ​ത്തി​ന്‍റെ നോ​ക്കി​ലെ പ്ര​ത്യ​ക്ഷീ​ക​ര​ണ​ത്തി​ന്‍റെ ച​രി​ത്ര​പ​ശ്ചാ​ത്ത​ല​വും ദൈ​വ​ശാ​സ്ത്ര​പ​ര​മാ​യ പ്ര​സ​ക്തി​യും ക​ർ​ദി​നാ​ൾ വി​ശ​ദീ​ക​രി​ച്ചു.

ഒ​രു വ്യ​ക്തി​യു​ടെ പ്ര​ത്യ​ക്ഷീ​ക​ര​ണ​ത്തേ​ക്കാ​ലു​പ​രി ന​മ്മു​ടെ അ​മ്മ​യാ​യ തി​രു​സ​ഭ​യു​ടെ ത്രി​ത​ല യാ​താ​ർ​ഥ്യ​ങ്ങ​ളു​ടെ ഐ​ക്വ​ത്തെ​പ്പ​റ്റി​യു​ള്ള ഉ​ജ്വ​ല​മാ​യ സാ​ക്ഷ്യ​മാ​യി​രു​ന്നു നോ​ക്ക് പ്ര​ത്യ​ക്ഷീ​ക​ര​ണം. സ​ക​ല​സൗ​ഭാ​ഗ്യ​ങ്ങ​ളും ന​ന്മ​ക​ളും നി​റ​ഞ്ഞ് മു​ടി​ചൂ​ടി​നി​ൽ​ക്കു​ന്ന തി​രു​സ​ഭ​യു​ടെ സ്വ​ർ​ഗീ​യ ആ​രാ​ധ​ന​യി​ലേ​യ്ക്ക് പ്ര​ത്യാ​ശ​യോ​ടെ നീ​ങ്ങാ​ൻ ഈ ​ന​മ്മെ സ​ഹാ​യി​ക്കു​ന്ന ദൈ​വീ​ക ആ​ഹ്വാ​ന​മാ​ണു ഈ ​വെ​ളി​പാ​ടെ​ന്ന് ക​ർ​ദി​നാ​ൾ ഉ​ദ്ദ്ബോ​ദി​പ്പി​ച്ചു.

അ​യ​ർ​ല​ൻ​ഡി​ലേ​യും നോ​ർ​ത്തേ​ൺ അ​യ​ർ​ല​ൻ​ഡി​ലേ​യും വി​വി​ധ ഭാ​ഗ​ങ്ങ​ളി​ൽ​നി​ന്നെ​ത്തി​യ ഏ​ഴാ​യി​ര​ത്തോ​ളം വി​ശ്വാ​സി​ക​ൾ പ​ങ്കെ​ടു​ത്ത തീ​ർ​ഥാ​ട​നം അ​ത്യ​ന്തം ഭ​ക്തി​നി​ർ​ഭ​ര​മാ​യ അ​ന്ത​രീ​ക്ഷ​ത്തി​ലാ​ണ് ന​ട​ന്ന​ത്.

വി​ശ്വാ​സി​ക​ളാ​ൽ നി​റ​ഞ്ഞു​നി​ന്ന നോ​ക്ക് ബ​സി​ലി​ക്ക​യി​ൽ അ​ർ​പ്പി​ച്ച ആ​ഘോ​ഷ​മാ​യ വി​ശു​ദ്ധ കു​ർ​ബാ​ന​യ്ക്ക് ക​ർ​ദി​നാ​ൾ മാ​ർ ജോ​ർ​ജ് ജേ​ക്ക​ബ് കൂ​വ​ക്കാ​ട് മു​ഖ്യ​കാ​ർ​മി​ക​നാ​യി​രു​ന്നു.

യൂ​റോ​പ്പി​ലെ സീ​റോ​മ​ല​ബാ​ർ വി​ശ്വാ​സി​ക​ൾ​ക്കാ​യു​ള്ള അ​പ്പ​സ്തോ​ലി​ക് വി​സി​റ്റേ​റ്റ​ർ ബി​ഷ​പ് മാ​ർ സ്റ്റീ​ഫ​ൻ ചി​റ​പ്പ​ണ​ത്ത്, അ​യ​ർ​ല​ൻ​ഡ് സീ​റോ​മ​ല​ബാ​ർ സ​ഭ​യു​ടെ നാ​ഷ​ണ​ൽ കോ​ഓ​ർ​ഡി​നേ​റ്റ​ർ ഫാ. ​ജോ​സ​ഫ് മാ​ത്യു ഓ​ലി​യ​ക്കാ​ട്ടി​ൽ, റീ​ജി​യ​ണ​ൽ കോ​ഓ​ർ​ഡി​നേ​റ്റ​ർ​മാ​രാ​യ ഫാ. ​ആ​ന്‍റ​ണി പ​ര​തേ​പ്പ​തി​ക്ക​ൽ, ഫാ. ​ജോ​സ് ഭ​ര​ണി​കു​ള​ങ്ങ​ര, ഫാ. ​ജി​ൽ​സ​ൺ കോ​ക്ക​ണ്ട​ത്തി​ൽ എ​ന്നി​വ​രോ​ടൊ​പ്പം അ​യ​ർ​ല​ൻ​ഡി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നെ​ത്തി​യ മു​പ്പ​തോ​ളം വൈ​ദി​ക​ർ സ​ഹ​കാ​ർ​മി​ക​രാ​യി.

സ​ഭാ​യോ​ഗം സെ​ക്ര​ട്ട​റി ഫാ. ​സെ​ബാ​ൻ സെ​ബാ​സ്റ്റ്യ​ൻ വെ​ള്ളാ​മ​ത്ത​റ​യാ​യി​രു​ന്നു തീ​ർ​ഥാ​ട​ന​ത്തി​ന്‍റെ മാ​സ്റ്റ​ർ ഓ​ഫ് സെ​റി​മ​ണി. സീ​റോ​മ​ല​ബാ​ർ സ​മൂ​ഹം ഐ​റീ​ഷ് സ​മൂ​ഹ​ത്തി​നും ആ​രോ​ഗ്യ​പ​രി​പാ​ല​ന മേ​ഖ​ല​യി​ലും ക്രൈ​സ്ത​വ വി​ശ്വാ​സ​ജീ​വി​ത​ത്തി​ലും ന​ൽ​കു​ന്ന വി​ല​മ​തി​ക്കാ​നാ​കാ​ത്ത സം​ഭാ​വ​ന​ക​ൾ​ക്ക് ന​ന്ദി രേ​ഖ​പ്പെ​ടു​ത്തി, നോ​ക്ക് അ​ന്താ​രാ​ഷ്ട്ര തീ​ർ​ഥാ​ട​ന​കേ​ന്ദ്ര​ത്തി​ന്‍റെ റെ​ക്‌​ട​ർ വെ​രി. റ​വ.​ഫാ. റി​ച്ചാ​ർ​ഡ് ഗി​ബ​ൺ​സ് വി​ശ്വാ​സി​ക​ളെ സ്വാ​ഗ​തം ചെ​യ്തു.

ഈ ​വ​ർ​ഷം അ​യ​ർ​ല​ൻ​ഡി​ലെ വി​വി​ധ കു​ർ​ബാ​ന സെ​ന്‍റ​റു​ക​ളി​ൽ​നി​ന്ന് ആ​ദ്യ കു​ർ​ബാ​ന സ്വീ​ക​രി​ച്ച കു​ട്ടി​ക​ൾ​ക്ക് ക​ർ​ദി​നാ​ൾ വി​ശു​ദ്ധ കു​ർ​ബാ​ന ന​ൽ​കി. വി​വി​ധ കു​ർ​ബാ​ന സെ​ന്‍റ​റു​ക​ളി​ൽ​നി​ന്നെ​ത്തി​യ അ​ൾ​ത്താ​ര ബാ​ല​ന്മാ​രും ശു​ശ്രൂ​ഷ​യി​ൽ സ​ജീ​വ​മാ​യി പ​ങ്കെ​ടു​ത്തു.

വ​ലി​യ കു​ടും​ബ​ങ്ങ​ളെ ആ​ദ​രി​ക്കു​ന്ന​തി​ന്‍റെ ഭാ​ഗ​മാ​യി, ആ​റു മ​ക്ക​ളു​ള്ള ബെ​ൽ​ഫാ​സ്റ്റി​ലെ ജോ​ബി​ൻ ജോ​സ​ഫ് - അ​നു ആ​ന്‍റ​ണി ദ​മ്പ​തി​ക​ളേ​യും അ​ഞ്ച് മ​ക്ക​ളു​ള്ള ഇ​ഞ്ചി​ക്കോ​ർ സ്വ​ദേ​ശി​ക​ളാ​യ ആ​നീ​ഷ് ജെ​യിം​സ് - ലൂ​തി​ൻ മാ​ത്യു ദ​മ്പ​തി​ക​ളേ​യും ലി​ന്‍റോ ജോ​സ​ഫ് - ലി​ജി ജോ​സ് ദ​മ്പ​തി​ക​ളെ​യും ദ്രോ​ഗ​ഡ സ്വ​ദേ​ശി​ക​ളാ​യ ജി​ൻ​സ​ൺ ജോ​സ​ഫ് - സ്നോ​ബി​യ മ​രി​യ മാ​ത്യു ദ​മ്പ​തി​ക​ളെ​യും ച​ട​ങ്ങി​ൽ ആ​ദ​രി​ച്ചു.

ക​ഴി​ഞ്ഞ വ​ർ​ഷം അ​യ​ർ​ല​ൻ​ഡി​ലെ ലീ​വിം​ഗ് സ​ർ​ട്ട് പ​രീ​ക്ഷ​ക​ളി​ലും നോ​ർ​ത്തേ​ൺ അ​യ​ർ​ല​ൻ​ഡി​ലെ എ-​ലെ​വ​ൽ പ​രീ​ക്ഷ​ക​ളി​ലും ഉ​ന്ന​ത വി​ജ​യം നേ​ടി​യ വി​ദ്യാ​ർ​ഥി​ക​ൾ​ക്കും പു​ര​സ്കാ​ര​ങ്ങ​ൾ വി​ത​ര​ണം ചെ​യ്തു.

ലീ​വിം​ഗ് സ​ർ​ട്ടി​ൽ ഐ​റി​ൻ തെ​രേ​സ സോ​ണി (കി​ൽ​ക്കെ​നി), ക്രി​സ് തോ​മ​സ് (കോ​ർ​ക്ക്), മെ​ൽ​വി​ൻ ദേ​വ​സ്യ സാ​വി​യോ (താ​ല) എ​ന്നി​വ​രും, എ-​ലെ​വ​ലി​ൽ സ്വീ​റ്റി സി​ന്നി (ബെ​ൽ​ഫാ​സ്റ്റ്)​യും പു​ര​സ്കാ​ര​ങ്ങ​ൾ​ക്ക് അ​ർ​ഹ​രാ​യി.

ദേ​ശീ​യ​ത​ല ബൈ​ബി​ൾ ക്വി​സ് വി​ജ​യി​ക​ളാ​യ ജോ​ഷ് വ​ർ​ഗീ​സ് (ബ്രേ), ​ഇ​വ എ​ൽ​സ സു​മോ​ദ് (നാ​സ്), ജോ​യ​ൽ വ​ർ​ഗീ​സ് (ബ്രേ), ​ആ​ര​ൻ ജോ​ബി​ൻ (ലൂ​ക്ക​ൻ), സ്മി​ത ഷാ​ന്‍റോ (സോ​ർ​ഡ്സ്) എ​ന്നി​വ​രും നാ​ഷ​ണ​ൽ ഗ്രാ​ൻ​ഡ് ഫി​നാ​ലെ​യി​ൽ വി​ജ​യി​ക​ളാ​യ സോ​ർ​ഡ്സ്, ഫി​ബ്സ്ബ​റോ, താ​ലാ കു​ർ​ബാ​ന സെ​ന്‍റ​ർ ടീ​മു​ക​ളും ക​ർ​ദി​നാ​ളി​ൽ​നി​ന്ന് ട്രോ​ഫി​ക​ൾ ഏ​റ്റു​വാ​ങ്ങി.

വി​ശു​ദ്ധ കു​ർ​ബാ​ന​യ്ക്കു​ശേ​ഷം ന​ട​ന്ന വി​ശ്വാ​സ പ്ര​ദ​ക്ഷി​ണം തീ​ർ​ഥാ​ട​ന​ത്തി​ന്‍റെ ഏ​റ്റ​വും ശ്ര​ദ്ധേ​യ​മാ​യ ആ​ത്മീ​യ അ​നു​ഭ​വ​ങ്ങ​ളി​ലൊ​ന്നാ​യി മാ​റി. നൂ​റു​ക​ണ​ക്കി​ന് മു​ത്തു​കു​ട​ക​ളും പൊ​ൻ-​വെ​ള്ളി കു​രി​ശു​ക​ളും കൊ​ടി​ക​ളു​മേ​ന്തി ആ​യി​ര​ക്ക​ണ​ക്കി​ന് വി​ശ്വാ​സി​ക​ൾ അ​യ​ർ​ല​ൻ​ഡി​ന്‍റെ മ​ണ്ണി​ൽ മാ​ർ​ത്തോ​മ്മാ ന​സ്രാ​ണി​ക​ളു​ടെ വി​ശ്വാ​സ​പാ​ര​മ്പ​ര്യം അ​ഭി​മാ​ന​പൂ​ർ​വം സാ​ക്ഷ്യ​പ്പെ​ടു​ത്തി.

ചെ​റു​പു​ഷ്പം മി​ഷ​ൻ ലീ​ഗി​ന്‍റെ പ​താ​ക​ക​ളു​മാ​യി കു​ഞ്ഞു മി​ഷ​ന​റി​മാ​ർ, സീ​റോ​മ​ല​ബാ​ർ യൂ​ത്ത് മൂ​വ്മെ​ന്‍റി​ന്‍റെ യു​വ​ജ​ന​ങ്ങ​ൾ, മ​രി​യ​ൻ പ​താ​ക​ക​ളു​മാ​യി മാ​തൃ​വേ​ദി അം​ഗ​ങ്ങ​ൾ, മു​ത്തു​കു​ട​ക​ളേ​ന്തി​യ പി​തൃ​വേ​ദി പ്ര​വ​ർ​ത്ത​ക​ർ, വി​വി​ധ കു​ർ​ബാ​ന സെ​ന്‍റ​റു​ക​ളി​ൽ​നി​ന്നെ​ത്തി​യ അ​ൾ​ത്താ​ര ശു​ശ്രൂ​ഷ​ക​ർ, ആ​ദ്യ​കു​ർ​ബാ​ന വേ​ഷ​ത്തി​ൽ കു​ട്ടി​ക​ൾ എ​ന്നി​വ​ർ പ്ര​ദ​ക്ഷി​ണ​ത്തെ വ​ർ​ണാ​ഭ​മാ​ക്കി.

മാ​ലാ​ഖ​മാ​രു​ടേ​യും വി​ശു​ദ്ധ​രു​ടേ​യും വേ​ഷ​ങ്ങ​ളി​ൽ എ​ത്തി​യ കു​ട്ടി​ക​ൾ പ്ര​ത്യേ​ക ശ്ര​ദ്ധ​നേ​ടി. കേ​ര​ള​സ​ഭ​യി​ലെ വി​ശു​ദ്ധ​രു​ടെ തി​രു​സ്വ​രൂ​പ​ങ്ങ​ളോ​ടൊ​പ്പം നോ​ക്കി​ലെ മാ​താ​വി​ന്‍റെ തി​രു​സ്വ​രൂ​പ​വും വ​ഹി​ച്ചു​കൊ​ണ്ട് ജ​പ​മാ​ല പ്രാ​ർ​ഥ​ന​യോ​ടെ ആ​രം​ഭി​ച്ച പ്ര​ദ​ക്ഷി​ണം മാ​താ​വ് പ്ര​ത്യ​ക്ഷ​പ്പെ​ട്ട ദേ​വാ​ല​യ​ത്തി​ൽ സ​മാ​പി​ച്ചു. ഡ​ബ്ലി​ൻ റീ​ജി​യ​ൺ കൗ​ൺ​സി​ൽ പ്ര​ദ​ക്ഷി​ണ​ത്തി​ന് നേ​തൃ​ത്വം ന​ൽ​കി.

ദി​വ്യ​കാ​രു​ണ്യ ആ​രാ​ധ​ന, ജ​പ​മാ​ല, ആ​ഘോ​ഷ​മാ​യ തി​രു​നാ​ൾ ദി​വ്യ​ബ​ലി, ആ​ത്മീ​യ സ​ന്ദേ​ശ​ങ്ങ​ൾ, അ​ഭി​വ​ന്ദ്യ പി​താ​ക്ക​ന്മാ​രു​ടെ​യും വൈ​ദി​ക​രു​ടെ​യും സാ​ന്നി​ധ്യം, ആ​രാ​ധ​നാ​സ്തു​തി​ഗാ​ന​ങ്ങ​ളാ​ൽ സ​മൃ​ദ്ധ​മാ​യ കേ​ര​ളീ​യ ഭ​ക്തി​പാ​ര​മ്പ​ര്യം നി​റ​ഞ്ഞ പ്ര​ദ​ക്ഷി​ണം എ​ന്നി​വ തീ​ർ​ഥാ​ട​ക​ർ​ക്കു വേ​റി​ട്ട ആ​ത്മീ​യാ​നു​ഭ​വ​മാ​യി.

അ​ടു​ത്ത വ​ർ​ഷ​ത്തെ അ​യ​ർ​ല​ൻ​ഡ് സീ​റോ​മ​ല​ബാ​ർ സ​ഭ​യു​ടെ നാ​ഷ​ണ​ൽ നോ​ക്ക് തീ​ർ​ഥാ​ട​നം 2027 മെ​യ് എ‌​ട്ടി​ന് ന​ട​ക്കും. കൂ​ടാ​തെ എ​ല്ലാ ര​ണ്ടാം ശ​നി​യാ​ഴ്ച​ക​ളി​ലും നോ​ക്ക് ദേ​വാ​ല​യ​ത്തി​ൽ സീ​റോ​മ​ല​ബാ​ർ വി​ശു​ദ്ധ കു​ർ​ബാ​ന​യും അ​നു​ബ​ന്ധ തി​രു​ക​ർ​മ​ങ്ങ​ളും പ​തി​വു​പോ​ലെ ന​ട​ക്കു​ന്ന​താ​യും സം​ഘാ​ട​ക​ർ അ​റി​യി​ച്ചു.

Tags : Mar George Jacob Koovakad Dublin Ireland