19

ഡ​ബ്ലി​ൻ: അ​യ​ർ​ല​ൻ​ഡി​ൽ വി​വി​ധ​യി​ട​ങ്ങ​ളി​ൽ ന​ട​ന്ന സെ​ന്‍റ് പാ​ട്രി​ക് ദി​നാ​ഘോ​ഷ പ​രി​പാ​ടി വ​ർ​ണാ​ഭ​മാ​യി. ത​ല​സ്ഥാ​ന ന​ഗ​ര​മാ​യ ഡ​ബ്ലി​നി​ൽ ന​ട​ന്ന പ​രേ​ഡ് വീ​ക്ഷി​ക്കാ​ൻ അ​ഞ്ച് ല​ക്ഷ​ത്തി​ലേ​റെ പേ​രെ​ത്തി.

വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള അ​യായി​ര​ത്തോ​ളം പേ​ർ പ​രേ​ഡി​ൽ അ​ണി​നി​ര​ന്നു. ഏ​റെ പ്ര​സ​ന്ന​മാ​യ കാ​ലാ​വ​സ്ഥാ​യി​ലാ​യി​രു​ന്നു പ​രേ​ഡ്. ഡ​ബ്ലി​ൻ ക​ണ്ട​തി​ൽ വ​ച്ചേ​റ്റ​വും വ​ലി​യ ജ​ന​സാ​ന്നി​ധ്യ​മാ​യി​രു​ന്നു ഇ​ത്ത​വ​ണ​ത്തേ​ത്.

ഡ​ബ്ലി​ൻ പാ​ർ​ന​ൽ സ്ട്രീ​റ്റ് നോ​ർ​ത്തി​ൽ നി​ന്നും ആ​രം​ഭി​ച്ച പ​രേ​ഡ് കെ​വി​ൻ സ്ട്രീ​റ്റ് ലോ​വ​റി​ൽ സ​മാ​പി​ച്ചു. അ​യ​ർ​ല​ൻഡിന്‍റെ മ​ധ്യ​സ്ഥ​നാ​യ സെ​ന്‍റ് പാ​ട്രി​ക് എ ​ഡി 461 മാ​ർ​ച്ച് 17നാ​ണ് മ​ര​ണ​മ​ട​ഞ്ഞ​ത്.

എ​ല്ലാ വ​ർ​ഷ​വും അ​ന്നേ ദി​വ​സ​മാ​ണ് അ​യ​ർ​ല​ൻഡിലും ലോ​ക​ത്തിന്‍റെ മ​റ്റി​ട​ങ്ങ​ളി​ലും സെന്‍റ് പാ​ട്രി​ക് പ​രേ​ഡു​ക​ൾ ന​ട​ന്നു വ​രു​ന്ന​ത്.

രാ​ജ്യ​ത്തി​ന് പു​റ​ത്തു ന്യൂ​യോ​ർ​ക്ക്, ല​ണ്ട​ൻ, ബെ​ൽ​ഫാ​സ്റ്റ്, മാ​ഞ്ച​സ്റ്റ​ർ, ബെ​ർ​മിം​ഗ്ഹാം, ഹൂസ്റ്റ​ൺ, ഷി​ക്കാ​ഗോ, കാ​ന​ഡ, കാ​ലി​ഫോ​ർ​ണി​യ, ജ​പ്പാ​ൻ, ബ്ര​സി​ൽ, ഓ​സ്‌​ട്രേ​ലി​യ, ന്യൂ​സീ​ല​ൻ​ഡ്, അ​ർ​ജ​ന്‍റീ​ന, ദക്ഷിണാഫ്രി​ക്ക തു​ട​ങ്ങി​യ ഇ​ട​ങ്ങ​ളി​ലും സെ​ന്‍റ് പാ​ട്രി​ക് ഡേ ​പ​രേ​ഡു​ക​ൾ ന​ട​ന്നു വ​രു​ന്നു.

അ​യ​ർ​ല​ണ്ടി​ൽ ഡ​ബ്ലി​ന് പു​റ​മെ കോ​ർ​ക്ക്, ലിം​റി​ക്, ഗാ​ൽ​വേ, വാ​ട്ട​ർ​ഫോ​ർ​ഡ്, കി​ൽ​ക്കെ​ന്നി, ഡെ​റി, വെ​ക്സ്ഫോ​ർ​ഡ്, സ്ലൈ​ഗോ തു​ട​ങ്ങി​യ ഇ​ട​ങ്ങ​ളി​ലും ആ​ഘോ​ഷ​പ​രി​പാ​ടി​ക​ൾ ന​ട​ന്നു.

ഇ​തി​ന്‍റെ ഭാ​ഗ​മാ​യി കാ​ർ​ണി​വ​ലു​ക​ൾ , സം​ഗീ​ത നി​ശ, നൃ​ത്തം, നാ​ട​കം തു​ട​ങ്ങി​യ​വ​യും അ​ര​ങ്ങേ​റി.

Tags : st patrick day Ireland celebration nri news