12

മ​യാ​മി: ഫി​ഫ ലോ​ക​ക​പ്പ് ക്വാ​ർ​ട്ട​ർ ഫൈ​ന​ലി​ൽ നോ​ർ​വേ​യെ ഒ​ന്നി​നെ​തി​രെ ര​ണ്ട് ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി ഇം​ഗ്ല​ണ്ട് സെ​മി ഫൈ​ന​ലി​ലേ​ക്ക് മു​ന്നേ​റി. ഒ​രു ഗോ​ളി​ന് പി​ന്നി​ൽ നി​ന്ന ശേ​ഷം ജൂ​ഡ് ബെ​ല്ലിം​ഗ്ഹാ​മി​ന്‍റെ ഇ​ര​ട്ട ഗോ​ളു​ക​ളു​ടെ ക​രു​ത്തി​ലാ​ണ് ഇം​ഗ്ല​ണ്ട് ആ​വേ​ശ​ക​ര​മാ​യ വി​ജ​യം നേ​ടി​യ​ത്.

മ​ത്സ​ര​ത്തി​ന്‍റെ 40-ാം മി​നി​റ്റി​ൽ ആ​ന്ദ്രി​യാ​സ് ഷെ​ൽ​ഡെ​റൂ​പി​ലൂ​ടെ​യാ​ണ് നോ​ർ​വേ മു​ന്നി​ലെ​ത്തി​യ​ത്. ഇം​ഗ്ല​ണ്ട് ക്യാ​പ്റ്റ​ൻ ഹാ​രി കെ​യ്‌​നി​ന് പ​ന്ത് ന​ഷ്ട​പ്പെ​ട്ട​തി​നെ​ത്തു​ട​ർ​ന്ന് ല​ഭി​ച്ച അ​വ​സ​രം മു​ത​ലെ​ടു​ത്ത് ബോ​ക്സി​ന്‍റെ അ​രി​കി​ൽ നി​ന്ന് ഷെ​ൽ​ഡെ​റൂ​പ്പ് തൊ​ടു​ത്ത ശ​ക്ത​മാ​യ ഷോ​ട്ട് ഇം​ഗ്ല​ണ്ട് ഗോ​ൾ​കീ​പ്പ​ർ ജോ​ർ​ദാ​ൻ പി​ക്‌​ഫോ​ർ​ഡി​നെ മ​റി​ക​ട​ന്ന് വ​ല​യി​ലെ​ത്തി. 

എ​ന്നാ​ൽ, ആ​ദ്യ പ​കു​തി​യു​ടെ ഇ​ഞ്ചു​റി ടൈ​മി​ൽ ത​ന്നെ ഇം​ഗ്ല​ണ്ട് തി​രി​ച്ച​ടി​ച്ചു. നോ​ർ​വേ​യു​ടെ പ്ര​തി​രോ​ധം മ​റി​ക​ട​ന്ന് ബോ​ക്സി​ലേ​ക്ക് ഇ​ര​ച്ചു​ക​യ​റി​യ ജൂ​ഡ് ബെ​ല്ലിം​ഗ്ഹാം ഇ​ടം​കാ​ലു​കൊ​ണ്ട് പ​ന്ത് വ​ല​യി​ലാ​ക്കി ഇം​ഗ്ല​ണ്ടി​ന് സ​മ​നി​ല സ​മ്മാ​നി​ച്ചു. ഇ​തി​നി​ടെ ഹാ​രി കെ​യ്‌​ൻ ഒ​രു ഗോ​ൾ നേ​ടി​യെ​ങ്കി​ലും ഓ​ഫ്‌​സൈ​ഡ് വി​ളി​ച്ച​തി​നെ​ത്തു​ട​ർ​ന്ന് അ​ത് അ​നു​വ​ദി​ച്ചി​ല്ല.

മ​ത്സ​രം 90 മി​നി​റ്റ് പി​ന്നി​ട്ടി​ട്ടും ഇ​രു​ടീ​മു​ക​ളും 1-1 എ​ന്ന നി​ല​യി​ൽ സ​മ​നി​ല പാ​ലി​ച്ച​തോ​ടെ മ​ത്സ​രം എ​ക്സ്ട്രാ ടൈ​മി​ലേ​ക്ക് നീ​ണ്ടു. എ​ക്സ്ട്രാ ടൈ​മി​ന്‍റെ 93-ാം മി​നി​റ്റി​ൽ ബെ​ല്ലിം​ഗ്ഹാം വീ​ണ്ടും ഇം​ഗ്ല​ണ്ടി​ന്‍റെ ര​ക്ഷ​ക​നാ​യി. നോ​ർ​വേ ഗോ​ൾ​കീ​പ്പ​റു​ടെ പി​ഴ​വ് മു​ത​ലെ​ടു​ത്ത് ബെ​ല്ലിം​ഗ്ഹാം നേ​ടി​യ ത​ക​ർ​പ്പ​ൻ ഗോ​ൾ ഇം​ഗ്ല​ണ്ടി​ന് സെ​മി ഫൈ​ന​ലി​ലേ​ക്കു​ള്ള ടി​ക്ക​റ്റ് ഉ​റ​പ്പാ​ക്കി.  

Tags : Bellingham England Norway Latest News